●●●●●●●●●●●●●●●●●●● #طوبى "جنة طوبى"
#جمان_فريد
#الجزء_118"معركة ضد القمر"
☆احداث هذه الروايه معظمها واقعي وحقيقي مع اضفاء لمسة من الخيال لزيادة المتعه والتشويق والحفاظ على الخصوصية..تبدا من سنة 1996..تنتهي 2022☆
🚫الـرجـــــــــــاء الـــتـــركـيــــــــز عـلـــــى الـمــــــــرور الـــزمـنــــــي و الـتــــواريـــــخ والأيــــــــام🚫
#تاج_الذكر
قالﷺ:
من قال: لا إله إلا الله وحده لاشريك له،له الملك وله الحمد وهو على كل شيء قدير في يوم مائة مرة كانت له عدل عشر رقاب وكتبت له مائة حسنة ومحيت عنه مائة سيئة وكانت له حرزا من الشيطان يومه ذلك حتى يمسي ولم يأت أحد بأفضل مما جاء به إلا رجل عمل أكثر منه. او كماقال .صلى الله عليه وسلم
■إلى بعض القراء في الواتباد والفيس بوك..
اللي مل من الانتظار ومل من الروايه معاش يدورها بكل وينساها بالمرة..مااجبرت حد ع قرايتها ولاناخد منكم في معاش مقابل التنزيل اني انسانه وعندي ظروف صحية شرحت عنها مرارا وتكرارا مش ناقصة حرق دم وتعب نفسي
كفي أذاك عني وجنبي نفسك الدعي في هالأيام المباركه
🌿🌿🌿🌿🌿🌿🌿🌿🌿🌿🌿🌿🌿🌿🌿🌿
🍃في غرام عيونّكَ أنا وقلبي انهزمنا🍃
_________________________________________
ماشي بإتجاه الحوش وهو شاد بين ايديه سفرة فيها تلاثه فرادي خبزة تنور وطول ماهو ماشي كان يفكر في حاجه خطرت عليه ويبي يديرها بس لازم ياخد راي طوبى فيها قبل..
وصل في الباب شاف الارنب "ونوسي" واقف قدامه
عقد حواجبه وقال..
/كنك مصبي هنا؟
الارنب لما شافه جاي خش داخل وهو خش بعده وكان يضحك عليه ضحكة خفيفه..
اختفت هالضحكه لما سمع صوت بكاء طوبى..
التفت يساره شاف حالة الكوجينه وشافها وهي حاطه راسها فوق ايديها ع الطاوله وتبكي..
بلهفة خوف مشي بسرعه حط السفرة ع رخامه البار وخشلها طول قعمز ع رووس أصباعه قدامها وحط يده ع ذراعها وقال..
/طوبى..
زادت قوة بكاها كان بكاء بقهر..
قلبه انعصر عصر من وجعه عليها..قربلها وشد ذراعها وهو يقول..
/ليش تبكي هكي بس شن صار؟
مسح ع شعرها وهو يقول بنبرة هاديه كلها حن وخوف..
/طوبى..
رفعت راسها وهي تمسح في دموعها وعبرات بكاها متلاحقه وكأنها طفله امها خلتها وهربت عنها في أول يوم مدرسة..
وهو كان يمرر في نظراته الملهوفه الخايفه عليها ويقول بحنان..
/غير ليش بس ليش..
قعدت تشوفله بنظرات كانت مزيج من رالألم والخجل والعجز والحزن..نظره شاف فيها هالمشاعر هادم كله..
فجأه وبدون سابق انذار..ماحسش بيها الا وهي لافه ايديها حوالين رقبته ودافنه وجهها فيها وتبكي وهي تقول بالعبرة
/آسفه..
ضمها بعطف وحب وقعد يمسح ع ظهرها وهو مبتسم بألم وقلبه يرجف وسط ضلوعه..
بعدين بدي يقرا في سورة الفاتحه..
يقرا آيه آية بتأني وهدوء...هدوئه اللي قعد محافظ عليه بقوة بش يخليها تهدا..وفعلا بدت تهدا شويه شويه لعند ماسكتت..
هو قال؛طوبى..
جاه صوتها المكتوم وهي تقول..
/نعم..
ابتسم ووجهه تعركش لما حس بخربشه صوتها ع رقبته بعدين قال..
/شن جو..
بنفس الصوت المكتوم..
