#عقد_البنات
البارت التسعون
للكاتبة لبنى الموسوي
اليوم وقبلَ أن أخلِدُ إلى نَومي أُصبتُ بِحنينٍ شديد لتِلكَ الأيام التي كُنتُ فيها أضع رأسي على الوِسادة من دونِ أن يُرهقني التَفكير بكِ . ✍🏻
________
نبض.. خلص الدوام طلعت بسرعة ويا هبة تونا تجاوزنا باب الجامعة الرئيسي بـ مسافة بسيطة صار شبل گدامي انرعبت بـ شوفته دارجع بخطواتي للخلف ركض قطع الطريق عليَّ بـ جسمه النجس
شبل.. وين يا حلوة ويييييين لا ممرجية منچ تشوفني وترجعين هيچ بدون سلام ، اي على الأقل خلينا نتحاسب ميصير اظل شايل بـ خاطري عليچ يا عيني
- عمى بـ عينك ان شاء الله على هالصلافة ، شلون الك عين تجي وتراويني خلقتك الزفرة بعد كل شي سويته
- والله اجي وأواجه ولا أتهرب من العار اللابسني مثل مدتسوين انتِ ، صار لي هواي منتظر الفرصة المناسبة حتى نتحاسب على كل شي ولتتصورين أفوتها
- هه اسمع عيني ، لا عيني شنو !! العفو قصدي اسمع قندرتي لا عبالك اني خايفة منك لذلك ما اريد أواجهك
- راح أفوتها الچ حتى نعدي هالنقاش على خير
- شو دطييييييير ، بابا اني لعبانة نفسي منك ومن كل شي يخصك ومتعلق بيك حتى اسمك من كل عقلك اجي واعاتب ويصير عندي فضول اعرف ليش سويت بيَّ هيچ وشنو السبب الخلاك تتزوجني ، بطران متدري أخر همي انتَ وحياتك المهم خلصت منك وطز بالباقي
- بس اني اريد اعرف من شوكت وانتِ على علاقة ويا صديقي وكم مرة مجتمعة وياه بغرفتي وعلى فراشي
- يعني هسه لو گلت ما عندي علاقة بيه ووجوده داخل غرفتك بذيچ الليلة سببه انتَ مو اني راح تصدگني
- طبعاً لا ، لأن مستحيل يتجرأ و يصعد لغرفتچ إذا ما كنتِ منطيته مجال بـ ضحكة وسالفة وممكن إتصال وغراميات
- خوش لعد اني كنت على علاقة وياه يلا شتريد تسوي
- ما اصدگ شنو دتضحكين عليَّ !!!
- والله احتاريت وياك ، إن گلت ما عندي متصدگ وإن گلت عندي همْ متصدگ شـ تريد انتَ إرسالك على بر
- حياة احچي الحقيقة ولتلعبين وياية بعدچ متعرفين شبل شيسوي إذا حاولتي تتحديه
- تصدگ سابقاً كنت اضوج من تصيحني بـ اسم حياة بس هسه احمد ربي واشكره ألف مرة من رفضت تگول اسمي الدارج لأن ميشرفني تذكره على لسانك القذر ، عموماً ما عندي وقت زايد حتى اضيعه وياك وإذا تشوفني خنتك ويا صديقك فـ اي خنتك بس هالخيانة متجي شي يم النجاسة الكنت حضرتك عايش بنصها شرب ومخدرات و**** شبقيت بعد ما سويته وهسه جاي تعاتب وتشك بشرفي ، لك انتَ لو عندك دليل واحد ضدي ما كان فوته بس حتى تسكتني وما افضح قذارتك گدام اليسوة والميسوة بس انتَ تعرف أخلاقي ومييييت تعرف شنو يعني ميت علمود تلزم عليَّ لزمة وترجع لي كل فضيحة سببتها الك وانطيك دليل سمعتي الصارت مداس للرجلين بالمنطقة بسببك وبسبب خواتك الخليتوا سيرتي علچ بـ حلوگ العالم هذا عود مجرد شاكين بـ خيانتي لعد لو تتأكدون شتسوون بيَّ و بأهلي
أنت تقرأ
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
