အခန်း ၄၁ ပင်လယ်ဓားပြတို့ ကျဆုံးချိန် (အပိုင်း ၂)
ကုယွင်က အော်ထျန်း၏နောက်ကျောကို အံသြစွာ စိုက်ကြည့်နေမိသည်။ ထိုအချိန်တွင် သူမ၏နောက်ကျောဘက်မှ ရုတ်တရက် နွေးထွေးလာပြီး ရင်းနှီးသော အငွေ့အသက်က သူမကို ဝန်းရံလာသည်။
"မင်း ဘာတွေ တွေးနေတာလဲ?" စုလင်းက သူမကြည့်နေသည့်နေရာကို လိုက်ကြည့်လိုက်ပြီး ပြန်ထွက်ခွာသွားသော ပုံရိပ်ကို မြင်လိုက်ရသည်။ အော်ထျန်းက ကျုလင်ကျွန်း၏ မျိုးနွယ်စုခေါင်းဆောင်ဖြစ်လာသောကြောင့် အဆုံးမဲ့ပြန်ပေးဆွဲမှုများက ပြီးသွားတော့မည် ဖြစ်သည်။ ဒီလူသာ စိတ်လိုလက်ရ အရှုံးမပေးခဲ့ရင်၊ ဒီလူက ချင်းမော့အတွက် သူ့ရဲ့ အကြီးမားဆုံး ပြိုင်ဘက် ဖြစ်လာလိမ့်မယ်။
ကုယွင်က သူမေးတာကို ပြန်မဖြေဘဲ "စုယွိ အဆင်ပြေရဲ့လား?"
ယွိ ထွက်သွားတာက တစ်လပဲရှိသေးပေမယ့် သူက အရေခွံနဲ့ အရိုးတွေပဲ ကျန်တော့ပြီး ပိန်ပိန်ပါးပါးလေး ဖြစ်နေတာကြောင့် စုလင်းက သက်ပြင်းချလိုက်ပြီး "သူ့ကို စုမိသားစုရဲ့ ဘိုးဘွားအိမ်ကို ညတွင်းချင်း ပြန်ခေါ်သွားခိုင်းဖို့ စီစဥ်နေတယ်။ မျိုးနွယ်ခေါင်းဆောင်က သူ့ကို ကယ်တင်နိုင်မယ်လို့ မျှော်လင့်တယ်"
ကုယွင်က နောက်ပြန်လှည့်လာပြီး သူ့ကို ကြည့်ကာ "စိတ်မပူပါနဲ့၊ သူ အဆင်ပြေသွားမှာပါ"
"အမ်း"
စုလင်းက ကုယွင်၏လက်ကို ဆုပ်ကိုင်လိုက်ပြီး သူတို့နှစ်ဦးက စခန်းဆီသို့ ဖြည်းညှင်းစွာ လျှောက်သွားကာ သူတို့နောက်ကွယ်မှ အထီးကျန်ဆန်သော အရိပ်တစ်ခုနှင့် တဖြည်းဖြည်း ဝေးကွာသွားသည်။
ညဥ့်နက်နေပြီဖြစ်သော်လည်း လှိုင်းလုံးကြီးများက ကမ်းခြေသို့ ပြေးလွှားလာနေကြသေးသည်။ ကြည်လင်သော အဖြူရောင်ကမ်းခြေပေါ်တွင် အနက်ရောင် ပုံရိပ်တစ်ခုက တစ်ယောက်တည်း ထိုင်နေသည်။ တိုးဝင်လာသော ပင်လယ်လေညင်းက သူမ၏အနက်ရောင်ဝတ်ရုံကို အက်ကွဲသွားစေသည်။ အမျိုးသမီးလေးက သူမ၏လက်ကောက်ဝတ်မှ မြွေစိမ်းလေးကို ထိကိုင်ထားပြီး သူမ၏မျက်လုံးများမှ အကြည့်များက အေးစက်ပြီးရင်း အေးစက်နေသည်။
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
