အခန်း ၆ သွေးပူလေ့ကျင့်ခန်း (အပိုင်း ၁)
လေ့ကျင့်ရေး ဆယ့်သုံးရက်မြောက်နေ့...
ညနေ...
နေလုံးကြီးက အနောက်ဘက်ကို မှေးတင်နေပြီး သိပ်မကြာခင် အမှောင်ထုရောက်လာဖို့ သေချာနေသည်။ သူတို့ မနေ့ညက လေ့ကျင့်ရေး မလုပ်ရဘဲ ဒီနေ့မှာ အလွန်အရေးကြီးပြီး ပြင်းထန်တဲ့ လေ့ကျင့်မှုတစ်ခု လုပ်ရမည်ဟု ခေါင်းဆောင်က ကြိုပြောပြထားခဲ့သည်။ ထို့အတွက်ကြောင့် သူတို့နှလုံးသားများက လည်ချောင်းထဲကို ရောက်နေခဲ့ကြသည်။ အခုအချိန်မှာ ခေါင်းဆောင်နဲ့ ပြောဆိုဆက်ဆံဖို့က အရင်လို မခက်ခဲတော့ပေမယ့် သူမရဲ့ ပေါ့ပေါ့ပါးပါး လေ့ကျင့်ခန်းတွေက သူတို့ကို သေတဲ့အထိ လေ့ကျင့်ရစေခဲ့သည်။ ဒီတစ်ခါမှာ သူမက ပြင်းပြင်းထန်ထန် လေ့ကျင့်ရမယ်လို့ ပြောထားခဲ့တာကြောင့် သူတို့ တွေးတောင် မတွေးကြည့်တော့ပါရဘူး!!
ကုယွင်က စစ်သည်အားလုံးကို သူတို့လေ့ကျင့်လေ့ရှိတဲ့ တောအုပ်နဲ့ ငါးမိုင် ခြောက်မိုင်လောက်ဝေးတဲ့ တောင်ရဲ့အနောက်ဘက်အဆုံးကို ခေါ်ဆောင်သွားခဲ့သည်။ ထိုနေရာက တောင်တန်းတစ်ခုဖြစ်ပြီး အရှေ့ဘက်တွင် ပြန့်ဖြူးသော မြေကွက်လပ်တစ်ခုရှိနေကာ မည်သည့်အကာအကွယ်မှ မရှိပေ။ စစ်သည်များအားလုံးက ကုယွင် အမိန့်ပေးလာမည့်အချိန်ကို စိတ်အားထက်သန်စွာ စောင့်ဆိုင်းနေသော်လည်း သူမက ဘာကိုရှာနေမှန်းမသိဘဲ လှည့်ပတ်သွားလာနေသည်။
နောက်ဆုံးတွင် သူမက သူမ၏လက်ညိုးလုံးလောက် အထူရှိသော သစ်ကိုင်းတစ်ကိုင်းကို တွေ့ရှိခဲ့ပြီး သူမ၏အင်္ကျီလက်ဝကျယ်မှ တြိဂံပုံအလံလေးကို ထုတ်ယူကာ သူတို့ ရှေ့တွင် လှုပ်ယမ်းပြနေရင်း သူမ၏ အပြုံမျက်နှာဖြင့် ခပ်အေးအေးပြောလိုက်သည်။ "ညတိုက်ပွဲမစခင် နှစ်ရက်ပဲအချိန်ရှိတော့တယ်၊ မနေ့ညက မင်းတို့ရဲ့နောက်ဆုံးလေ့ကျင့်မှုဖြစ်ပြီး ဒီနေ့က မင်းတို့ရဲ့လေ့ကျင့်မှုရလဒ်ကို ငါ စမ်းကြည့်ချင်တယ်၊ ဒီနေ့ညရဲ့အစီအစဉ်က ညဘက်စီးနင်းတိုက်ခိုက်တဲ့ တိုက်ပွဲလေ့ကျင့်ခန်းပဲ"
ညတိုက်ပွဲကို လေ့ကျင့်ရမှာလား?!
မထင်မှတ်ပဲ ဒီလိုလေ့ကျင့်ရေးမျိုးဖြစ်လာတာကြောင့် စစ်သည်များအားလုံး အံ့ဩသွားကြသည်။ ကုယွင်က သူတို့ရဲ့တုံ့ပြန်မှုကို လျစ်လျူရှုလိုက်ပြီး "ဒီည ထိုးစစ်ဆင်ရမယ့်သူတွေက ကောကျင့်ယွင်ရဲ့အဖွဲ့ဖြစ်မယ်၊ လမ်းရှောင်းရဲ့အဖွဲ့ကတော့ ခံစစ်ကနေ ခုခံရမယ်၊ မင်းတို့ရဲ့စစ်ရေးလေ့ကျင့်မှု မပြီးမချင်း ငါက မင်းတို့ကို ဘာထင်မြင်ချက် ဘာအမိန့်မှ ပေးမှာ မဟုတ်ဘူး။ မင်းတို့နှစ်ယောက်က တစ်ဖွဲ့ဆီက လူ၂၄၀ကို ဦးဆောင်ပြီး ဒီတိုက်ပွဲကို ပြီးအောင်တိုက်ရလိမ့်မယ်"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
