#عقد_البنات
البارت السابع والسبعون
للكاتبة لبنى الموسوي
لتنسوون (التصويت + التفاعل) حتى يتنشط الحساب فضلاً وليس امراً حبايب قلبي .
متابعة ممتعة 💛
ثمَ ماذا ؟!! أتحاول إقناعي بـ إنَّ الجهر بالعصيان لأبي سـ يحاسبني عليه الذي خلقني من صلبه . ✍🏻
____________
عشق.. دخلنا مرعوبين ، شبل لازم زنده وقميصه مليان دم .. دياخذ بابا السكين منها جرحته هوَ الثاني جرح عميق بحيث الدم صار ينث من بطنه
انرعبت رعب مـ ينوصف بـ كلام الدنيا كله ، أول مرة بحياتي أتخيل ورد ممكن تأذي نملة مو بعد بشر و بيه روح إذا طلعت من جسده راح تتحاسب عليها يوم القيامة
أبوية فقد أعصابه ميعرف شيسوي بعد يرزلها لو يحتار بشبل وضربته لو بجرحه هوَ التارس بطنه من الطول للطول بحيث قميصه انصبغ من الأبيض للأحمر
سند شبل يسب ويغلط وطلعوا من البيت ..
ركضت ورد الـ ماما رادت تضمدلها الجرح ما قبلت
ظلت تعد وتصف عليها أخر شي دخلت للغرفة وسدت الباب تدري بـ روحها غلطانة مالها عين تحچي وتبرر
ماكو ساعة چان يندگ الباب وننصدم بالشرطة جايين على ورد خاف يعني احنه ناقصين فضايح بالمنطقة كملت هسه من ورى جنون هالشيطانة
ماما ظلت تدگ وتلطم ، من العصبية شفتها زورقت
صاحت بيَّ اتصلي بـ عمچ خل يلحگنا للمركز
داطب همست ورد افتحي موبايلي الرمز مواليدي وصفر اتصلي على بلال يجي وراية يخلصني من هالمصيبة
غميتها ودخلت اتصلت بـ عمو بلغته هذا الثاني همْ ظل يعد ويصف الـ ورد بعدين گال تحضري تجين وياية لا اروح لهناك والگى أمچ متخربطة منو يساعدني ساعتها
بس سديت الخط ، ركضت أغير ملابس واتصلت على بلال رفعت السبيكر ، بسرعة رد خازن رقمها عنده
- هلا يابة عاش من سمع أخبارچ
- بلال اني عشق
- ها عشق خير خو ماكو شي
- سولفت له بـ إختصار وانطيته عنوان المركز
كل شي ما حچى بس استغفر رب العالمين بصوت عالي ونهى المكالمة .
اجى عمو صادق وصلنا للمركز قبل بلال ، لگينا ماما مو على طبيعتها اعصابها تلفانة بحيث بس شافتني عاطت بيَّ شـ عندچ جاية وياه لو ما هوَ گلها اني طلبت منها تجي فـ لا تسكت عني
شوية واجى بلال ، سألت بـ استغرب منو بلغه عمو شال السالفة عني لأن شافها عصبية ما راد يوگعني بلسانها بعدين راح شرح له الموضوع بـ استعجال
دخل عليهم شوية وطلع هوَ ورد .. سحبت نفس أحمد ربي وأشكره من أعماق گلبي على طلعتها بـ هالسرعة
بلال.. هاي شسويتي ممكن تفهميني ؟!!
ورد.. معليك ساعدتني مشكور لف وجهك والله وياك
أنت تقرأ
عقد البنات
Fiksi Sejarahلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
