အခန်း ၂၉ ထိပ်တန်းလက်ရွေးစင် စစ်သည်များ (အပိုင်း ၂)
စစ်သည်ကြီးများက ကုယွင်ကို ကြောင်တောင်တောင် စိုက်ကြည့်နေကြသည်။ ဤအခိုက်အတန့်တွင် သူမမျက်နှာပေါ်၌ ရှိနေသော အပြုံးက သူတို့အတွက် ထိတ်လန့်စရာကောင်းသော ခံစားချက်ကို ပေးနေသည်။ တချို့က နာကျင်ကိုက်ခဲရတဲ့ ငါးလီရှည်တဲ့ ဖားခုန်ကို တွေးမိကြသလို တချို့ကလည်း တောထဲက ဆူဖြိုးတဲ့ ပိုးကောင်တွေအကြောင်း တွေးမိကြတယ်။ မသိနားမလည်နိုင်ဖြစ်နေကြသော်လည်း ထိုရှင်ခြင်းနှင့် သေခြင်းအကြား အခြေအနေကို မည်သူမျှ မေးခွန်းမထုတ်ရဲကြပေ။
စစ်သည်ကြီးများက သူမကို ကြောင်တောင်တောင် စိုက်ကြည့်နေကြီး သူတို့၏မျက်နှာပေါ်တွင် သူမ ရင်းနှီးပြီးသားဖြစ်နေသော ကြောက်ရွံ့ထိတ်လန့်သည့် အမူအရာများ ရှိနေကြသည်။ ကုယွင်က စိတ်ကောင်းဝင်နေပြီး သူမ၏ အသံက ပုံမှန်မဟုတ်ပဲ "စိတ်မဆိုးပါနဲ့၊ ဒီည စာမေးပွဲမေးခွန်းတွေက အရမ်းရိုးရှင်းပါတယ်"
သူမ မပြောရင် ဘာမှ မဖြစ်ပါဘူး။ ဒါပေမယ့် သူမ ပြောလိုက်တဲ့ 'အရမ်းရိုးရှင်းပါတယ်' ဆိုတဲ့ စကားစုက သူမ အကြောင်းသိနေကြတဲ့ စစ်သည်တွေအဖို့ သူတို့ကိုယ်သူတို့ သစ္စာဖောက်ကာ ချွေးသီးများ စိမ့်ထွက်လာကြသည်။ သူမက အေးအေးလူလူနဲ့ ရိုးရှင်းတယ်လို့ ပြောနေလေလေ သူတို့အတွက် သေတဲ့အထိ သနားစရာကောင်းလေလေ ဖြစ်တော့မှာ အသေအချာပါပဲ။
"ဟန်ရှု" ကုယွင်က သူမနှင့် မလှမ်းမကမ်းရှိ ဟန်ရှုဆီသို့ လက်မြှောက်ကြလိုက်သည်။ ဟန်ရှုက အနက်ရောင်ပိတ်ထည်ကြီးဖြင့် အုပ်ထားသည့်အရာများကို မေးဆက်ပြလိုက်သည်။ ပိတ်ထည်အောက်တွင် သဲအိတ်များကို တောင်ကုန်းတစ်ခုကဲ့သို့ စုပုံထားသည်။
"လူတိုင်း ဒီကိုလာပြီး သဲအိတ် ဆယ်အိတ်ယူ၊ လေးအိတ်ကို ခြေထောက်မှာ ခြောက်အိတ်ကို ခါးမှာ ချည်ရမယ်" ဟန်ရှု၏ ကျယ်လောင်သော အသံက စစ်ရေးလေ့ကျင့်ကွင်း အပြင်မှ ကွင်းပြင်အထိ ရှင်းရှင်းလင်းလင်း ကြားနိုင်အောင် ကျယ်လောင်နေသည်။
စစ်သည် သုံးရာကျော်က သူတို့၏ သံသယများကို ဖြေဖျောက်ကာ တောင်ကုန်းပေါ်သို့ အလျင်အမြန် ခြေချလိုက်ကြပြီး သူတို့၏ ခန္ဓာကိုယ်ပေါ်သို့ သဲအိတ်များ ချည်နှောင်ရန် မဆိုင်းမတွဘဲ စနစ်တကျ သပ်သပ်ရပ်ရပ် လှုပ်ရှားနေကြသည်။ ဟန်ရှုက မြေပြင်ပေါ်တွင် သဲအိတ်သုံးဆယ်အောက်သာ ကျန်ရှိတော့သည်ကို မြင်လိုက်ရသောကြောင့် သူ့၏ နှလုံးသားထဲမှ ချင်းမော့ကို တိတ်တဆိတ် မြည်တွန်လိုက်မိသည်။ အရှေ့မှာ လုပ်ခဲ့တဲ့ စစ်ဆေးတဲ့နည်းလမ်းနေတာ ဆန်းကြယ်နေတာ မထူးဆန်းတော့ပါဘူး။ အစကတည်းက သူမက လူအများကြီး ဖြတ်ကျော်လာနိုင်ဖို့ မရွည်ရွယ်ထားခဲ့ဖူးလေ။
VOUS LISEZ
စစ်ဘက်ဆိုင်ရာတိုင်ပင်ခံ မျိုးဆက်များ
Fiction Historique"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
