#عُقد_البنات
البارت الثالث والسبعون
للكاتبة لبنى الموسوي
ثم أشار إليها قائلاً : لقد ضِعتُ يوماً في معالمِ عِشقُـكِ وحينَ تاهَ قلبي بين عينيكِ ، ، وجدتني . ✍🏻
___________
هبة.. ولادة طفل لـ هذه الحياة قرار فـ كيف لو صاحب هذا القرار أمنية على هيئة الإلحاح بالدعاء ؟!!
بـ هالطريقة بالضبط اجيت آنه للدنيا ..
الحمل عند أمي صعب كلش لدرجة كل عشرة سنوات أو أكثر يصير عدها طفل ولـ هالسبب ما خلفت غير ثلاثة
بلال الما شافت منه أي خير
إياد الـ خسرته قبل لا تفرح بيه وتشبع من دلاله وحنيته
وآنه .
حسب ما سولفت لي هواي نذرت و دعت رب العالمين يرزقها ببنية تسندها بـ كبرتها رغم اليأس الكان مسيطر عليها بسبب كبر سنها ومرض أبوي وبرودة الرحم يعني الحمل بـ هالوضع كان شبه مستحيل
لكن شاء رب العالمين اجي إنه للدنيا رغم كل الصعوبات
بعد خسارتها لأخوي إياد ومرض أبوي وخذلان بلال الها من سافر وعافها الوحدها تعلقت بيَّ مثل روحها بحيث صارت تشوفني وطن بـ دونه مستحيل تعيش
حياتنا ابد ما كانت سهلة ولا أتذكر عشنا يوم حلو بيها
آنه وياها جبناها تعب بـ تعب في سبيل نگدر نعيش
لا هيَّ عدها غيري بـ هالدنيا
ولا آنه الأمتلك ظهر أسند نفسي عليه غيرها ،
لذلك صارت دنيانا عبارة عن ظلمة وهيَّ عكازي ما اگدر أستمر بـ هالحياة إذا ما أتحسس طريقي بيها .
طفولتي للأسف شبه مُنعدمة لأن حملت المسؤولية قبل ليتفرع عودي بعد ما وعيت وشفت أمي شگد دتتعب علمود تعيشني وتعيش وياية بدون منحتاج البشر
كبرت وصرت بالمدرسة وآنه أحس نفسي مرة بـ جسد طفلة مسؤولة عن أمي قبل لتكون هيَّ مسؤولة عني
حتى شغل البيت شلته عنها واني بـ عمر السبع سنوات بحيث كنت احط الطابورية واوگف أغسل المواعين صح بالبداية مو كلش انظفهن بس بمرور الأيام تعلمت عليهن وصارت تعتمد عليَّ إعتماد تام بكل شي حتى من تطلع للشغل تعوفني وحدي وتروح لأن تعرف بيَّ طفلة بس بالأسم مـ ينخاف عليَّ
يمكن استغربتوا من گلت شغل بس هيَّ هاي الحقيقة المتقبل أمي تعترف بيها لأي بشر بالدنيا مهما كان قريب
حتى تعيشني وتعيش اضطرت تبيع للسيارات بالتقاطع وهيَّ مرة عجوز الـ بعمرها گاعدات ؏ السجادة والخدمة تجي تحت أقدامهن بس للأسف أمي غير
هذا هوَ السبب الخلاها تحقد على أخوية بلال لأن ورغم وجوده عشنا عيشة الما لهن سند بـ هالحياة
المهم مشت الأيام وآنه بين شغل البيت و بين كتبي
لا بيوم لزمت لعبة ولا تقربت من بنية بعمري واتخذتها صديقة وأخت لأن وبكل بساطة كنت أشعر بالنقص وأخاف اتقرب من وحدة وبعدين أتحسس من الفروقات الطبقية البيني وبينها
أنت تقرأ
عقد البنات
Fiksi Sejarahلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
