#عُقد_البنات
البارت التاسع والستون
للكاتبة لبنى الموسوي
إليكَ مني هذهِ النصيحة : مهما تعثرت خطواتك ، إياكَ أن تسقط فـ إنَّ السقوطَ للجبناءِ وانتَ قوي .
___________
بعدت القميص عن خشمي من الرجفة سقط ؏ الأرض
ماكو شي بالدنيا يمس كرامة المرأة أكثر من الخيانة مع ذلك ضروري احافظ على كرامتي بـ طريقة عقلانية
سحبت الموبايل وطلعت للحمام ،
تقربت من الباب صوت الماي واضح يعني ديسبح
رجعت للغرفة اتصلت بـ عشق وعيوني على الممر خاف يطلع ويسمعني لازم اكون حذرة بين ما الگى حل
- ما ردت ، شلون حظ هسه وقتها تختفي
كررت الإتصال مرة ثانية فتحت الخط مباشرةً : وينچ يمعودة سنة يلا تجاوبين
- داعزل بالمطبخ ما سمعت الموبايل نظر جابلياه ، خير
- محتاجة نصيحتچ لأن حالياً عقلي تربط ؏ الأخير وما اريد اضيع كل شي بسبب عصبيتي
- گولي خير
- حچيت الها الموقف بالكامل .
- يبووووو على حظنا صدگ چذب ما بيهم أدمي ذولي
- هسه دعوفي هالحچي وجاوبيني شلون لازم اتصرف
- أول خل اعرف بـ شنو گاعد تحسين غيرة لو غير شي حتى على اساسها أقدملچ النصيحة
- كرامة مو غيرة أو يمكن غرت لأن يبقى زوجي بس مو هذا الموضوع الرئيسي يعني كرامتي اولاً واخيراً
- لعد واجهيه همْ تريحين ضميرچ وهمْ ساعتها تكونين طبيعية گدامه لأن ماكو مرة تشم هالريحة على ملابس زوجها وتسكت إلا إذا ما كان أمره يهمها من الأصل
- راح يطلع لازم اسده بعد
- عود بلغيني شيصير حتى لو بـ رسالة راح انتظرچ
سديت الخط بسرعة وركضت للچرباية .. گعدت
انخبصت ما اعرف بـ شنو اشغل نفسي
سمعت صوت خطواته قريبة سحبت الموبايل ؏ السريع وطلعت لعبة بديت ألعبها
- هاي شنو وقت ألعاب هسه دگومي كملي واجباتچ
- كملت حبيبي ما عندي شي
- شعجب !!!
- مو انتَ ماكو وضايجة وحدي فـ شسوي لهيت نفسي بالدراسة وما حسيت إلا واني مخلصة كل شي
- عفية سباعية لعد يوميا راح اعوفچ حتى تدرسين
- اموتك والله
- ههههههه يلا عمري اريد استكان چاي راسي ديأذيني
- حقك عيني إذا صارلك بالخمس ساعات مجتمع شنو من إجتماع هذا ما ادري حتى العرسان خلصوا شغلتهم وانتَ مـ مخلص
- شفايتلي لو مخلصها مثل العرسان أقلها صح تعب بس بيه ونسة يعني النتيجة تسوة مو مثل الشغل
- مشتهي تجدد حبيبي ؟!!
حچيتها وتقدمت بـ اتجاها خازرته ،
رجع بـ خطواته يضحك : جاوب ليش ساكت تريد تجدد
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
