#عُقد_البنات
البارت التاسع عشر
للكاتبة لبنى الموسوي
وكـ أننا جبل من الـ جليد الـ متماسك
مهما بلغت بهِ الـ صلابة
يذوب ويسقط بـ مجرد إحتراق أعماقه فـ يتحول بذلك الى مياه قابلة للتبخر والتلاشي لـ يُصبح بدل الوجود عدم 💔
إنضربت على راسي بعد سماع هالخبر
غمضت وفتحت مرتين
أنفاسي أضطربت وحروف الكلام تبعثرت داخل صدري
سحبت نفس عميق ورجعت نظري عليها بـ توتر
الكلمة متطلع مني
اتمنى السمعته مجرد كابوس اصحى منه واني بجانب مروان تحت رحمته وبوسط جحيمه ولا أتقبل الحقيقة بـ خسارة إنسان بمعني الكلمة مثل هيثم
- بـ تردد حچيتها
خالة اكيد تتشاقين هيثم بعده صغير وينه وين الموت
- الموت ميعرف صغير وچبير ي يمة كلمن ويومه بعد
- شلون مات ليش مات لتخبلوني ذاك اليوم شفته مثل الوردة لا مرض ولا علة شنو يموت فجأة !!!
- حادث دراجة يعني مسألة قضاء وقدر
- شوكت صار هالشي
- قبل 9 أيام أو أكثر ما أتذكر بالضبط بس بداية الشهر
- خالة فدوة الطولچ احچي بالتفصيل
منو ضربه
وين
لزموا صاحب الدراجة لو لا
أهله شنو گالوا
ما بيَّ اسأل سؤال سؤال ريگي نشف من صدمة الخبر
- سالفة طويلة بس راح أختصرها الچ
من بعد مطلعتوا من الكوت بيت أبو طارق طار عقلهم
- لحظة منو طلع هوَ بس اني ومروان وأخته براء !!!
- هاي بالبداية بعدين كلهم طلعوا وراكم
شوفي بعد طلعتكم صارت هوسة شـ گبرها يردون من موسى ينفذ شرطهم وينطيهم بنته فصلية لإبنهم
عمچ گال بنتي متروح فصلية لو تنطبق السماء ع الأرض
هنا انگلبت الدنيا
لو تسلمنا البنية لو تشوف شي ميعجبك
تدخلوا أهل المنطقة وحلوها بيناتهم بالتفاهم
بشرط ينفذلهم الكلمة
عمچ قبل بس گال مهلوني إسبوع لأن البنية مو بالكوت
بـ هالاثناء نشبت المشاكل بين هيثم وأهله
طبعاً هالحچي عرفناه بالفاتحة
أمه خطية بسبب صدمتها بـ وفاته كتت الأول والتالي
الله يرحمه مچان موافق على سالفة الفصلية
أمه تگول يحبها
وعلى اساس متقدم الها أكثر من مرة بس أهلها رفضوه
المهم بعد إسبوع صحينا الصبح على صوت الصياح
شكو يابة شصاير
بيت أبو طارق جن جنونهم بعد معرفوا عمامچ هاجين من الكوت بليلة ظلمة بحيث محد يعرف بطلعتهم
ما احچيلچ شسووا مصااااااايب ما تتسولف
كل أقاربكم ابتلوا بـ عملة رجلچ
هجموا عليهم بيت بيت أخر شي حتى احنه لاحنا السرة لا بيها ولا عليها اجوي هجموا على أبني ومرته
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
