#عقد_البنات
البارت الخامس
للكاتبة لبنى الموسوي
تـعـودتـك
شهامـة و خـوف و مكابـر
تـعـودتـك
محبـة و ليـل و مسامـر
تـعـودتـك
خليـل و خـل
لِـ عريان السيد خلف ..
_________
لزمه أحمد يحاول يمنعه يطلع ورى أبوية ، الشرطة من صارت الهوسة ركضوا بـ اتجاه خالو قيدوه لأن ساحب السلاح بنص المركز ، يريد يفلت منهم مـ يگدر تدخلت ماما حچت وياهم يتركوه مـ اقتنعوا و الزاد الطين بلة من دخلوه على الضابط والسلاح بـ إيده راح أحمد وراه يحاول يحل الموضوع قبل ليكبر نص ساعة و همَ جوة
اعصابنا تلفت من الإنتظار شوية و نبض تخربطت ، اريد اسيطر على گعدتها ما اگدر بس تريد تنام لزمتها الدوخة هيَّ من غير شي صحتها على گدها الدور صارت هالمشكلة گدامها ، طلعت اركض جبت لها ماي و رجعت غسلت وجهها و شربتها بعدين گعدت و سحبت راسها على حضني أسندها بين متنفض هالسالفة على خير ولو خايفة كلش اخاف مـ يفوتوها لخالو ، الله يستر .
طلعت روحنا يلا طلعوا من غرفة الضابط ، رجعت نبض للحايط سندتها عليه وگمت ويا ماما تلگيناهم خالو بعده على نفس العصبية و التوتر شكله حالف ؏ الشر
أشر لي أحمد اگوم نبض ، رجعت بسرعة سندتها وطلعنا لخارج المركز ، مباشرةً باوع على خالو بـ عصبية
أحمد.. عمي اترجاك كافي مـ شفت شنو صار بيَّ علمود أقنع الضابط يخلي سبيلك ، شلون يعني ترفع السلاح بنص المركز لا وسلاح دولة لو مرتكب بيه جريمة تضيع مرة واضيع مليون وعلمود منو ؟!! علمود مروان
ناصر.. لتحاول أحمد ، إذا فلت من الدولة مـ يفلت مني
أحمد.. ميستاهل تلوث إيدك بيه وتشيل ذنب روح قذرة مثل روح مروان هاي من غير راح يحسبوه عليك مواطن اله كامل الحقوق وتخلص الباقي من حياتك بالسجن ، اترجاك عوفه أول وتالي راح يوگع صدگني
ناصر.. واني اظل انتظر شوكت حضرته يوگع لما يقضي على كل عائلتي ، حچي هذا أحمد حچي
أحمد.. ميتجرأ بعد يسويها لأن عيون الشرطة انفتحت عليه أقل حركة غلط تصدر عنه يروح بيها
ناصر.. هه دتحچي عن مروان انتَ لو غير واحد !!!
حچاها و دار وجهه بسرعة ، ديروح صاحت بيه ماما ..
عطاء.. ناصر عوف مروان لتورط روحك بـ مصايبه
ناصر.. لتتدخلين انتِ
عطاء.. شنو يعني لا اتدخل!! كافي عاد وصلت حدها اطلع من حياتنا ولتفوت بعد بيننا و بين مروان حتى تظل عائلتك بخير أحسن ما يكونون بمصيبة يصيرون بـ اثنين بسببك ، راح تخليهم يلعنون الساعة الرجعوا بيها للعراق ألمن رجعتهم مـ تگولي للضيم خوما للضيم
أخذهم ناصر أخذهم وروح وطلع مروان من راسك بعد
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
