#عقد_البنات
البارت الثامن
للكاتبة لبنى الموسوي
في الروحِ كَسر ..
لا يَجبُره سوێ اللّٰه و أنتَ ، فَـ هَلا جَبرتَ كَسري . ✍🏻
________
قمر.. لا أكبر فدوة انتظر خل نحچي لتستعجل اترجاك
أكبر.. هه كل هالإنتظار وتگولين لتستعجل اسكتي قمر
راد يطلع ركضت وراه ناسية وضعي ، خطوتين وصارت حركة غلط آذت رجلي كلش ، صرخت بـ ألم التفت ؏ السريع بس شافني موجوعة تقدم بـ اتجاهي
- ها شبيچ
- ركضت على رجلي آذتني حيل
- يولي استچني شوي هيَّ مال ركضة بـ هالزلگ شجاچ
- بسببك والله .. حچيتها عابسة على وجهي من الألم
- وهسه شلونها ، بعدها دتأذيچ ؟؟
- اي وإذا طلعت بدون مـ تسمع مني ارجع اركض عليها وشيصير خل يصير
- ابتسم وراح گعد ؏ الكراسي : احچي يلا راح اسمعچ
فركت رجلي من الألم ما اگدر اتحرك ، راد يگوم أشرت له خليك اكو كرسي قريب مني گعدت عليه للسهولة فـ صار اكو مسافة واسعة بيني وبينه ، تقدم هوَ گعد بصفي باوعت عليه متفاجأة رد النظرة بـ إبتسامة
- ليش تباوعين هيچ على هالمسافة يحتاج لنا لاسلكي يلا نسمع على بعض ، خلينا هيچ مثل مـ يگولون القريب من العين قريب من القلب إلا كنتِ مـ تتحملين قربي
- شنو هالكلام اكيد ماكو هيچ شي
- عجل احچي عليش متكركبة إذا قربي ما يأثر بروحچ
- راح احچي بس اترجاك بدون عناد يعني حاول تاخذ الأمور بالعقل و تترك گلبك على جهة
- والله عاد إذا ردنا نحچي بالعناد فـ ماكو بشر يلحگ آل ناصر بيه واني أكثر الناس حافظكم لتنسين البيناتنا عشرة طويلة مو يوم ويومين لذلك اسمعي التالي اتركي عنچ العناد وحاولي تفكرين بالگلب ، العقل المصگوع ما يوكل خبر بـ حالتنا لأن لو فكرتِ بالعقل لا انتِ راح تگدرين تتخطين مرضچ ولا اني راح اتمسك بيچ
- ليش يعني لأن رجلي مبتورة !!!
- اكيد لا بس ما اگدر احچي القصد هسه خليها لبعدين
- لازم تحچي أكبر
- لا لازم اسمع لأن انتِ الحابة تحچين أما اني فـ احلف لچ بـ رب العزة ما يهمني شي من كل هذا غيرچ انتِ
- الوضع الاني بيه ابدًا مو سهل و ماكو شخص بالدنيا يتقبل يكون شريك حياته ناقص خارجيًا أو داخليًا إلا إذا كان يحبه بـ جنون وما اعتقد حبك وصل للجنون ولا انتَ كنت على علم بـ وضعي و تقبلتني بالنقص البيَّ بالعكس اصلاً من عرفت انصدمت والما گدر يتكلم بيه لسانك تكلمت بيه عيونك بس انتَ رجال والنعم منك لذلك ما حبيت تكسرني وحاولت تطيب خاطري بـ هالطريقة التقليدية بس لتنسى أكبر اني بنت ناصر الإنسان الحساس واللي ورثني عنه هالصفة فـ مستحيل اقبل بـ هالتنازل ومستحيل اتقبل ارتبط بـ شخص أشفق عليَّ أكثر ما حبني
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
