#عُقد_البنات
البارت السادس والثلاثون
للكاتبة لبنى الموسوي
ليلة رأس السنة 1/1/2022
كل عام و عائلتي الثانية بـ ألف ألف خير 🎉🌹
ربي يجعلها سنة خير وعافية ومحبة عليكم وعلى كل أحبابكم ويبعد عنه وعنكم كل سوء ويخلصنا من البلاء والوباء وجميع القادة الأشقياء
احبكم جداً 💛
__________________
تبعته على السريع ما الحگ بيه صار مثل الطلقة
وصل دفع الشرطي عن أبوه
ذولي هم تكالبوا عليه راد يوگع ركضت سحبت ورد من حضنه تقدم بـ اتجاههم أعصابه بعيونه وگف بالمنتصف
- ابتعدوا عنه محد يلمسه ديروا بالكممممم
- ليش تخلينا نشيلك وياه
- تشيلونا شنو ليش شمسوين قابل الـ شغلة تايهتلكم
- صاح الضابط أخذوه بسرعةةةةة
رادوا يسحبون عمو هجم صادق عليهم بالبوكسات
عقلهم طار
وين أكو مواطف يتجاوز ع الأمن
سحلوه سحل قبل أبوه للسيارة ظلت أم وسام تتوسل بيهم بس محد أهتم بالعنف صعدوهم وراحوا
- گعدت خالة بنص الشارع تدگ وتلطم
الله أكبررررر ولكمممم
بيا ذنب ماخذيهم ليش هيچ صار البلد الظالم يفتر على طوله والمظلوم ينسحل للسجون بدون ذنبببببب
النسوان محاوطاتها يحاولن يهدأن بيها بس بلا جدوى
خطية إنهارت
متعرف شتگول بعد والمصيبة ظلت تعد وتصف عليهم وعلى الحكومة خفت ليوصل الهم الحچي وشيخلصها
تقربت منها جسمي ينفض من هول الـ موقف
ثنيت رجلي أمسح على راسها
بس لمحتني رمت نفسها على صدري تنحب بصوت نابع من أعماق گلبها تشرح بيه الألم الكان مسيطر عليها بـ هاللحظات تحديداً
- خالة گومي خلينا ندخل للبيت گعدتچ هنا غلط
- وچ يمةةةةة راحوا
أبني وأبو بيتي أخذوهم بدوووون سبب
ليش حاچوني ليشششش شو صارلنا سنين بـ هالمنطقة لا فد يوم أذينا جار ولا بشر سمع إلنا صوت
شمسوين وياخذوهم أحد يفهمننننني
هالرجال الچبير بالعمر شنو الذنب الارتكبه حتى يجون يسحلوه من بيته حاله حال المجرمين والحرامية
- ميخالف بس گومي للبيت ونحچي
منار دتعالي يمعودة ساعديني مدتشوفين شصاير بيها
اباوع عليها تبچي ولا سمعت شـ حچيت اصلاً
النسوان حايرات يا وخطية
ولا وحدة منهن زحمت نفسها وحاولت تساعدني أحملها
بعدني أتوسلها تگوم صاح وسام هاي شكو شديصير هنا
من بعيد إجى يركض توه راجع من الشغل
سند أمه دخلها للبيت وبس عرف بـ الموضوع طلع طاير للمركز خالة إنجنت فتحت الباب وركضت وراه
إنطيت ورد الـ چنتها وطلعت أسحب بيها شلعت گلبي علما رجعتها للبيت دخلتها وسديت الباب بالسرگي
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