/كويس..
ضحك ضحكه خفيفه بعدين تباعد عنها شويه وهو شادها وهي قعدت منزله راسها من الخجل والاحراج..
هو بإبتسامه:شن صار؟
هي بإحراج..
/مانعرفش..حاولت ندير معمول وماقدرتش..
ابتسم بحب بعدين نزل عيونه للأرض شاف قطع من الزجاج متاع الصونيه المكسرة غير نظره لرجليها لقاهم حافيات..
رجع ضمها ورفعها فوق..
طوبى انفجعت وقعدت تشوفله..وهو وين تلاقوا عيونه بعيونها نسي الدنيا ومافيها قعد هايم فيهم وهي قاعده تشوف لنظرات عيونه وتحاول تقراهم..
القلوب كانت ترفرف وكأن دقاتها مسموعه في المكان كله..
رجعت حست بخجل شديد نزلت عيونها طول..
هو ابتسم بعدين حمحم وقال..
/الارضيه مليانه قزاز ماتقدريش تمشي عليها..
ولف ومشي بيها للصالون وهي مش قادرة ترفع عيونها فيه
وصل بيها للصالون حطها عليه وهي مازالت بنفس الحالة..
ابتسم من قلبه ع ملامح خجلها بعدين مشي للكوجينه وهو يتنهد بدون صوت..
ضمت ايديها لبعض وقعدت تفرك فيهم من الخجل والتوتر وتسمع في دقات قلبها وكأنه طبل يدق وسط الحوش..
وماطلعها من حالة الخجل هادي الا صديقها الجديد وهو يداعب في رجلها..
ابتسمت وفكت ايديها من بعض بعدين طبست خداته ورفعاته وحطاته ع رجليها..مسحت ع ظهره وهي تقول.
/خوفتك مرة تانيه..اسفه..
☘هو اللي بدي ينظف في الكوجينه شافهم ضحك ضحكه خفيفه وهو يحرك في راسه يمين ويسار..
🍃🍃🍃🍃
"وهادي ارباح الشهر هدا"
حسين قعد يتفحص بنظرة قائمة بالسيارات اللي انباعت موجوده ع شاشه جهاز الحاسب المحمول متاع عدنان الأشتر هز راسه وقال..
/ماشاء الله كل شهر تزيد..شاف لعدنان وقال..هدا غير ماعندهمش فلوس..
عدنان بإبتسامه؛اغلب زباين المعرض الناس اللي عندها..
ع خشة الموظف اللي دق الباب قبل خشته وقال..
/استاذ عدنان مدام فايزة جت تاخد سيارتها..
عدنان بإبتسامه:قوللها تجي هني..
قاله:ماشي..ومشي طلع من حداهم..
عدنان شاف لحسين وقال بإبتسامه..
/بنت عمك..
عقد حسين حواجبه بعدم فهم..
ع خشة فايزة وهي تقول..
/السلام عليكم..
تفاجئ حسين لما شافها وقال..
/فايزة!
هي بإبتسامه قالت..
/كيف حالك حسين؟
هو قال:الحمد لله..خديتي سيارة جديده من هني؟
فايزة بإبتسامه؛ايه الخميس اللي فات..
حسين شاف لعدنان وقال..
/ان شاء الله غير بعتولها حاجه باهيه..
رفع عدنان حواجبه وقال..
/عيب ياحسين حني ماعندناش الا الحاجه الباهيه وبعدين مدام فايزة تكون اخت شريكتنا وهي بروحها جت معاها وساعدتها في الاختيار..
فايزة بإبتسامه:وراعوني زياده..
بدت ع وجه حسين ملامح التجهم وكل خليه عصبيه فيه ولعت فيها النار..
عدنان ابتسم لفايزة بعدين ناض ومشي معاها وهو يقول..
/تقدري تاخدي سيارتك توا ولو اكتشفتي فيها اي عيب ولي بيها هني..
فايزة بإبتسامه:شكرا..
نادي عدنان ع الشاب اللي يخدم عنده بش يسلم فايزة سيارتها..وبعد مامشت فايزة هو ولى قعمز ورا مكتبه وكمل كلامه مع حسين..
لاحظ ان معامله حسين تغيرت شويه وملامح وجهه طول الوقت متجهمه مافكرش هلبه ولااهتم عطاه حصة غرفه من الارباح وسقده..
