مساء الــ🥀ـورد على عيونكم حبايبي ❤
خلونا نتفق على كم نقطة ضرورية..
مثل متعرفون الـ قصة حالياً دتنقل عن لسان عطاء القمر فقط بـ استثناء بارت البارحة بـ بدايته صار السرد عن لسان عشق
وبإعتبار عطاء متعرف أي شي عن ناصر وأهلها الباقين انتم هم مراح تعرفون فـ شلون تطلبون مني بأستمرار توضيح وين ناصر وشصار بـ خالتها وعلاقة مروان بـ براء كيف دتسير ؟!!
يا حبايبي غير هيَّ دتسرد شلون يعني أوضح الكم وهيَّ نفسها بذيچ الفترة متعرف أخبار الجميع ومشغولة بـ مصايبها مثل ما شفتوا بـ عينكم
شغلة ثانية أعيد وأكرر نظام النشر بين يوم ويوم وطول البارت ثابت ليقل وليزيد غير بـ شي بسيط حسب القفلة يعني طوله 4000 تقريباً وما أتصور مقصرة وياكم بالإلتزام ومن يصير عندي فراغ ثقوا بالله ما أقصر بالبارت المفاجئ
فـ الأريده منكم متطالبون بـ تغيير نظام النشر لأن هذا اليسمح بيه وقتي ويا الدراسة ومستحيل أگدر أغيره
ولحد يصيح البارت قصير لأن البارت شافي و وافي من كل الإتجاهات دتشوفون الرواية عبارة عن أحداث والسرد الجانبي والغير مهم معدوم بيها تقريباً
والمشكلة اليگولون البارت قصير همَ نفسهم الميعلقون حتى بـ حرف لو يعلقون مثل البنات كان عرفوا البارت شگد متعب ويحتاج له جهد كبير
بالنهاية شاكرة تفاعلكم الحلو مع القصة
صدقاً انتم بـ مشاهداتكم وتصويتكم وتعليقاتكم أكبر داعم إلي لأن العطاء لا يُعطى بالمجان فـ لولاكم لما كانت لي هذه البصمة المميزة
كل الحب بـ حجم السماء لكم عائلتي الثانية 💚🥀
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
