عقد البنات

البارت 63

#عُقد_البنات
البارت الثالث والستون
للكاتبة لبنى الموسوي

ملاحظة/ اعتذر حبايبي ، اليوم صبحت مريضة كلش وصايمة همْ فـ يشهد ربي بالگوة كتبت البارت اعذروني إذا ما كان بالمستوى المطلوب مثل ما عودتكم بس ما حبيت أخيب أمالكم وما أنزل بارت

لا تتحدى إنساناً ، ليس لديه ما يخسره .
__________

الخوف الـ شعرت بيه لحظتها مـ ينوصف ، نزلت نظري على تاير السيارة ورجعته للباب بـ انتظار معرفة الشخص الموجود داخلها .

ثواني انفتح ونزل من السيارة رجل متوسط بالعمر ،
الأعصاب واضحة على ملامحه .. تقدم بـ اتجاهنا نطق بـ نترة موجه نظره على هبة : أمچ وووووين

هبة.. لتصيح شبيك ذيچ دتجي وراك

- إلتفت شافها تمشي ، تركنا وراح يتكلم وياها
تقربت من هبة همست بـ اعجاب ولچ بس لا هذا أخوچ

- اي هوَ بلال

- عزززززة هذا شنو بالحكومة مووو
شـ هالشخصية
شـ هالعز
شـ هالهيبة

عبالي مهتلف طلع مرتب و بالدولة معناها عار مثل بابا

- هههههه ولچ كافي امشي خل نشوف شيريد من أمي

- حچتها وسحبتني من إيدي .. وگفنا مسافة عنهم

بلال.. ليش ها بس فهميني شلون يعني تاخذيها وترحين لا تتركين وراچ عنوان لا صخام دخت السبع دوخات يلا وصلت ألكم هاي همْ سالفة منچ !!!

- أرجع وأگلك ما يبرطني بيك غير الدم وهذا همين صار ماي من يوم ما سافرت وعفتنا وحدنا بـ هالدنيا

- سفرتي چانت ضرورية ليش ما جاي تفتهميني

- ماكو بشر يفهمك كثري لذلك لا تحاول وأرجع من وين ما اجيت ما معتازيك بـ حياتنا حتى تنط فجأة

- اصعدي أوصلكم وبالبيت نحچي مو مال شارع

- يا بيت هذا ؟!! دير بالك تفكر تعتب عتبة بابي أحسب ما عندك أم وعوفني بـ حالي بلال أحسن للكل

- مو بكيفچ يمة رضيتي أو لا اظل أبنچ وتظلين أمي

- وين الدليل روحتك فجأة لو بهذلتنا عگب عين أبوك لو الذل العشت بيه حتى أگدر أعيش وأعيش أختك وياية

- دزيتلچ فلوس أكثر من مرة وبكل مرة انتِ ترفضيهن أخر شي تعبت وبطلت أدز بس مو اني السبب

- لو أعرفك أدمي أتقبل بس المشكلة أعرف انتَ شنو

- يمة اترجاچ اصعدي وياية خل نحچي بالبيت
- ما اصعد

- إلتفت علينا بـ يأس ، صارت عينه بـ عيوني
تغيرت تعابير وجهه من ضوجة لإبتسامة جداً خفيفة

بلال.. منو هاي الحلوة الـ وياكم

أم هبة.. بلال تشيل عيونك عن الطفلة لا أشوفك الكل عمرك ما شايفه مني وتعرف أمك شنو