စစ်ဘက်ဆိုင်ရာတိုင်ပင်ခံ မျိုးဆက်များ

Chapter 31.3

အခန်း ၃၁ လောင်ကျွမ်းလာသော ဒေါသစိတ် (အပိုင်း ၃)

စုလင်းက သူ၏လင်းယုန်မျက်လုံးများကို မှေးကျဥ်းထားပြီး အဘွားကြီးများထက် နှေးကွေးစွာ လမ်းလျှောက်နေသော သူ့ရှေ့မှ ထိပ်တန်း စစ်သည်တွေကို ကြည့်နေရင်း သူက ရုတ်တရက် ပြောလာသည်။

"ဟန်ရှု ပြောတာ မှားနေပြီ၊ တစ်လလောက်ကြာရင် သူတို့က မင်းကို ဘယ်တော့မှ နတ်ဆိုးမကြီးလို့ မခေါ်လောက်တော့ဘူး။ ဒါပေမယ့် သူတို့က တိုက်ရိုက် ပြောလာလိမ့်မယ်။ မင်းက လုံးဝ မိန်းမ မဟုတ်ဘူးလို့!"

သူက သူ့ကိုယ်သူ အေးစက်လွန်းတယ်လို့ ထင်ထားခဲ့ပေမယ့် သင်တန်းပေးနေတဲ့အချိန်မှာ သူမက ရက်စက်ကြမ်းကြုတ်လွန်းပြီး ဆွေမျိုးတွေကိုတောင် အသိအမှတ်မပြုဖို့ ငြင်းဆန်မယ့်ပုံပါပဲ။

သူ ပြောတဲ့စကားထဲမှာ ကောင်းတဲ့ စကားမပါမှန်း သိနေတာကြောင့် ကုယွင်က သူ့ကို မျက်လုံးပြူးကြည့်လိုက်ပြီး "ရှင်က အရမ်းပျင်းဖို့ကောင်းတယ်၊ အဲ့ထက်ကောင်းတာလေးတောင် မပြောနိုင်ဘူး!" သူမက စုလင်း၏မြင်းပေါ်တက်မယ့်အစား စစ်သူကြီးအိမ်တော်ဆီကို တစ်ယောက်တည်း လမ်းလျှောက်ပြန်ရန် ဆုံးဖြတ်လိုက်သည်။ ငါးလီပဲ ဝေးတာ မဟုတ်လား? အဲ့တာကို ငါ နာရီဝက်အတွင်း လမ်းလျှောက်နိုင်တယ်။

စုလင်းက သူမကို မြင်းပေါ်တက်ဖို့ အတင်းမတိုက်တွန်းခဲ့ပါဘူး၊ သူက မြင်းကိုဆွဲခေါ်ပြီး သူမနောက်မှ လိုက်လာခဲ့သည်။ သူ့ရှေ့မှ ပိန်ပိန်ပါးပါး ကျောပြင်ကို ကြည့်နေရင်း စုလင်းက သူမ၏လုပ်ရပ်များကို ပြန်တွေးကာ သူ့စိတ်ထဲမှ သံသယများက ပိုပိုပြီး ပြင်းထန်လာသည်။ သူမက ချင်းမော့ဖြစ်ပြီး ငယ်ရွယ်သောမိန်းကလေးဖြစ်သည်ကို သံသယဝင်စရာ မလိုသော်လည်း ချမ်းသာသော မိန်းမပျိုလေးက အဘယ်ကြောင့် စစ်သင်တန်းအကြောင်းကို များစွာ သိနေရသည်ကို သူ နားမလည်နိုင်ပေ။ ၎င်းကို သေသေချာချာ တွေးကြည့်လျှင် သူမတွင် အလွန်အသုံးဝင်ပြီး ထူးဆန်းသည့် စစ်ရေးလေ့ကျင့်နိုင်သော နည်းလမ်းများစွာ ရှိနေသည်။ သူ အရင်က အဲ့တာမျိုးတွေကို တခါမှ မဖြစ်ဖူး သလိုမျိုး အလောင်းများကို ရင်ဆိုင်ရသည့်အချိန်တွင် အလွန်တည်ငြိမ်လေ့ရှိသော ချင်းလင်လည်း ရှိနေသေးသည်။ ရှန်ယုလန်ပင်လျှင် သူမ၏အလောင်းခွဲစိပ်စစ်ဆေးခြင်းအပေါ် တိကျမှုကို ချီးကျူးနေရသည်။ နက်ရှိုင်းသော နန်းတော်ထဲတွင် အရည်အချင်းရော အလှတရားပါ ပြည့်စုံသည့် အမျိုးသမီးများ မရေမတွက်နိုင်အောင် များပြားလှသည်။ မျက်နှာပျက်နေသော အမျိုးသမီးတစ်ယောက်ဖြစ်သည့် ချင်းဖုန့်က နန်းတော်တွင် အစေခံအဖြစ်မှ တစ်နှစ်မပြည့်မီတွင် တော်ဝင်ကြင်ယာတော် ချင်ဖေး အဖြစ်သို့ ပြောင်းလဲသွားခဲ့သည်။ ထိုအပြင် သူမသုံးခဲ့သော နည်းဗျူဟာများကလည်း သာမန်အမျိုးသမီးများ ပိုင်ဆိုင်နေသော အရာများ မဟုတ်ပေ။