🍃ويطلع حسين اللي كان زي البركان المتنقل يفور ويغلي من داخل ويراجي في لحظة الإنفجار..
🍃🍃🍃🍃
"لالا ماتبالغيش نبيه ناعم"
هادي خديجه تكلم في المزينه اللي جايبتها بنت عمتها..
اليوم في مناسبة تخص عائلة زوج مفيده معزومين عليها كامله وخديجه.. خديجه اللي ليها يومين مااتصلتش بحد من اهلها وسألت عنهم ماكانتش نبي تسمع اخبار تعكر عليها صفو حياتها الحاليه..
🍃وتوا جي دور اختها نسرين تعيش حالة الكآبة اللي هي عاشتها فيما سبق..
حابسة روحها في نفس الدار..رافضة تشوف حد ولاتكلم حد..
بعد مافشلوا صديقاتها فايزة وسدرة في محاولاتهم معاها قرروا يستعينوا بحد ممكن يكون ليه تأثير اقوى عليها..
..صغارها..
محمد بعد ماعرف باللي صار معاها وجعاته امه لكن ماعرفش كيف لازم يتصرف في حالة زي هادي ولاشي يدير اساسا هو معروف عنده الجميع انه شخصيه مسالمة جدا ولامباليه في احيان كثيرة..
اما اخته فرح وهي جايه اليوم لحوش جدها مع اختها الصغيرة خدتها سدرة المنتهى لدار المعيشه بروحها وحكتلها ع اللي صار لأمها..
🍃فرح بصدمه:مش مصدقه الصراحه نحسابه يحبها اني!؟
سدرة:دوة فاضية يابنتي اصلا الرجاله لايعرفوا يحبوا ولايعرفوا الحب من اصله.
تعجبت فرح من كلام سدرة وسدرة لاحظتها لكن تجاهلت وقالت..
/خشي لأمك شوفيها وكلميها خليك معاها امك هادي يابنتي..
فرح بضيق:والله ياخالتي ماعندي مانقوللها صعب اللي هي فيه الحق..اني شاهده ع حياتها مع بابا ونعرف شن شافت منه ونحس توا الوضع اصعب ضربتين ع الراس توجع زي مايقولوا صعب صعب مانقدر نديرلها شي..
سدرة:انتي غير خشي عليها انشديها ع حالها حسسيها انك معاها بالك نفسيتها ترتاح شويه..
تنهدت وقالت:حاضر تو نشوف..
🍃وللأسف محاولة فرح حتى هي بائت بالفشل رفضت نسرين تاخد وتعطي معاها وطلبت منها تطلع وتخليها بروحها..
🍃🍃🍃🍃
"شن حالك اليوم"
فردوس:الحمد لله شن حالك انت وخالتي واميمه..
حسين بملامح وجه متجهمه..
/الحمد لله..ترا بالله يافردوس ناديلي غرفه قوللها حسين جايبلك الفلوس..
هزت راسها وقالت:باهي..
هو بتشديد؛قوللها..تطلع..
فردوس بإستغراب:باهي باهي..
ولفت ومشت خشت من باب الكوجينه وطلعت منها متوجهه لدار المعيشه خشت على غرفه وبناتها اللي كانوا لاهييات مع الصغار..
فردوس:غرفه حسين جي وقال تعالي بش يعطيك الفلوس..
غرفه وهي تلاعب في بنتها بلعبة قطنيه قالت..
/جيبهم منه وقوليله صحيت..
فردوس:نوضي غرفه عيب هكي راهو..
غرفه:ارجوك يافردوس ديري اللي قتلك عليه..
تنهدت فردوس بقلة حيله وطلعت من الدار وخلت الاء واريج يراقبوا في خالتهم..
🍃برا..
طلعت فردوس وقالت لحسين..
/عطيني الفلوس ياحسين..
رفع حاجبه وقال:ماتبيش تطلع!؟
فردوس بضيق:قالتلك صحيت..
غمض عيونه بنفاد صبر وقال بشي من العصبيه وهو يهز في راسها..
/قوليلها تطلع يافردوس..تطلع..
فردوس بشي من الخوف قالت..
/باهي باهي..
ولفت ومشت خشت بسرعه..
وصلت في الدار خشتلها وهي تقول بنرفزة وخوف..
/تي نوضي شوفيه طايرتله راهو نوضي..
