အခန်း ၁၂ သူရဲကောင်းက အလှလေးကို ကယ်တင်(အပိုင်း ၈)
သူပုန်များက အာရုံပြောင်းသွားပြီး တစ်ချို့က ခုန်ဆင်းလာသော ဖူဟူတပ်ဖွဲ့ဝင်များကို ကိုင်တွယ်ဖြေရှင်းရန် လူစုခွဲလိုက်ရသည်။ နောက်ဆုံးတွင် ကုယွင်က အခွင့်ကောင်းရကာ အသက်ရှုချောင်သွားခဲ့သည်။ သူမက ကျောက်တုံးဘက်သို့ အပြေးအလွှားသွားပြီး သူမဓားကို လွှဲလိုက်ရာ သံကြိုးများအားလုံး ပြတ်ကျသွားသည်။ ကြိုးပြတ်သွားသောကြောင့် ဟန်ရှုက ဘေးသို့ လဲကျသွားပေမယ့် ကုယွင်က သူ့ကို ကူညီရန် မသွားနိုင်သေးဘဲ သူမနောက်မှ သူပုန်လှိုင်းတစ်ခုကို ရှေ့မတိုးအောင် တားဆီးနေရသည်။ ကုယွင်က တိုက်ခိုက်နေရင်း "ဟန်ရှု၊ မင်း မတ်တပ်ရပ်လို့ရလား!"
"ဟုတ်ကဲ့!" ဟန်ရှုက အသက်ကို ခပ်ပြင်းပြင်းရှူနေရင်း ကျောက်နံရံကို ကိုင်ကာ ဖြည်းဖြည်းချင်း မတ်တပ်ပြန်ရပ်ရန် ကြိုးစားနေသည်။ သူ့အမြင်အာရုံက မှုန်ဝါးလုနီးပါးဖြစ်နေပေမယ့် စစ်သူကြီးနဲ့ သူ့ဇနီးက သူကို ကယ်တင်ဖို့ ရုန်းကန်နေတာကြောင့် သူ သူတို့ကို ဆွဲချလို့ မဖြစ်မှန်း သူ နားလည်နေသေးသည်။
ဒီလို လှည့်ကွက်တစ်ခု ရှိသေးတယ်ပါ့။ စုလင်းကတော့ တကယ်ကို စုလင်းပါပဲ။ သူရဲ့နာမည်ဂုဏ်သတင်းနဲ့ တကယ်ကို ထိုက်တန်ပါတယ်။
ဝူကျိက အေးစက်စွာ အော်ဟစ်အမိန့်ပေးလိုက်သည်။ "သူတို့ကို ဖမ်းထား!"
သူ့စကား ဆုံးတာနဲ့ ချောက်ကမ်းပါးတဝိုက်မှ မြေပြင်က တုန်လှုပ်သွားတာကြောင့် ကုယွင်ရဲ့ မျက်လုံးတွေတောင် ရုတ်တရက် ပြူးကျယ်သွားသလိုပါပဲ။ သူတို့ရဲ့ ဖုံးကွယ်မှု စွမ်းရည်က တကယ်ကို ကောင်းတယ်။ အရေးအကြီးဆုံးကတော့ သူတို့ရဲ့ စည်းကမ်းက စစ်တပ်ထက် မလျော့နေဘူး။ ပုန်းနေတာ ကြာလှပြီကို အမိန့်မပေးရင် လှုပ်တောင်မလှုပ်ဘူး။
စိမ်းစိုသောအဝတ်အစားများနှင့် သူပုန်များက မြေပြင်မှ ထရပ်လာကြပြီး ပတ်ပတ်လည်တွင် တောင်တန်းများနှင့် လယ်ကွင်းများကဲ့သို့ ထွက်ပေါ်လာကြသည်။
ထိုအချိန်တွင် ပထမအသုတ်ရောက်လာသော စစ်သည်များက ကုယွင်ဘက်သို့ အပြေးအလွှားရောက်ရှိနေပြီဖြစ်သည်။ ကုယွင်က ဟန်ရှုကို သူတို့ထံသို့ တွန်းပို့လိုက်ပြီး မတတ်နိုင်ဘဲ ကမန်းကတန်း ပြောလိုက်သည်။ "သူ့ကို ခေါ်သွားတော့"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
