အခန်း ၁၆ သူပုန်များကို ဝိုင်းရံခြင်းနှင့် နှိမ်နင်းခြင်း (အပိုင်း ၁၁)
ထိုစာကို ဖတ်ပြီးနောက် ကုယွင်၏မျက်နှာက အနည်းငယ်ပြောင်းလဲသွားသည်။ တစ်ချိန်တည်းတွင် စုလင်းနှင့် ဟန်ရှုကလည်း စာကို လှမ်းမျှော်ကြည့်လိုက်ကြပြီး တိုတိုတုတ်တုတ် စာလုံးသေးသေးလေးတစ်ကြောင်းကိုသာ တွေ့လိုက်ကြရသည်။
----Lucy၊ ကိစ္စက ခက်တယ်၊ မြန်မြန်ပြန်လာပါ... Nancy
အဲ့တာက ဘာကိုဆိုလိုတာလဲ? အရှေ့နဲ့အနောက်က သင်္ကေတတွေက ဘာကို ဆိုလိုတာလဲ?
ပြစ်ဒဏ်စီရင်ရေးဌာနရဲ့တရားဝင်စာရွက်စာတမ်းတွေက ဒီပုံစံကို ဘယ်အချိန်က ပြောင်းလဲသွားတာလဲ?
အရေးအကြီးဆုံးကတော့ အမှုတွေကို ကိုင်တွယ်တဲ့ ပြစ်ဒဏ်စီရင်ရေးဌာနရဲ့ အကြီးအကဲနဲ့ သူမရဲ့ ဆက်ဆံရေးက ဘာလဲ??
သူတို့က ပဟေဌိဖြစ်နေပေမယ့် ကုယွင်က သူမရဲ့ အင်္ဂလိပ်နာမည်ကို သိသူက ချင်းတစ်ဦးတည်းသာဖြစ်ကြောင်းကို လုံးလုံးလျားလျား နားလည်ထားသည်။ အခု ချင်းက သူမကို ပြန်ခေါ်ဖို့အထိ စိတ်အားထက်သန်နေတာဆိုတော့ သူမ(ကျွော့ချင်း) ဒုက္ခရောက်နေမှာကို သူမ စိုးရိမ်နေမိတယ်။
စုလင်းက သံသယတွေ အပြည့်နဲ့ မျက်မှောင်ကြုတ်လိုက်ပေမဲ့ ကုယွင်က စာကို အသာအယာ ပြန်ခေါက်လိုက်ကာ "အကောင်းဆုံးနဲ့အမြန်ဆုံး မြင်းတစ်ကောင်လိုချင်တယ်"
"မင်း ဘာလုပ်မလို့လဲ" စုလင်းက အဲ့လိုမေးလိုက်ပေမယ့် သူမရဲ့ရည်ရွယ်ချက်ကို ယောင်ဝါးဝါး ခန့်မှန်းပြီးသားပါ။
မျှော်လင့်ထားသည့်အတိုင်း ကုယွင်က ပြန်ဖြေလာသည်။ "မြို့တော်ကို ချက်ချင်း ပြန်သွားရမယ်!"
ချက်ချင်းလား? စုလင်း၏ထူထဲသော မျက်ခုံးမွှေးများက ပို၍ တင်းကျပ်စွာ တွန့်ချိုးသွားသည်။ သူမက ဘာလို့ ဒီလောက် အလျင်လိုနေတာလဲ? မှတ်စုတစ်ခုက သူမကို အလျင်စလို နောက်ပြန်ဆုတ်သွားစေနိုင်တယ်လား?? အဲဒီလူက ရှန်ယုလန်လား??
ကုယွင်က မှတ်စုရေးတဲ့လူကြောင့် အလျင်စလို ပြန်ချင်နေပေမယ့် အဲဒီလူက ရှန်ယုလန် မဟုတ်ဘဲ တခြားကမ္ဘာက သူမရဲ့ အရေးအကြီးဆုံးသူငယ်ချင်းဖြစ်တဲ့ ကျွော့ချင်းကြောင့်ပါ။
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