عقدت حواجبها بغضب وناضت ومشت طلعت من الدار
لحقتها فردوس وبناتها ناضوا وراهم...
☘خدت غرفه شاربه بيضا كريميه من ع الشماعه لبسها ع فستانها الكريمه المورد وتوجهت لباب الكوجينه لبست شبشب في رجليها وطلعتله..
هو لما شافها قلبه بدي يدق بسرعه وبانت ع وجهه ملامح لهفه حاول يخفيها..
وقفت قدامه وهي عاقده حواجبها وقالت..
/السلام عليكم..
هو رجع رسم ملامح الغضب ع وجهه وقال..
/لاسلام ولاكلام قبل لنعرف انتي امتى تحطي عقلك في راسك..
غرفه :بدينا في الغلط..!
حط ظروف الفلوس ع الطاوله وقدملها خطوة وهو يقول بعصبيه..
/الغلط باديه بيه انتي ياابله اللي واخده راحتك ودايرة ماتبي مشيتي للمعرض المرة الاولى بش تشري سيارة ومشيناها وماقلتش ولاكلمه تنوضي تعاوديها مرة تانيه وترفعي معاك فايزة!
غرفه بتهكم:ماشيين ندهوروا! بعصبيه كملت تقول..المراة ماعندهاش سيارة وتبي تشري سيارة وطلبت مني نرفعها للمعرض بش تاخد وحده ونراعيها في حقها وين الغلط في اللي درته!؟
حسين:الغلط ياابله انك تخشي مكان معبي رجاله وتتعاملي مع الرجاله..لو راجيتي لين روحت وكلمتيني راني اني خديتهالها السيارة..
بتهكم قالت:وتماطل معاها زي ماماطلت معاي!
قعد يشوفلها بغضب وهو ساكت..
وهي كملت تقول..
/اسمعني كويس ياحسين وافهم اللي بنقوله كويس..
اولا المراة كانت مستحقه سيارة تقضي بيها مشاويرها عارف ظروفها انت مش غابي فيهم..
تاني شي وهو الأهم المعرض هدا لصغاري واني الوصيه عليهم امتى مانبي نمشي نشوفه ومش هو بس حتى المحلات ولو لزم الامر نسافر لتركيا ونشوف باقي الرزق ومايقدر حد يمنعني لاأنت ولاغيرك..
ابتسم تهكما وهو يقول بعصبيه..
/لاانتي صدقتي روحك وعشتي الدور..من امتى انتي تعرفي تتحملي مسؤوليه ولاتقدري تتصرفي بروحك! نحلف بالله لو خليناك ع راحتك راك قداش ليك مضيعه رزق صغارك اللي تحكي عنه...
🍃هو يتكلم وهي تسمع في كلامه بأكثر من صوت..
نفسه الكلام ياما قالاته سدرة ولتوا قاعده تقول فيه..
وياما سمعاته من بوها..
وسمعت ماهو اكثر قسوة واهانه من عبد الرؤوف..
استاقظت لما سمعت حسين يقول..
/ياتسمعي الكلام يااما شوفي غيري يمشيلك امورك..
قالها فقط ع سبيل التهديد يحسابها بتخاف وبتهبط بعد ماطلعت عليه بالعالي..
لكن هي بنبرة هاديه ونظرة عين كلها كره وخيبة امل..
/بارك الله وكفيت ووفيت..وقدمت خدت ظروف الفلوس ومشت خشت داخل..
هو بلع ريقه لما حس انها جادة في تخليها عن وجوده جنبها..ولما حس انه شي منه مشي معاها ومعاش بيولي..
بغضب شديد ضرب الكرسي بيده وطيحه ومشي طلع برا الحوش وخبط بابه بقوة وراه...
🍃هدا كله صار ع عيون الاء واريج اللي كانوا واقفات في الروشن..
اريج؛هاه شن رايك؟
الاء وهي مضايقه..
/خزي عليه والله مايتحشم شفتيها كيف خشت والدمعه في عينها!؟..
اريج ضيقت عيونها وهي تفكر..
/شكله هدا عدنان اشبح كيف تكلم عليها قدامه بش استفزه هكي..
آلاء بضيق..
/سحيقة الرجاله..
ولفت ومشت طلعت من الكوجينه..
اريج رفعت حواجبها وقالت بتساؤل..
/زعمه شن اخرتهم هالزوز !؟
🍃🍃🍃🍃🍃
"وهادي المليسا ياستي"
خدت منه مق المليسا وقالت بشي من الاحراج..
