အခန်း ၁၃ ကြေကွဲဖွယ်ကောင်းသော လက်ရွေးစင်များ (အပိုင်း ၉)
"ငါ...အဟမ်း..." စုလင်းက ရှက်ကိုးရှက်ကန်းနဲ့ ချောင်းဟန့်လိုက်သည်။
သူက 'ဘယ်သူက သူ(မ)အကြောင်း သိချင်နေလဲ?'ဟု ဆက်ပြောခါနီးတွင် စုရန်က ကြားဖြတ်ပြောလိုက်သည်။ "သိပါတယ်၊ တာ့ကောက မရီး ဘယ်တော့ ပြန်လာမယ်ဆိုတာကို မသိချင်ပါဘူး။ ကျွန်တော်က ပေါ့ပေါ့ပါးပါး ပြောလိုက်တာပါ၊ တာ့ကော မကြားဘူးလို့ သဘောထားလိုက်ပါ"
စုလင်း၏လင်းယုန်မျက်လုံးများက ဒေါသကြောင့် ပြူးကျယ်လာပြီး သူ့၏မကျေနပ်မှုများကို ဘယ်လိုဖြေဖျောက်ရမှန်းမသိ ဖြစ်နေသည်။ စုလင်းက စုရန်၏မျက်နှာကို အေးစက်သောအကြည့်ဖြင့် စိုက်ကြည့်နေသည်။ ဟန်ရှုနှင့် လက်ထောက်ယု၏မျက်နှာများက နီရဲသွားသော်လည်း သူတို့က လုံးဝ ထိန်းထားခဲ့သည်။ ဒီအချိန်မှာ ဘယ်လောက်ပဲရယ်ချင်နေနေ သူတို့ အကျယ်ကြီး အော်မရယ်ဝံ့ပါဘူး။ သူတို့ မသေချင်ဘူးသေးဆိုရင် အခုအချိန်မှာ ဘယ်လိုမှ ရယ်လို့မဖြစ်ပါဘူး။
တဲစခန်းတွင်းရှိ လေထုက အမှန်တကယ်ကို လိုက်လျောညီထွေမှု ကင်းမဲ့နေခဲ့သော်လည်း ကံကောင်းစွာပင် ထိုအခိုက်အတန့်တွင် တံခါးအပြင်ဘက်မှ စစ်သည်များက သတင်းပို့လာသည်။ "သတင်းပို့ပါတယ်၊ ကျန်းရှီစစ်သူကြီးက တွေ့ခွင့်တောင်းနေပါတယ်"
စုရန်က "သူကို အမြန်ကြိုဆိုလိုက်"ဟု ပေါ့ပေါ့ပါးပါး ပြောလိုက်သည်။ သူ ပြောလိုက်တာက သူ့အစ်ကိုကြီးပြောချင်တဲ့ အရာပဲ... ဒါပေမယ့် ခုနက ဘာလို့ အဲ့လောက်ဒေါသထွက်နေလဲဆိုတာတော့ သူလည်း မသိတော့ဘူး။
လို့မူဟိုင်က အခန်းထဲမှာ ဘာတွေဖြစ်နေလဲ မသိခဲ့သလို တဲထဲကို ဝင်လိုက်ချိန်မှာလည်း ထူးဆန်းနေတဲ့ လေထုကို သတိမထားမိဘဲ စုလင်းကို အသံကျယ်ကျယ်နဲ့ နူတ်ဆက်လိုက်သည်။ "စစ်သူကြီးစု"
သူ၏ နဂို အေးစက်ပြီး မာနထောင်လွှားနေသော ပုံရိပ်သို့ ပြန်လည်ရောက်ရှိနေပြီဖြစ်သော စုလင်းက အနည်းငယ် ခေါင်းညိတ်ကာ တိုးညှင်းသောလေသံဖြင့် "လို့စစ်သူကြီး"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
