#عُقد_البنات
البارت الثلاثون
للكاتبة لبنى الموسوي
عشق.. نايمة والـ غصة تارسة گلبي
فزيت على لمسات رقيقة تتخلل بين خُصلات شعري
فتحت عيني بـ تعب أمي ،، رمقتني بـ نظرة عتب
الشهگة مسيطرة على صدري حتى صباح الخير طلعت مني بشكل متقطع نصت باست گصتي بـ رفق
- صباح النور بنيتي بشريني شلون صرتي اليوم
- الحمد لله
حچيتها وعدلت گعدتي ارتچيت ع الحايط
دخلت اطراف أصابعي بـ شعري
ضغطت على راسي حيل الوجع دياكل خلايا مخي أكل
- بعدني منصية راسي رفعته بـ إيدها مو كافي إنطيني هالسجلات دتأذيچ أكثر متريحچ
- رادت تسحبهن لزمت إيدها ع السريع... لاااا عوفيهن
- يمة أسمعي مني
- اترجاچ عوفي و لتخافين بنت عطاء القمر قوية مثل أمها
- يلا لعد اشوف گومي گدامي
فوتي للحمام غسلي وجهچ ولميلي هالكفشة بين ميجهز الريوگ حتى تتريگين وتبلعين علاجچ بـ وقته
- باوعت بـ عيونها ضايعة كلام الدنيا كله تبخر لحظتها
سحبت كف إيدها بسته أكثر من مرة
نزلت دموعي بللت حضنها رفعت راسي باوعتلي بـ تعب
مگدرت أقاوم أكثر
إنهاريت گدامها مثل الطفلة الـ مجروحة
بچيت بـ حرقة متنوصف واني ألمح تعب هالسنين اللي إنخط على شكل حبر ع الورق إنرسم بـ عيونها فجأة
- حضنت وجهها الحنين بـ اثنين إيدية
شلون تحملتي كل هذا؟! شلون تحملتي ماما حاچيني
شلون قاومتي وبقيتي عايشة؟!! شلون هالگلب الطيب والرقيق ظل مقاوم وموگف بذاك اليوم المشؤوم
تعرفين انتِ شنو ؟!!
انتِ بطلة
انتِ شجاعة
انتِ لبوة رغم كثرة الوحوش داير مدايرها بس صمدت وظلت محافظة على نفسها وبناتها بكل صلابة
والله العظيم مستحيل وحدة تتحمل الـ تحملتيه انتِ
احنه شنو يمچ !!!
اصلاً عيب نتنفس بـ حضرة أوجاعچ لأن كل قهر ينقاس بـ قهرچ يطلع قليل وماله قيمة ولا إعتبار
احچي ودموعها تهل مثل المطر رفعت إيدي مسحتهن
كافي بچي بچيتي هواي صار الوقت حتى ترتاحين
سحبت إيدها وگمت
يلا رايحة أغسل بين متسويلي الريوگ
وهاا أريد بيض عيون وياه چاي مهيل من هالأيدينات الحلوة.. وبستها حيل افيش يا ريحة الجنة
حچيتها وطلعت بسرعة لأن بـ صعوبة لازمة دموعي بس أباوع بـ عيونها أرجع أبچي وأنهار من جديد
غسلت وگعدت أتريگ
ما اشتهي هيچ جاملتها مجاملة في سبيل لا أضوجها
ظليت گاعدة يمها بس گامت للشغل رجعت الـ غرفتي
سديت الباب ومشيت بـ تعب
السجل يم المخدة سحبته وگعدت ع الكرسي تصفحت بيه إلى أن وصلت للموقف الوگفت عنده البارحة
أنت تقرأ
عقد البنات
Historische Romaneلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