/تعبتك معاي..
هو تنهد وشاف للأرنب اللي كان مقعمز جنبها بعدين قال..
/في بالي حاجه من بدري نفكر فيها شن رايك نطلعوا نتعشوا ع البحر..
هي قالت:قصدك بطيب الحوت هني ونرفعوه معانا؟
هو قال:معناها عجباتك الفكرة؟
بضيق قالت؛خايفه تصيرلي حاجه ونكد عليك..
بإبتسامه قال:بإذن الله مايصيرلك شي..
🍁لاحظت انه يتعمد تجاهل جمل معينه تقول فيها وكأنه بيخليها تبطل تقولهم منها ليها...
ابتسمت وقالت:إن شاء الله..
ناض وهو يقول..
/باهي اشربي المليسا بعدين صبي وتي روحك..
بإبتسامه قالت..
/باهي..ضيقت عيونها وقالت..عادي نرفعوا معانا ونوسي..
عبد القيوم: ع قولتكم والله مامتبعلنا جرة..
ومشي بإتجاه داره وهي معاه بعيونها تضحك عليه بإستنكار..
☘كملت شرب المليسا وخشت لدارها..
اغتسلت بمية الرقيه لكن بطريقة مختلفه..الرش..
بعدين خدت شيش ميه صغار وعبتهم مية رقيه متاع شراب..
ولما كملت طلعت عبايتها وشاربتها وبدت تكوي فيهم..
☘وهو برا جهز طاجين حوت وحطه في الكوشة وقعمز في الكوجينه وخداه فكره لاكثر من مكانه وكل مكان طريقه تأدي لحبيبة عمره...
تفكر اللي صار قبل شويه بدت ع وجهه ابتسامه حلوة..ع قد ماكان حالها مؤلم وقتها ع قد ماحركاتها الطفوليه ذوبت قلبه اكثر ماهو ذايب فيها..
احيانا يحسها مازال قاعده طفله..وكأنها كانت دافنه جزء كبير من طفولتها داخلها بش تكبر قبل وقتها...
☘☘☘
طاب طاجين الحوت..طلعه وغلفه بقصدير بعدين مشي خش للدار بش يبدل حوايجه..
ع طلعتها من الدار بعد ماجهزت نفسها وهي تردد في تاج الذكر بهمس وتعد بالمسبحه..
شمت ريحة الطاجين تسهفت عليه وقعدت تراجي فعبد القيوم يطلع..
وطلع وكان كعادته انيق بالأبيض والاسود بس هالمرة تيشرت كم طويل ابيض وسروال جينز اسود..
مسح بإيديه ع حواجبه وقال..
/هيا؟
طوبى وهي تراقب في تفاصيله بطريقه غير ملحوظه قالت بإبتسامه..
/هيا..
خش للكوجينه لف الطاجين بمفرش وطلع وهو يقول..
/ترا طلعي قوبعه خل نردوه للكوبيه متاعه..
بضحكه قالت:حاضر..
ومشت خدت الارنب وطلعت هي الاولى وهو طلع وسكر الباب كويس..
🍃🍃🍃🍃
ويخشوا كامله وبنتها وبنت خوها لحوش اهل المناسبه..
استقبلتهم حماة مفيده اللي تكون بنت عمتها في نفس الوقت استقبال حار..
وبعد السلام طلبت منها خديجه ترفعها لمكان فيه مرايه
رفعتها هي ومفيده بعد مادخلت كامله داخل..
🍃قدام المدخل حولوا عباياتها وخمارتهم..
حماة مفيده قالت بإنبهار..
/اشيه اشيه اشيه يامفيده!
ابتسمت مفيده..
وخديجه وهي تساوي في شعرها ع المرايه كانت مبتسمة بغرور..
حماة مفيده..
/قلعتيهم كلهم اليوم..
ضحكت مفيده وقالت..
/وهو المطلوب..
ابتسمت حماتها وشافت لخديجه وقالت..
/ماشاء الله عليك..
خديجه بإبتسامة مجامله..
/تسلمي..
🍃ودخلتهم حماة مفيده للصاله..
الانظار كلها توجهت لمفيده..
كانت بين المنبهر والحاسد والفرحان زي خواتها وعمتها "ام زوجها" اللي قريب هبلت عليها والعمه كامله عاجبها اللي صاير..
