#عُقد_البنات
البارت الثامن والخمسون
للكاتبة لبنى الموسوي
/متباركين بـ ذكرى ولادة صاحب العصر والزمان الإمام المهدي المنتظر عجل الله تعالى فرجه الشريف ❤🥀
بارت مفاجئ لعيونكم وغداً استراحتي ان شاء الله
متابعة ممتعة 💛
أودى بي الحزنُ واغتال الجوى جلدي ،
وفرقَ الشجوُ بينَ الروحِ والجَسَدِ
واستهدَفَتني صُروفُ الدهر راميةً
تُصوبُ النبلَ نحوَ القلبِ والكبدِ .
___________
- على صوتي طلعت ماما للطرمة ، من شافت منظرهم ركضت مفزوعة صاح بيَّ افتحي الباب ؏ السريع
اريد افتحها ما اگدر إيدي ترجف بـ شكل مو طبيعي
وصل يمي شايل عشق بـ صعوبة ما احس إلا دفر الباب بـ رجله هيَّ دفرة هيَّ كسرة انرگعت بالحايط
دخل واحنه نركض وراه مـ مستوعبين الديصير
طب الغرفتنا نومها ؏ السرير وابتعد يتنفس بـ وضوح تقربت ماما عليها شـ صار شبيها بنيتي
راكان.. بالليل صار عدها طلوگة و الصبح جابت الطفلة ميتة بالمهدئات يلا گدرنا ناخذها من يمها
عطاء.. عزة العزاني ان شاء الله شلون يعني ماتت ليش مو البنية بكل مراجعة يگولون مثل الـ ورد
راكان.. لا عمة هيَّ ما حچتلچ متريد تخلي بالچ يمها بس اني قبل يومين أخذتها للدكتورة بلغتنا الطفلة ماي الراس عدها زايد وممكن متجي بـ السلامة
عطاء.. وانتم ليش ما گلتولييييييييي !!!
يعني شلووون تضمون هيچ موضوع عليَّ چان حاولت اتصرف أخذها الدكتورة زينة أدبر ولادتها بـ مكان بيه حظ ولا تروح الطفلة التعبت بـ حملها أشهر بلمح البصر
راكان.. وتتصورين اني ظليت مكتوف الإيد وبس اتفرج اكيد سويت كل شي لازم اسويه بس الطفلة ممقسومة النا الحمد لله على كل حال
المهم لازم اروح اكمل الاجرائات عفتهم وحدهم
من تگعد حاولوا تبلغوها الموضوع بـ هدوء بين ما ارجع لأن لحد هاللحظة متعرف الطفلة ماتت
نبض.. وهذا الدم شنو ليش هيچ حالتها !!!
راكان.. چانت تجيب شلون تريديها والسستر گالت صار عدها نزيف اثناء الولادة ما گدروا يسيطرون عليه
نبض.. ولسه بعدها تنزف ؟!!
راكان.. لا الحمد لله توقف بعد ما جابت ، يلا لازم اروح
حچاها وتقرب من عشق ثنى رجله يم السرير ..
إيد فوگ شعرها يمسح عليه بـ هدوء والإيد الثاني لازم بيها كف إيدها وشاد قبضته عليها بـ قوة ،
حسيته ديحچي وياها بينه وبين نفسه بعدين نصى باسها من راسها أكثر من مرة ، ، لا ارادياً نزلت دموعي
أقل الـ دقيقتين گام غادر البيت بدون مـ يلتفت وراه
ظلت أختي على نفس نومتها وماما فوگ راسها تمسح جسمها من النزف ودموعها تنزل عشرة عشرة
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
