عقد البنات

البارت 84

#عقد_البنات
البارت الرابع والثمانون
للكاتبة لبنى الموسوي

الجنون مُتعة والتَمرد عَظَمة فَـ كيفَ لو إجتمعا مَعاً في شخصٍ واحد ، هنا سَـ تُعلنُ الحربُ حتماً . ✍🏻
________

ورد.. فتحت باب السيارة إيدي ترجف من الـ هبطة
نزلت الأخ بعده على نفس العصبية والصياح شوية بعد ويضربني مدري شلون سيطر على روحه وظل واگف

مديت راسي لـ مقدمة السيارة الضربة بيها قوية بس مو اقوى من ضرر سيارته لأن حتى اللايت عنده طار

وجهت نظري عليه اعتذر له بـ عيوني قبل لساني ..

- اسفة والله اسفة مـ كنت مركزة ؏ الطريق بالي يم هذا الحليب الدمر ملابسي طلعت الفرع بدون ما اباوع

- لااااا شغل الأفلام هذا اني حافظه ميعبر عليَّ ..
تصطدمين بيَّ وتجين تعتذرين واني اگولچ لا ما صار شي فدوتچ السيارة وصاحبها اللي هوَ خالي مو اني
بعدين تسبليلي عيونچ واديح بـ نظراتها وراها هوووب ألف الصلاة والسلام عليك يا حبيب الله محمد هلهولة ينسوان منك المال ومنها العيال ، خل يولن

- لحظة هيووو انتَ شدتحچي ، گتلك ممتقصدة بعدين والله مصدگ روحك إلا فقدت عقلي يلا اباوع على واحد مثلك انتَ شايف روحك بالمرايا لو لا !!!

- ليش انتِ عندچ عقل !!! أوووه ، صدمة

- گلت مـ منتبهة بعدين مـ توقعت اكو واحد عاقل مثلك يمشي من الصباحيات بـ هالسرعة الرهيبة خفف شوية ترى هذا فرع مو شارع عام لو اجي أعلمك اصول السياقة مبين حضرتك ما فالح بـ شي غير بالصياح

- يا محمد على صلافتچ يا محمدددددددد

- اهدأ ليطگلك عرگ ، شدعوة هالگد عصبي يا أمي

- استغفر الله ربي ، استغفر الله ، استغفررر الله
حچاها من بين أسنانه ..

- شوف صح اني طلعتي صارت بـ صورة مو صحيحة بس انتَ همْ غلطان ليش مدتعترف

- بعدها تجادل يالكائنااات بعدهاااااااااا ، لچ بابا عوفي السياقة انتِ عربانة يسحبها زمال ما أسلم بـ إيدچ مو الدور سيارة ، بس اريد أعرف هذا يا دماغ سزز قنعچ تسوقين ، جيبيه خل اتفاهم وياه جيبيييه

- ترى هواي لحيت شـ تريد هسه ، اصلحلك السيارة ؟!

- مو عايز عليچ اني حتى تصلحيلي بس انتبهي بعد إذا هالمرة بچم السيارة طار المرة الثانية بچمچ ليطير وعاد هوَ شلون بچم عوزة تطواله ويصير فزاعة الحقول

- لا والله يلوگلك تقلد ، امشي عبسي صماخك أكبر من جسمك انتَ وهالشعرات ، وصلهن للسما بعد

- لا لا انتِ ابد مو طبيعية

- على اساس انتَ طبيعي الكائن الفضائي مألوف أكثر منك أصفن بالمرايا وراح تتأكد من كلامي