خديجه بعد ماسلمت قعمزت جنب عمتها وقربت لوذنها وقالت..
/مادخليش نبي مكافأة..
كامله بضحكه وهي عاقده حواجبها..
/نضربك قدامهم راهو..
خديجه تباعدت عن عمتها وقالت..
/نتفاهموا في الحوش..
🍃من بعيد شويه..
كانن مفيده مقعمزة بين خواتها وبنات عمها خوات جمال وعيونهم ع خديجه..
اخت جمال:الحق ياربي سمحه سمحه كيف الممثلات التركيات..
اخته التانيه:لكن مطنشة خشيمها..
مفيده:هي هكي طبع فيها لكن والله فالحه وتفهم في كل شي وشخصيتها قوي مش زي الركيكه هديكا"زوجة جمال الأولى"
اخت مفيده:كلموا خالتي "مرت عمها" ووروها خديجه..
ناضت وحده من خوات جمال ومشت قعمزت جنب امها..
هدا كله وخديجه تهدرز مع وحده من بنات عمتها تسأل فيها عن الصبغه اللي دارتها اختها..
🍃ام جمال وهي تتفحص في خديجه بنظرها..
/تبان كبيرو بعقلها..
بنتها قالت؛اصغر من جمال بسبعه سنين..
هزت راسها وقالت..
/نهدرز مع كامله وننشدها وع اللي تقوله هي نتصرف..
قالتلها بنتها:اللي تبيه يام...
🍃واستمرت اجواء اللمه بروتين معتاد عند اغلب الليبين في لماتهم لكن خديجه ماكان عاجبها شي بالذات هدرزة اغلب الموجودات واكثر حديث ازعجها لوحده من النساوين توصي في قريبتها اللي قربت تعرس...البنيه بانت ع خديجه صغيرة في السن..
:تبي تعيشي خليك في طوع الراجل وشن مايقولك قولي باهي..وفوتي مهما تشوفي منه فوتي يهزبك يسبك اسكتي وماترديش عليه بكل خليه يدوي لين يشبع بعدين البسيله وتكميله روحك وازهي في عيونه خليه يشوف منك مايسره بس ديما طيبيله وشكلي ونوعي وردي بالك تقولي ع حاجه يبيها لا..سايري سايري وفوتي كان تبي حياتك معاه تستمر واعرفي يابنتي ان المراة ماليها الا حوشها وراجلها..
البنت بشي من التوتر والاحراج قالت..
/حاضر..
ابتسمت خديجه بتهكم وغيرت نظرها جو عيونها في عيون ام جمال..ابتسمتلها ام جمال وخديجه ردتها والبنات يراقبوا في الوضع...
🍃🍃🍃🍃
"عزمتهم غدوة ع الفطور وانتي بتمشي معاي ماما"
صفيه بإبتسامه؛حتى اني خاطري فيها والحق هدرزت عزوزتك تهبل ماينمل منها..
اميمه بإبتسامه:صح..قربت فنجان القهوة بتشربه وصل لعند فمها وقف لما سمعت باب الحوش تسكر بقوة..
صفيه بفجعه:اللطف!
ويفوت من قدامهم حسين وهو يمشي بعصبيه ومايفرز في شي..
صفيه؛الستر ياربي..خيره!؟
اميمه بإمتعاض:جاته الحالة...
🍃🍃🍃
"معاش تكلميني عليه بالله عليك اخر همي يافردوس اني عقلي عند طوبى يافردوس امس حلمت بيها حلم يرعش"
فردوس بخوف:فكينا منه ماتحكيشي..
غرفه بقلق:من بكري نخش عليها ماسنجر نلقى فيها مسكرة اتصلت بنبيله قالت راقدة لكن مش عارفه علاش حاستها تكذب..
فردوس قالت في نفسها..
"لازم تعرف غرفه بش بالها يرتاح حرام نخليها هكي"
ناضت وقالت..
/نوضي اطلعي معاي..
غرفه بإستغراب..
/علاش؟
فردوس:غير نوضي هيا..
ناضت غرفه خدتها فردوس من يدها ومشت طلعت بيها للجنان..
🍃🍃🍃🍃
"الحمد لله مش مأثرة عليه هلبه قالوا الدكتور اسبوع ويطلع"
سدرة؛باهي الحمد لله..
سميرة؛الحمد لله..نسرين قاعده ع حالها؟!
