#عقد_البنات
البارت التاسع عشر
للكاتبة لبنى الموسوي
جميع جِراحنا سَـ تَندَمل ..
الذي آذانا سَـ يُؤذى وَ مَن أوجَعنا سَـ يُوجع ،
ذاكَ الذي حَفرَ لنا بِئرًا عَميقًا سَـ يَقع فِيهِ حتمًا ومَن ظنَ انهُ قَوي في طُغيانهِ بـ وجودِ الله سَـ يأتي اليوم الذي يُصدم فيهِ بـ وهنهِ عِندَ إحقاق عدلهِ
هُمْ لم يُؤمنوا باللهِ رغمَ قوتهم
ونحنُ آمنا وسَلمنا ورَضينا بهِ حسيبًا ورقيب رغمَ ضعفنا
فَـ كانَ النصرُ حليفًا لنا
ولهم الخزيَ والعار في الحياة الدنيا وفي الآخرةِ تبتلعهم النار الحامية التي وعدَ بها ربي الظالمين . ✍🏻
____________
ورد.. نعم هيَّ جملة بسيطة جدًا لكن استغرق بـ قراءة كلماتها قرابة الدقيقة ، كلما يوصل لنهاية الرسالة يرجع يعيدها من جديد وكأنما ديحاول يستوعب محتواها
رفع نظره عليَّ بذهول و رجع سحب موبايله من جيبه أخذت جهازي داقرا بالرسالة فززني من صرخ ردي ولچ ردي باوعت عليه إيده ترجف بـ وضوح يتصل بيها بس متفتح الخط ، كرر الإتصال أكثر من مرة بس نفس النتيجة أخر شي رگع جهازه بالحايط من قوة الضربة إنشمر لنهاية الممر ، بعدني ممتنفسة عاط بـ وجهي
- شنو معنى كلامها اني ويا راكان وما ارجع اليوم ورد جاوبيني شنو معنى كلام أختتتتتتتتچ
إلتفتت كلهم طلعوا من الغرف متعجبين من الضوضاء الصارت داخل المستشفى وعلى رأسهم جماعة المختبر ويا هبة و والدتها ، تقربت منه إلا شوية ردت ألمسه حرام أحس گلبه راح يتوقف من شدة الصدمة ، مدري شلون رجعت لوعيي وتدارك الموقف على أخر لحظة ، باوعت على العالم متجمعين ورانا بـ فضول ، رجعت باوعت عليه وترجيته بـ صوت أقرب للهمس
- اترجاك نيار اترجاك تلزم أعصابك هالشكل راح تنفضح عشق گدامهم لتنسى هذا مكان عملها والكل يعرفها هنا
- ناوليني موبايلچ
- تفضل بس مو بساعة عصبية تكسره ، ترى نحتاجه
فتحت له البصمة داقدمه سحبه مني ؏ السريع ، اتصل عليها من جهازي على أمل ترد بس للأسف خابت أماله الظاهر الديصير ويا عشق أكبر بـ كثير مما نتصور
- تعالي وياية ورد
حچاها وتجاوزني يمشي ويخلع بـ سترته الطبية فجأة رماها ؏ الأرض ونصى أخذ موبايله ضمه بـ جيبه وراح
إلتفتت، هبة صافنة عليَّ نظرات التساؤل واضحة داخل عيونها ، تقدمت بـ إتجاها سحبتها مسافة عنهم وهمست
- خلصتوا لو لا
- لا شوية بعد ، شنو الصاير ويا عشق عفية خوفتوني
- سالفة طويلة بس بيها راكان طليقها يعني ، المهم اني مضطرة اروح هسه لأن شفتِ وضع نيار راح...
- اش خايبة شنو السالفة روحي ولا تشيلين همنا هسه بس نخلص اتصل على بلال ويجي علينا ، الله وياچ
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
