#عُقد_البنات
البارت الخامس والعشرون
للكاتبة لبنى الموسوي
- مخدرات شنو ؟!! ممنوعات شنو ؟!!
خوية تأكد هوَ حب مانع بس يجوز منتهي الصلاحية لو بيه شي ثاني الله يخليك باوع زين اكيد متوهم انتَ
- شغلي هذا شلون أتوهم بس مگلتي منين حصلتيه ؟!
- بس لحظة اترجاك وحدة وحدة أخذني على گد عقلي
هذا گالوا حب مانع
وحتى رحت سألت مرة كبيرة بالعمر أكدت لي هذا مانع
- حقها متعرفه وتشتبه بيه لأن هالنوعية بالذات تشبه حب المانع ميمزها إلا أهل الأختصاص
- وشنو أضراره يعني إذا شخص أستمر عليه مدة شهر الى شهرين يأثر بيه لو لا ؟!!
- بلا شك يأثر كل أنواع المخدرات تأثر بمجرد دخولها للجسم فـ كيف التعود عليها لمدة شهر وأكثر هنا راح يصير إدمان
- زين معقولة الياخذه ميحس بـ هالإدمان !!
- إذا قطعه يحس بس إذا كان مستمر عليه ميشعر بأي تغييرات مجرد فقط ظهور بعض الأعراض الغريبة
- العصبية والنحول وصداع بالرأس هاي الأعراض مو
- صح بس هاي بالبداية لكن بمرور الأيام تزيد الأعراض
- ويأثر ع الحمل ؟!!
- اكيد يأثر في حال الإستمرار عليه خصوصاً أول الحمل
- شكراً
- ردت اطلع صاحني لحظة مگلتي من وين حصلتيه
- فتحت الباب وطلعت بسرعة خفت لا أوگع بـ مصيبة أكبر من هاي لأن حيازة الممنوعات مو شي هين
امشي والفكر شارد
الـ صدمات اللي تلقيتها بالتتابع مخلت بـ راسي عقل
مروان إبن عمي زوجي وأبو بناتي
عاشرته سنين وأعرفه أكثر من نفسي كل شي متوقعة منه بس لا لـ هنا وفاقت نذالته كل التوقعات !!
اني شسويت له حتى يأذيني بـ هالطريقة الـ حقيرة
شو ذقت المر منه وسكتت
خلص عمره يخون ومفكرت بـ يوم أنزل اسمه بـ تصرف سواء كان هالتصرف مقصود أو غير مقصود تالي هذه جزاتي
إذا فرضت سوى هالشي علمود الحمل
شلون مفكر بالطفل !! مخاف هالحبوب تأثر بيه ويجي مشوه أو ناقص داخلياً وخارجياً مثل أبوه ؟!!
بعدين أكو أكثر من طريقة يخليني أحمل بيها
ليش إستخدم هالأسلوب
معناها هوَ مكان قصده من هالشي الحمل وبس متقصد يخليني أدمن المخدرات بس ليش يربي ليش
ما أدري شلون وصلت للبيت
دخلت ما اشوف گدامي تلگتني آمنة تسأل وين رحتي
حتى الـ كلام ضاع مني تركتها ودخلت للغرفة
حيرة الكون كلها بـ صدري
گعدت إيدي فوگ راسي وعيوني بـ الأرض شما احچي ما اگدر أوصف ولو جزء بسيط من شعوري بـ هاللحظة
نزلت إيدي على بطني شگد بعد راح تتحملين عطاء
مو كافي
ما إجى الوقت حتى تلتفتين الـ نفسچ شوية وتحاولين تثأرين الها من كل شخص أذاها وغدرها
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
