တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)

Chapter 94

ညနေခင်းတွင် ၊ ဟိုတယ်ကပွဲခန်းမထဲတွင် ဒုတိယရိုက်ကွက်အတွက်ပြင်ဆင်နေကြသည်။

ဒုတိယဇာတ်ကွက်ကတော့ မင်းသားသည် ပွဲတစ်ခုကို ကျင်းပနေတာပဲဖြစ်သည်။ အမျိုးသမီးထုကြီးသည် သူ၏အာရုံစိုက်မှုရရှိရန် ကြိုးစားနေကြပေမဲ့ ဘယ်သူမှ မင်းသားရဲ့ မျက်လုံးထဲတွင်မရှိခဲ့ပေ။

Veiled Queen နောက်တစ်ကြိမ်ထွက်ပေါ်လာကာ မင်းသားမှသူမနောက်သို့ပြေးလိုက်မသွားလိမ့်မည်။

တခြားအမျိုးသမီးများသည်လည်း မျက်နှာဖုံးဝတ်ထားကြသည်။

သူတို့အားလုံးသည် ဝင့်ဝင့်ထည်ထည်ဝတ်စားထားကြသည်.။

သူတို့၏အကြည့်များသည် မင်းသားပေါ်တွင်သာရှိနေခဲ့သည်။

ငါအရမ်းကံကောင်းတာပဲ ဒီမှာမင်းသားကိုတွေ့ရတယ်

အမလေး၊ မင်းသားက ငါ့ကိုသတိထားမိရင်သိပ်ကောင်းမှာပဲ

ကံမကောင်းစွာပဲ မင်းသားရဲ့အကြည့်များသည် Veiled Queen ပေါ်တွင်သာ စွဲမြဲစွာရှိနေခဲ့သည်။

ထိုအချိန်တွင် ဖန်းမိုအာသည် မိတ်ကပ်လိမ်းပြီး ဒါရိုက်တာအနောက်ဘက်တွင် မတ်တပ်ရပ်နေခဲ့သည်။ ဒါရိုက်တာသည် သူမရဲ့အပိုင်းအတွက် သူလိုချင်တဲ့ပုံစံရန် မှတ်ထားရမည်များကို အတိုချုပ်ရှင်းပြနေခဲ့သည်။

ဖန်းမိုအာသည် ဂရုတစိုက်နားထောင်နေခဲ့သည်။ သူမရဲ့မျက်နှာအပေါ်ပိုင်းတွင် စိန်တုံးကဲ့သို့ တောက်ပနေသော သူမရဲ့မျက်လုံးကိုသာဖော်ထားခဲ့သည်။ သူတို့သည် ပွဲ၏အလင်းရောင်ကြောင့် ပို၍ပင် ကြည့်၍ကောင်းနေသည်။

သေချာပေါက် တင့်တည်စွာဝတ်ထားကြတဲ့ တခြားအမျိုးသမီးများလည်း ရှိနေသေးသည်။

သို့သော် ဖန်းမိုအာသာလျှင် မင်းသမီးတစ်ပါးပုံပေါ်သည်။

သဘာဝအတိုင်း သူမသည် အမျိုးသားအားလုံး၏အာရုံကိုဆွဲဆောင်နိုင်ခဲ့သည်။

ဖန်းမိုအာသည် ထောင့်တစ်နေရာကိုသွားကာ ထွက်သွားရန်စောင့်နေခဲ့သည်။

မင်းသားရဲ့ ပါတီပွဲအတွက် ရိုက်ကူးရေးစတာနဲ့ ခန်းမတစ်ခုလုံးသည် မှောင််ပိန်းသွားတော့သည်။