#عُقد_البنات
البارت الخامس والأربعون
للكاتبة لبنى الموسوي
درت وجهي للخلف انصدمت بيه ديلاحق الولد
هذا شلون عرف؟!! حتى مـ لحگت احچي له شي عنهم
ظلينا ننتظر نخاف لنتحرك ويرجعون علينا
أقل العشر دقايق إجت سيارة الدورية .. نزل منها فتح الباب ودفعهم وگعوا يم رجلنا
- شمسوين وياكم ؟!!
نبض.. يتحرشون بينا وسحب أختي من جنطتها وگعها بالگاع
- صاح ع الشرطي أخذوهم للمركز ضيفوهم يمنا اليوم
رجع إلتفت علينا ليش التأخير من زمان حلن الطالبات
عشق.. أختي چان عدها أضافي
- بيتكم وين
- هنا بعد السوق مباشرةً
- يلا لعد بسرعة ارجعن للبيت ولتطبن بالفروع خليچن ع الشارع العام حتى تظلن گدام عيوني
عشق.. اي تمام و شكراً الكم على كل شي
سحبت نبض دنروح شفت ماما جاية من بعيد
تصنمت بـ مكاني من الخوف شراح يخلصنا منها اليوم
- تقدمت علينا بـ عصبية وين صرتن !!!
عشق.. بالبيت نحچي ماما
عطاء.. گلت ووووين صرتننننن
- رد الضابط .. اعصابچ يوم البنات صار عدهن إضافي
وبطريق الرجعة اكو سرسرية تعرضولهن واحنه سوينا وياهم اللازم ما صار شي
عطاء.. رحم الله والديك أبني مـ قصرتوا
حچتها وسحبتنا كل وحدة بـ إيد
مشينا مسافة ساكتين بعدني مـ تنفست صاحت اششش بالبيت نتحاسب
الطريق كله تنفض من العصبية من رجفة إيدها حسيت راح يصير الها شي لا سامح الله
وصلنا للبيت طبينا قبلها وراحت هيَّ تجيب ورد ونظر من خالة أم هبة
عشق.. شفتي خاتون شسويتي شراح يخلصنا اليوم ؟!!
نبض.. وچ والله نسيت قابل متعمدة أخلي بالها ويانا
عشق.. وين عقلچ الخاطر الله ركزي زين ماما مو حمل قهر البيها كافيها إذا صار الها شي بشنو يفيدنا غبائچ
نبض.. هسه اني احچي وياها اطلعي من السالفة انتِ
عطاء.. عششششق نببببببض
عشق.. اجت امشي نترزل خاتون الله يطيح حظچ
دفعتها گدامي ،، طلعنا أمي واگفة بالصالة والوجه دم
تقدمت نبض باست راسها وإيدها اسفة ماما الصوچ بيَّ عشق مالها دخل اني نسيت أبلغكم عندي إضافي
عطاء.. تعرفين شسويتي بيَّ لو لا
نبض.. اسفة والله متنعاد أول وأخر مرة ان شاء الله
أنت تقرأ
عقد البنات
Historische fictieلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
