عقد البنات

البارت 53

#عُقد_البنات
البارت الثالث والخمسون
للكاتبة لبنى الموسوي

ألا تَخجل من التحدّثِ عن الحب ، وأنتَ الذي زرعتَ في قلبي أشد الـ جروح إيلاماً !!.
__________

- منظر متوقع جداً لكن تقبله كان في غاية الـ صعوبة
أي حياه هذه الـ نعيشها بالألم وحرق الأعصاب وإذا صار وعشناها بـ هالطريقة هل راح نتجاوز أيامها بسلام !!

وقوفها أمامي بـ هذا المنظر أصبح بـ مثابة تلك الضربة القاضية التي قضت على أخر ما تبقى من مشاعر كنت بيوم من الأيام أحملها لـ هذا الإنسان

صفنت عليَّ بـ نظرة صامتة قابلتها بـ نظرة اللا مبالاة بعدها مباشرةً بعدت عيني عن جسدها العاري وصعدت للغرفة بـ شعور كلام الدنيا يعجز عن وصفه .

دخلت وسديت الباب .. ضايعة بـ معنى الكلمة لو يطلع بـ إيدي أرجع الزمن قبل ساعة فـ لا كان سويتها وعتبت هذا البيت بدون ما انطي خبر الـ راكان

دموعي صارت تنزل بلا وعي ، ثقل الـ موضوع زاد من ثقل الحمل بحيث وصلت بيَّ الحالة ما اگدر اخطي من مكاني خطوة وحدة .

سمعت صوت گحته .. نزيت
بعدها صارت خطواته تقترب من الـ غرفة
قويت نفسي ونهضت ؏ السريع أمسح بـ دموعي حتى لا أبين له ضعفي

- فتحت الكنتور دخل إلتفتت مبتسمة هاي شنو شعجب انتَ بالبيت مو من عوايدك

- مريض وسيارتي يم المصلح عطلانة فـ ما طلعت

- يا سلامتك

- الله يسلمچ اگول ليش جاية وحدچ چان اتصلتي عليَّ واني أجي أخذچ

- صارت فجأة مـ كنت مقررة وعبالي طالع ما ادري بيك بالبيت ، عموماً ماما وياية جوة دتنتظرني

- شنو احتاجيتي شي منا يعني ؟؟

- اي كم شغلة مهمة مكياج على ملابس والذهب مالتي همْ احتاجه

- لعد بين متجهزين الغراض أسبح وأوصلكم

- مو ما عندك سيارة ؟!!

- بالتكسي

- ميحتاج انتَ مريض مثل ما إجينا نرجع بس أريد منك شي ولو خجلانة

- بيناتنا هالحچي گولي عمري شرايدة

- 350 ألف اريد اشتري ملابس لـ عرس أختي

- من عيوني تتدللين

- وموبايلي همْ وگع وإنكسرت شاشته أريد واحد غيره ولو مـ صارلك هواي من إشتريتلياه

- فدوة إلچ صدگ چذب عشرة بدل الواحد

- يلا دروح أسبح ودفي نفسك زين لتاخذ برد وحالتك تزيد الجو اليوم كلش بارد

- سد الباب وتقدم حضني .. خايفة عليَّ حبيبتي

- يعني تظل أبو بنتي حتى لو صارت بينا خلافات هذا ميمنع ابقى أحبك حب عشرة وأخاف عليك