#عقد_البنات
البارت الخامس والتسعون
للكاتبة لبنى الموسوي
لِما كل هذا الخَوف ، و ما حاجتُكِ إلى التَرددِ وَ التَفكير فَـ بَيني وَ بَينكِ الله وَ اللّٰهُ على عِشقي لـ شَهِيد . ✍🏻
_______
نبض.. نفسيتي تعبانة ، روحي مكسورة ، الحياة طالعة من عيني ، لو ما خوفي على ماما و صحتها فـ لا أرفع جسمي من الفراش و لا اتجرأ و أواجه الواقع المرير
يوم يجر يوم وشهر ياخذ شهر و اني على نفس الحالة ، حياتي ضاعت ، مستقبلي تدمر ، شرفي صار علچ للعالم أما صحتي انعدمت كُلياً بـ استثناء أخر شهرين ما اعرف شسوولي لأن مـ كنت واعية بس كل اللي أذكره مكان يخوف ورجال ضخم وراها صاروا يدخلوني على الأئمة بعد فترة بسيطة بدت صحتي تتحسن نوعاً ما لكن التعب والنحول لا زال مسيطر عليَّ
واگفة گدام آريان اني وين وهوَ وين يحچي ، اني من الداخل صايرة حُطام وهوَ يدور حب وزواج من إمرأة توفر له حضن دافي وتشاركه الباقي من سنينه وأيامه إمرأة سوية كاملة داخلياً مُتكاملة من الخارج هالصفات اللي مستحيل يگدر يلگاها بيَّ اني بالذات
- غمضت عيني بـ تعب : ما بيَّ حيل اناقشك آريان بس نفس جوابي ذيچ المرة أخذه وحطه للطلب نفسه
- لا هذا مو نفس الطلب متوهمة نبض ، بالمرة السابقة اجيت أكلمچ واني جاهل بالظروف الصعبة المريتي بيها بـ زواجچ الأول لكن الآن وبعد ما صار عندي علم بكل شي عشتيه وعانيته تغيرت طريقة طلبي
- شلون يعني تغيرت ؟!!
- سابقاً كنت حاب أدخل لحياتچ كـ زوج و حبيب لكن اليوم وبعد كل شي عرفته اجيت حتى أصيرلچ العلاج الروحي والجسدي بـ مقابل بسيط جداً فقط جملة نعم وانتَ وكيلي وباقي الأمور تجي بالعشرة والمعاشرة
- آريان اترجاك اني مو بـ حالة تسمح لي...
- لحظة لتكملين ، اني شخصياً عندچ إعتراض يخصني جوابچ هوَ الراح يحدد موقف هالزواج للطرفين
- لا گلت لك سابقاً الخلل بيَّ اني ، المشكلة مگاعد اگدر أتقبل رجال بـ حياتي وانتَ تستاهل مرة كاملة
- الكمال لله عز وجل وحده أما على سالفة تقبلچ للرجل گلت قبل قليل ما طالب منچ غير جملة واحدة فقط
- ليش تريد تظلم نفسك ويا وحدة مثلي بس حتى تمد إيدك وتساعدها متجاهل حق نفسك عليك
- الإنسان هوَ اللي يحدد إذا كان اتجاهه بـ طريق معين فيه ظلم لنفسه أو لا واني ما اشوف ارتباطي بيچ ظلم بالعكس إذا كنت سابقاً مُصر عليچ اليوم اني قافل
- ما افيدك والله مراح اگدر اصير لك الزوجة التتمناها لتتأمل بيوم من الأيام أتخلص من مرضي وأكون الك أسرة وأطفال ، هالشي مستحيل يصير آريان
- اني موافق لا راح اضغط عليچ ولا اجبرچ على شي ما رايدته يكفي بس تكونين بـ حياتي وتحملين اسمي
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
