#عقد_البنات
البارت الثامن عشر
للكاتبة لبنى الموسوي
- سؤالٌ يُراودني الآن ، ، كَم هيَّ الساعة لَديك ؟؟..
- إنها العَاشِرة إلا صَبراً
- العَاشِرة إلا صَبراً !!
- أجل .. فَـ دَقائق الحَياة ما هيَّ إلا صَبراً على أقدارها
- وثَوانيها ؟؟
- البُشرى التي تَعقب الصَبر بـ أنَّ كُلَ مرٍ سَـ يَمر . ✍🏻
_____________
عطاء.. لحظة ناصر موسى هوَ موسى النعرفه مو غيره
ناصر.. اي العم العزيز
- هه شر البلية ما يضحك ، وهسه يعني شنو المطلوب من عندي اگول الله يرحمه لأن راح لدار حقه ؟!!
- ممم هذا المتوقع من وحدة مثل عطاء القمر
- لا والله شو الله لا يرحمه والله يشدد عليه العذاب من أول لحظة يهلون عليه التراب بيها والله يطلع كل لگمة حرام أكلها مني ومنك زقوم من أحشائه ولا يغفر له ولا يسامحه ولا يبريه الذمة على كل دمعة ولوعة وعذاب وقهر شفته بـ حياتي بسببه و بسبب أبنه العار
تحچي و ترجف بـ وضوح حتى خالو مـ گدر يناقشها ، مسحت وجهها تحاول تهدأ نفسها .. ثواني وباوعت له
- شـ بيه مروان ؟؟ اتصور جبت اسمه بالموضوع
- اي مريض وديتعالج بـ لبنان
- ليش شنو مرضه ؟!!
- هوَ نفسه مـ يدري حتى الأطباء بعدهم ما واگعين على علته الظاهر اجته ضربة رب العالمين القاضية
- اللهم لا شامته بس حتى المرض همْ قليل كلش على السواه بينا ، الله يتولاه بـ سخطه دون رحمته
- متأكدة انتِ قمر لو مبدليچ ؟!!
- اسكت ناصر مـ تعرف شگد عانيت و تبهذلت بسببهم
- اني الأعرف قمر اني الأعرف
- اي ما گلت لي منو بلغك بـ كل هالأخبار
- أخوان مروان مثل مـ تعرفين الأبناء يُشابهون أبائهم وبما إنو ماكو بالدنيا جلف مثل موسى همَ طالعين عليه ميهلهم يصرفون دينار واحد على فاتحة أبوهم ولأن العار مالتهم مسافر اجوي إلي يبچون بوجه الله عود يستعطفوني بـ حجة الظروف المادية حتى اشيل دفنة أبوهم وفاتحته وعليه عرفت كل هالأخبار
- وان شاء الله أخذتك الرأفة بيهم و وافقت ناصر گول وافقت حتى هسه انجلط و اموت من حرگتي
- هههههه اليوم شبيچ مو طبيعية خاف بعدچ ممتغدية سامعة هذا الإعلان انتَ مش انتَ وانت جوعان أخذيلچ جدر دولمة وانتِ ترجعين مية مية على ضمانتي
ورد.. على طاري الدولمة اليوم عطاوي مسويتلنا شلون دولمة تلوگ لـ هاللحگ الحلو وهااا بعدنا ممتغدين تفضل خالو ادري بيك شگد تحبها
ناصر.. بس أحبها ، گولي أموت عليها
ورد.. ادري ادري
عطاء.. شنو يعني أبو حيدرا ما راح تلزم لهم الفاتحة
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