سدرة:بكري طلعت دخلت امها للحمام بعدين ولت حبست روحها في الدار..
سميرة بأسف:لاحول ولاقوة الا يالله..تنهدت وقالت..خل نمشي ندوش ونرقد ناقصة نوم..
سدرة:بري ارتاحي وماعليكش في الصغار معاي..
سميرة:بارك الله فيك..ومشت توجهت للحمام..
وسدرة ولت خشت لدار المعيشه وقعمزت مع الصغار...
🍃🍃🍃🍃
"فردوس شن تقولي انتي!!"
فردوس بقلق وضيق..
/اللي سمعتيه ياغرفه وهما درقوها خوف تطلع وتوصل لعيلة شنيبه..
غرفه بصدمه؛والمهدي!؟
فردوس:لاالمهدي بروحه موقفه مش زيهم..
بلعت غرفه ريقها بعدين قالت بعدم استيعاب..
/تزوجت..وعبد القيوم التارقي راجلها وقاعدين في الخمس!! دماغي وقف..
فردوس:نعطيك رقمها تكلميها وتفهمي منها؟
غمضت عيونها وتنهدت بعمق بعدين فتحتهم وقالت..
/بالله جيبيلي ميه يافردوس..
فردوس بقلق:باهي باهي...ومشت بسرعه للكوجينه وخلت غرفه تشوف جهة الكرم ودموعها ينزلوا..
🍃🍃🍃🍃
"كل وحده من خواتي ليها مكانه عندي وكل وحده فيهم كانتلي ام في مرحلة من حياتي"
بإبتسامه تخفي الكثير قال..
/نا لاحظت ان مكانتك كبيره عندهم كلهم..
طوبى بإبتسامه:يحبوني زي مانحبهم..
تنهد وشاف للبحر وهو ساكت..
طوبى بضيق:نحس في روحي ضايقتك بالكلام..
شافلها وقال:لالانهائي..ليش فكرتي هك؟
طوبى:مش عارفه بس حسيتك حزين..
ابتسم وقال:احساسك مش في محله...
ردتله الابتسامه وشافت للبحر بعدين قالت..
/علاقتك بصفيه قويه...
هو قال بضحكه..
/صفيه ربيتها ع ايديا اختي الصغيرة هذي..
طوبى بإبتسامه..
/قلبها طيب هلبه وتخش الخاطر..
عبد القيوم بضحكه..
/لكن كان تجيها الغوله معاش تعرف حد..
ضحكت طوبى بعدين قالت..
/عمك عبد الله متزوج ولا؟
حرك راسه بالنفي..
طوبى:حسيت ولامرة دويت ع صغاره..
عبد القيوم:عمي هذى قصته قصة..كان يبي وحده حبها بقوة كتم حبها في قلبه لعند ماكون نفسه وولى مستعد يخطبها عدوا معاه جاهه من هلنا لهلها ولما طلبوه باتها رفض..
طوبى بأسف:علاش!؟
ابتسم بأسف وقال:لأنه تارقي وهي عربيه..
بدت ع وجه طوبى ملامح الحزن..
غير عيونه للبحر وقال..
/وبعد فترة البنت زوجت وعمي ياما صار فيه كره سيرة زواج ونسوان وسيب الكفره فترة بعدين ردلها لكن وهو واخد قرار انه مش حيتزوج في حياته..
طوبى بضيق:لاحول ولاقوة بالله..
هو قال:شوفي عمري هالعمر ولعند توا لو جابوله سيرة الزواج نفسيته تتعب..
طوبى وهي تسمع فيه خطرت عليها حبيبته المجهوله كان خاطرها تسأله عنها لكن ماقدرتش..ممكن خوف وممكن ماتبيش تقلب عليه المواجع...
فجأة..حست بشعور ألم قوي في حزامها رفعت عيونها للسمي جو ع الهلال نزلتهم طول لما حست دوخه..
هو شافلها لقاها حاطه يدها ع بطنها وتتوجع قاللها بقلق..
/شن تحسي؟
طوبى بوجع:هيا نروحوا..
هو قال:حاضر..
ساعدها توقف ورفعها للسيارة وركبها بعدين لم الحاجات وحطهم في السيارة من الخلف ومشي ركب السيارة..
شغلها..وفتح المنظومه ع القرآن..
