#عُقد_البنات
البارت السادس والخمسون
للكاتبة لبنى الموسوي
ربي ،
علمني کيفَ لا تُـبکيني خـيبة
و لا يکسـرني خِـذلان
و لا يرقُ قلبي لـ شـيء لا يسـتـحق
و لا تـنعدم راحتـي لأمرٍ من آمورِ الدنيـا
علمني کيفَ آکون بکَ آقوى حتى في عزِ ضعفي .
_________
عشق.. فتحت عيني بـ تعب اني وين وشنو هذا الوجع المسيطر على اطرافي حتى مدا اگدر احركها
الرؤيا مو واضحة عندي ما گاعد اشوف غير الضباب
حاولت أركز واجهت صعوبة بـ هالشي
رجعت غلقت عيوني وفتحتها حسيت بشي على وجهي
رفعت إيدي بـ صعوبة تلمسته ، جهاز تنفس !!!
رجف كل شبر بيَّ من هول الصدمة
رجعت نزلت كف إيدي على بطني منفوخة !!
زين شنو معناها الطفلة موجودة لو صارلها شي لا سامح الله
بـ هالأثناء سمعت الباب إنفتح وصارت يمي أصوات مو مفهومة أغلبها كلام انگليزي واني حالياً مو بـ وضع يسمح لي أركز بـ معنى كلامهم .
شوية واجاني صوت دكتورتي تحاول تصحيني
فجأة ضرب ضوة قوي بـ عيوني بعدها مباشرةً اتضحت الرؤيا عندي ، واگفة فوگ راسي هيَّ والسستر
- عشق تسمعيني دتشوفين لو لا بس هزي بـ راسچ
- يا دوب گدرت احرك راسي بـ نعم
- كوثر چيكي ضغطها ونسبة الدم وجدديلها الـ مغذي
- صار دكتورة
بسبب التعب رجعت شردت من الواقع للعالم الثاني
أحس بيهم يحركون إيدي يسحبون دمي يتكلمون بين بعضهم البعض بس ولا كأن وياهم ما اگدر حتى ألمحهم
ما اعرف شگد مر وقت واني على هالحالة
بـ كلمة وحدة من راكان رجعت الـ وعيي ، فتحت واگف ديحچي ويا الدكتورة على حالتي الصحية بس أشرت بـ إيدي تركها وتقدم بـ اتجاهي
- شلون صرتِ ، الحمد لله على سلامتچ حياتي
- بنتي
- لتخافين هيَّ بخير المهم انتِ
- بعدت نظري عنه موجهته للدكتورة بنتي شلونها عفية طمنيني خو ما صارلها شي
الدكتورة.. لا الحمد لله عاشت بالمعجزة
بس مو كل مرة تسلم الجرة لذلك ديري بالچ على نفسچ من اليوم ورايح لأن وضعچ ميطمأن لا إلچ ولا الها
- شصار
- كل شي إرتفاع بالضغط إنخفاض بنسبة الدم إنخفاض بدرجة الأوكسجين للرأس شتريدين بعد
تدرين لو ما نازف خشمچ دم كان انجلطتني وبهالحالة نخسرچ انتِ والطفلة بـ وقت واحد ومنو السبب
- اني السبب ، اي اني لأن و للأسف فهمت متأخر ماكو واحد يستاهل أخسر بنتي وصحتي بسببه
- زين لعد هالكلام خليه يدور بـ عقلچ طول فترة الحمل حتى تعدين هالكم شهر على خير وتجيبين بالسلامة
أنت تقرأ
عقد البنات
Ficção Históricaلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
