#عُقد_البنات
البارت السادس والعشرون
للكاتبة لبنى الموسوي
رادت تدخل ركضت سحبتها من إيدها لحظة هاي ووين
طلعت آمنة على صوتها باوعت مستغربة شكو
دفعتها على باب الحوش شعرفني تلگين أخوچ العار شو شمسوي وياها من دگة ناقصة وجاية تفور عبالها يمنا البطرانة
آمنة.. ااخ هسه يلا برد گلبي وين حقارته عنچ من زمان
براء.. مو وكت سوالفچن التعبانة حاچني مروان وين
عطاء.. بالطهارة أو يمكن بالمزبلة الـ براس الفرع
اطلعي دوري عليه هناك زين
وإذا لگيتي فرشي وأكعدي يمه خوش مكان يلوگ الكم
براء.. لكككككك مروووووووان وينك أطلع بسرعةةةة
- رادت تدخل رجعت سحبتها تطلعين منا بـ كرامتچ لا أطلعچ سحل من شعثتچ ترى وصلت حدها
- بس احچي وياه وأولي مميتة على بيتچ صيحيه يلا
- ما هوَ
- لا موجود هوَ من طلع مني گال رايح اشوف البنات
- معناها چذب عليچ قابل غريبة على مروان
- عطاء وينه اترجاچ
- گتلچ مموجود شنو كل عقلچ أحميه منچ اصلاً اتمنى يجي هسه حتى تتعاركون گدامي واطگ أصبعتين
- تدرين إكتشفت متزوج علينا بـ هاي سفرته الأخيرة
- صححي العبارة وگولي عليَّ مو علينا لأن بالنسبة الي مروان ويا قندرتي بـ فلس ما أشتريه
- ها هسه صار هوَ وقندرتچ
بس من عرفتي تزوجني لعبتي لعب بيَّ عبالك ماكو هيچ عايشة براحة وسعادة واني إجيت خربت حياتچ
- اسمعي لچ ممجبورة أگعد أخذ وأنطي وياچ وتگدرين تعتبرين هذا أخر كلام وأخر موقف يجمعني بيچ
مروان ميهمني تزوج وحدة تزوج عشرة ولا يهز شعرة من راسي بس من صديقتي وأختي تخوني هنا يفرق
اني تأثرت بـ خيانتچ وغدرچ
تأثرت بالطريقة اللي طعنتوني بيها
لأن بسبب عملتكم القذرة خسرت كل شي وأهم خسارة تعرضت الها خسارتي الناصر وخالتي وأيامي وياهم
غير هالشي كل شي ميهمني لا انتِ ولا مروان النگس
الدور والباقي عليچ
صفني شوية ويا روحچ وشوفي شسويتي بأهلچ أمچ أبوچ أخوانچ بالكل والأهم شسويتي بـ نفسچ !!
مو هذا البعتينا علموده !! يلا خل يفيدچ هسه
على شنو ضايجة تزوج عليچ ما انتِ من قبل همْ چان متزوج وأخذتيه من مرته لو عليچ حلال وغيرچ حرام
- لا أكو فرق شاسع لأن مروان عمره محبچ بس حبني
- متوهمة مروان ميحب غير نفسه
- حبني عطاء وخسر هواي علمودي لتنكرين هالشي
- يلا حبچ وبعدين احنه شكو !!!
- وينه هسه
- لا اله إلا الله انتِ غبية لو شنو داگولچ مووووو هناااا
دفعتني حيل وركضت للداخل
رادت آمنة تلزمها مگدرت طبت تصيح بـ عصبية وينك أطلع جبااااان
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
