#عُقد_البنات
البارت الخامس عشر
للكاتبة لبنى الموسوي
ما الذي يجري هنا وأي خراب هذا الذي يزاحم الـ روح
هل أنتم معنا أم علينا !!!
نعم أُناث خُلقنا ولكن من أصلابكم أفلا تعقلون
أم على قلوبكم مرض يمنعكم من أن تحنون فـ يعديكم بذلك الى زمن الجاهلية
تفعلون ما أُمرتكم أن لا تفعلون؟!! فـ بهذا أنتم تكفرون
متحملت الكلام الـ سمعته من عمي موسى
فتحت الباب متعصبة ودخلت
الكل باوع لي بـ إستغراب تقدمت وگفت مقابيله من كل عقلك تريد تزوجها الواحد أكبر حتى من أبوها !!!
موسى.. شلون تتجرأين وتدخلين علينا بدون إستأذان
عطاء.. ليش عيني وين داخلة
قابل للقدس لو البيت الله الحرام وتريد إستأذن
شو كلكم خلگ ناس لا ذمة ولا ضميررر
حتى السلام حرام بيكم وبأمثالكم بس للأسف ماكو بشر يگدر يواجهكم بـ حقيقتكم المرة
التفتت على ناصر گاعد يم عمي مُنتصر
مع أحترامي الكم طبعاً بس المقصود يعرف نفسه زين
موسى.. شنووو هالگباحة وووولچ
حچاها وگام بـ عصبية
رفع إيده ديضربني طفر ناصر من مكانه دفعها بـ قوة
ناصر.. إيدك متنرفع عليها لا بـ حضوري ولا بـ غيابي
خلينا نحچي بـ هدوء لأن عيب أتصرف وياك تصرف لا أخلاقي وانتَ عمي لحمي ودمي
موسى.. چان استحيت قبل لتحچي هالكلام بـ وجهي
بعدين انتَ مقتنع
يعني تشوف هالتصرف منها صح بحضور عمامها ورجلها
ناصر.. وانتَ مقتنع بـ كلامك من قررت تزوج هالطفلة الواحد بگد أبوها ؟!! يا عمي تظل بنتك والدتسوي بيها أكبر حرام
موسى.. انتَ گلتها بنتي واني حر بيها ليش دتتدخلون
ناصر.. بنتك مو عبدة عندك يعني اذا غلطت اصحح الها أنصحها اوجهها للطريق الصح مو أدفنها بالحياة
بعدين اذا رأينا ميهمك شكو جمعتنا
لو بس وقت المشاكل تشوف وجودنا لازم بس من تجي تاخذ القرار تتصرف من راسك بلا أي إحترام للطرف الأخر
مُنتصر.. كلام ناصر صح
أعقل موسى البنية بعدها بـ أول عمرها
شنو تاخذلها واحد رجله على حافة الگبر أرمل و عنده 5 جهال
موسى.. لحد يتدخل بنتي واني أربيها على مزاجي
لأن ساعة التسوي الغلط العار يركبني ميركب حضراتكم
عطاء.. وهيَّ شسوت والله عجييييييييب شنو هالذنب العظيم الأقترفته حتى تريد تعاقبها مثل هالعقاب
لو لا نسيت مو انتم متعودين
الغلط بيكم الزلم بس ساعة الينمس شرفكم متگدرون تاخذوه إلا من النسوان لأن محسوبين علينا للأسف
بس حچيتها جدحت عيون عمي بالغضب
ركض مروان سحبني من إيدي
راد يطلعني وگف بـ طريقة ناصر استغليت الشجار الدار بيناتهم ورجعت الأبوها سحبت آمنة دفعتها عليه
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
