#عُقد_البنات
البارت الواحد والسبعون
للكاتبة لبنى الموسوي
ظلي طير ويا السما العالم سراب ،
وظلي نجمة البشر تاليته تراب
ولا تهابين القدر ربچ رحيم
الظالم الأذاچ ميفوته العقاب ✍🏻
__________
ورد.. دمي نشف من رهبة الموقف ، لو ما مشغلة عقلي وقافلة الباب من الداخل كان انقضى عليَّ للأخير
رجعت الصورة بـ ارتباك وصحت منووو
اجاني صوت بلال : اني يمعودة دافتحي شنو السالفة
باوعت الـ روحي بالمرايا عزة لوني مخطوف مجرد ما يركز بـ وجهي انفضح لازم اتصرف ؏ السريع
ركضت للميز سحبت علبة الكريم وملطخت وجهي بيه
دگ الباب مرة ثانية .
- فتحتها ؏ السريع : اي شبيك انطي مجال مو داخلي صخام الـ وجهي من وراك حتى بـ عيوني طب
- ادري ليش قافلة الباب
- اخاف شسوي قابل متعرف مرتك
- من شنو حبيبتي الكاميرات بالبيت والحارس بالباب
- والله يا عيني لو طفرلي واحد على ساعة واعتدى عليَّ أو قتلني لا يفيدني حارس ولا تنجيني كاميرات راح تفيدك الك بعد فوات الأوان حتى تكشف الفاعل ساعتها اني شـ استفاد بلا بعد ما خسرت عمري
- هدي هدي شو أخذچ الواهس للنجف اجيبلچ ماي ورد وبخور حتى يكمل الفلم بـ راسچ
- تقلد بلال أفندي؟!! مبين عاجبك أموت وتخلص مني
- هههههههه ماكو عتب ؏ المخابيل ،
باسني من راسي : اسم الله عليچ عمري يلا ابتعدي عني
- صدگ انتَ شـ رجعك ؟!!
- مو قبل لا أنام وصيتچ تذكريني أخذ الأوراق وصلت للمكتب يلا تذكرتهن هوَ هذا الـ يعتمد عليچ
- اووو والله نسيت اسفة حبيبي
- مو مشكلة
حچاها وتقدم ؏ الخزنة ظلت عيوني تراقب إيده
دگ الرقم انفتحت !!
هوَ نفسه الـ كتبته اني بس يمكن من التوتر غلطت وبيها صالح وإلا وين الحگ اسدها وهوَ اجى ويا مـ دگيته
أخذ الأوراق الـ يحتاجهن وطلع ..
نزلت وراه راقبته لحد مـ تأكدت من مغادرته
رجعت غسلت وجهي وصعدت فوگ همزين عاد شكلي وخربطت شعري بينت له توني طالعة من الحمام حتى ليشك بـ شي
دخلت للغرفة وقفلت الباب مرة ثانية
باوعت للخزنة خايفة يا رب كون تنفتح هالمرة
قريت الفاتحة لأم البنين و تقدمت بعدت الصورة عنها
دگيت الرقم بـ حذر شديد سمعت صوت فتح القفل
لا ارادياً ابتسمت ..
سحبت الباب صافنة داخلها كل هالأوراق عنده !! هسه شلون اتصرف اني ، مستحيل اقراهن ورقة ورقة
غميت روحي : انچبي ورد واگعدي اقريهن يعني فوگ مـ انفتحتلچ الدور تتبطرين صدگ لو گالوا صحلها رجل وصاحت أعور والله يا ربي
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