طوبى وهي تسمع بدت تبكي كان الوجع يزيد وكأن في سكاكين تقطع فيها..
هو خدي يدها التانيه شدها بقوة وقعد يسوق بيده وحده لعند ماوصلوا للمرزعه..
اول مانزلت من السيارة حست بالغثيان مشت تجري لجهة مستخطيه وبدت ترجع حست بيه يلحق فيها بصوت عالي قالت..
/ماتجيش ماتجيش..
ماتبيشي يشوف شي يقرفه منها سادها الحالة اللي عايشه بيها معاه..
هو ع خاطرها وقف وقعد يشوفلها بقلق بالغ وقلبه مفطور من الالم عليها..
وهي ولت ترجع بقوة وكأنها بطلع احشائها..
لف ومشي للسيارة ومرة مرة يلتفت يشوفها..
زادت قوة الترجيع وهي من التعب والألم طلعت منها آه حرقت قلبه حرق..
طلع شيشة الميه ومشالها يجري..
وقبل ليوصل فيهة طاحت قدامه فاقده الوعي..
🍃🍃🍃🍃🍃
الساعه 1:00 بعد منتصف الليل..
وفي عز نومهم ناضوا مفجوعين لما سمعوا صوت شهقه غرفه..
غرفه حطت ايديها ع قلبها وغمضت عيونها بشده..
فردوس بخوف؛اعطي خالتك تشرب..
قربت اريج من خالتها وعطتها شيشة ميه..
خدت غرفه بيدها اللي تجرف فتحها ويدوب شربت منها شويه بعدين انهارت بالبكي..
فردوس ودموعها في عيونها..
/خيرك اللطف!؟
غرفه ببكي:حلمت هديكا الحلمه يااريج..
اريج دموعها عبوا عيونها وطاحوا لما فهمت قصد خالتها غرفه بعد محاولة طوبى الانتحار قعدت تحلم بيها كل ليله منتحرة وهالحلم ليه فترة غايب عنها وتوا رجعت تحلم بيه..
🍃وطوبى في هالوقت راقده في حضن راجلها حتى هي تحلم وتخترف في نومها وتقول في كلام مش مفهوم..
هويفيقها تفيق شويه وتولي ترقد وهكذا لعند ماطلع الفجر..
رقدت بعمق ومعاش تكلمت في نومها..
وهو ناض للحمام توضا بعدين طلع صلى الفجر وهو قريب عليها..
وبعد ماكمل صلاه..مشي قعمز حداها..حط راسه ع الكنبه وهو يتأمل فيها ويقرا في اذكاره لعند ماخداه النوم..
🍀🍀🍀🍀🍀
وتمر الأيام..
ووضع طوبى بين جهاد ومقاومه..
تتعب وتنهار وترجع توقف ع رجليها وتقاوم بكلام الله وذكره العظيم ثم دعم عبد القيوم المستمر واحتوائه ليها...
آلام العذر الشرعي خفت وقرب ينتهي وهي من داخلها كانت فرحانه لأنها حترجع تصلي مرة تانيه حست ان القوة اللي تاخد فيها من الصلاة اكبر بالذات عند السجود لهذا كانت تراجي امتى ينتهي العذر بفارغ الصبر
🍃خلال هالايام معاش دورت هاتفها نهائي وعبد القيوم يطمن في سدرة عليها عن طريق المهدي وهي طمن في خواتها ومع هذا قلوبهم قعدت مشغوله..
🍃ويطلع محمد شنيبه من المصحة ويوصل خبر لأهله في زليتن عن مرضه وجوه في نفس اليوم من طلعته ومعاهم خديجه اللي انفجعت ع بوها وماكانتش عارفه ان جمال جي مع باقي العيله ولأول مرة يخش حوش اهلها ويتعرف عن قرب ع خوتها...
🍃نسرين طلعت من عزلتها شويه بعد مااطمنت ع حال بوها لكن قاعده غارقه في حزنها ومع هذا حاولت تبين انها عاديه قدام اهل بوها..وتعاملها مع خديجه كان سطحي جدا وخديجة ولااهتمت...
🍃زي مااهتموش صغارها بوجودها وقعدوا لاهيين بقرايتهم..
محمد مع ولاد خواله وعمه..وراما مع عمتها عواطف...
🍃🍃🍃🍃🍃
يوم الأربعاء...
الثالث عشر من شهر صفر
30سبتمبر...سنة 2020..
