عقد البنات

البارت 43

#عُقد_البنات
البارت الثالث والأربعون
للكاتبة لبنى الموسوي

ظليت احاول اسحب نفسي منه ميحس فاقد من كثر الشرب حتى جسمه ثگيل ساند روحه على جسمي

نزل على نحري يقبل بيه دفعته بـ كتفي حيل
ترك إيدي وسحبني من خصري عليه طوقني بـ حضنه وهمس مشتاقلچ ليش تعاندين

- عندك مرة روح الها عطاء مـ تفيدك بعد استوعب عاد

- بس اني اريدچ الچ

- واني ما اريدك هيَّ گوة يا أخي مـ طايقتك وروح كل غالي أخذه الموت مني مااااا طااااايقتك

- مو بـ مزاجچ
- احنه اتفقنا لتخليني اتصرف وياك غير تصرف

- ولا اهتم نصى عليَّ يبوس بـ عنقي ،، ثبتت إيدي على صدره احاول أبعده عني

- وخر مروان .. مروان داگولك وخر مـ تسمع
وخر يمعود وخر وخررررر وخرررررررر لعبتها الـ نفسي

حچيتها ودفعته بـ قوة .. وحق الله احرگ نفسي گدامك إذا حاولت تلمسني كافي عاد طلعتها من ماعونها

- دگت الباب عشق ماما بيچ شي شنو هالصوت اليمچ تسمحين لي أدخل

- من سمعها أبتعد عني مسافة يفرك بـ راسه حيل
عدلت ملابسي وفتحتها ماكو شي حبيبتي داتناقش ويا أبوچ ،، انتِ شـ مگعدچ بـ مثل هالوقت

- عطشت گمت أشرب ماي ومن سمعت صوتچ إجيت اشوف إذا محتاجة شي

- سحبتها من إيدها الـ غرفتهم دخلنا وسديت الباب
أخذت الدوشگ دافرشه سحبته مني

- شنو راح تنامين يمنا
- اي
- اصعدي ع السرير ماما اني انام ع الدوشگ

- لا حبيبتي روحي..
- لتكملين ماما مستحيل اخليچ تنامين ع الأرض واني ع السرير عيب مو هيچ ربتني عطاء القمر

- قبلتها من راسها مرتين وابتسمت الله يخليكم إلي

- ويخليچ إلنا ماما .. أمانة لتزعلين نفسچ تعودي عليه من يومه هيچ ميگدر يدخل هالبيت إذا ميغثچ

- مـ زعلانة يلا نامي ورانا شغل من الصبح
- تصبحين على خير

- وانتِ من أهل الخير
نامي هنا حتى تصيرين گدام الـ مبردة حارة عليچ

حچيتها وتمددت على سرير عشق .. شوية ونامت هيَّ أما اني ظليت اتگلب النوم طار من عيني

المبردة هواها صار حار كلش .. نهضت من مكاني بهدوء فتحت الباب ماكو صوت معقولة نام لو راح !!!

تقربت من غرفتي الباب مردودة مديت راسي نايم على وجهه بالحذاء سديتها عليه وطلعت للممر ترست المبردة

دارجع الـ غرفة البنات دگ الأرضي نزيت من الخوف
باوعت للساعة راح تصير الثنتين خير يا رب
رفعت السماعة صحت الوو بس سمعت صوتها سديت الخط بـ عصبية