တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)

Chapter 100

Chapter 100 ဈေးကွက်ပေါက်ဈေးနှစ်ဆ

မူချန်ရှက်သွားခဲ့သည်။ အရင်က သူသည် မူမိသားစုကို ဖန်းမိုအာထံမှရှယ်ယာကို ဈေးကွက်ပေါက်ဈးပေးဝယ်ရန်အတွက် ပိုက်ဆံတောင်းခဲ့သည်။

ယခုတွင် ဈေးကွက်ပေါက်ဈေးနှစ်ဆကို တောင်းနေခဲ့သည်။

မူချန်သည် အရှက်ကွဲသလိုခံစားနေရသည်။

ယခုတွင် သူသည် မူမိသားစုတွင် အဆင့်အတန်းတစ်ခုရှိမနေရုံသာမက သူက မူမိသားစုကို အကြိမ်များစွာ ကပ်ဖားရပ်ဖားလုပ်ခဲ့ပြီးဖြစ်သည်။ သူက မူမိသားစုတွင် အသုံးမကျဆုံး သခင်လေးတစ်ယောက်ဖြစ်လာသည်။

သူ့အကိုကြီးနဲ့ အမကြီးတို့သည် အဆင့်အတန်းမြင့်ပြီး သူ့ထက် လွှမ်းမိုးနိုင်စွမ်းရှိသည်။

သူပဲ ...........

"အကို ၊ ကျွန်တော် ရှယ်ယာတွေပြန်ယူခဲ့မယ်လို့ ကတိပေးတယ်။ အချိန်ကျရင် ရုန်လေးကို သတို့သမီးစရိတ်အနေနဲ့ ပေးမှာလေ" မူချန်က အကူအညီမဲ့စွာပြောလိုက်သည်။

တစ်ဖက်မှာ ပြန်ပြောသည့်အသံထွက်မလာပဲ ငွေရောက်လာကြောင်းအကြောင်းကြားသည့် အသံသာထွက်လာသည်။

မူချန်ကတော့ မျက်နှာဖြတ်အရိုက်ခံလိုက်ရသလိုဖြစ်သွားသည်။

ဖန်းမိုအာက မူချန်ရဲ့ အမူအရာကို ကြည့်ကာ သူ့စိတ်ထဲတွင်ဖြစ်ပျက်နေသည်ကို ခန့်မှန်းနိုင်သည်။

သို့သော် သူမအရမ်း စိတ်ပေါ့ပါးနေသည်။

ဒီပိုင်ဆိုင်မှုတွေက မူလဖန်းမိုအာ ရရှိရမဲ့ အရာများဖြစ်သည်။ ဘာလို့များ မူချန်က သူကပဲ မတရားခံရသလို လုပ်နေလဲဆိုတာကို နားမလည်နိုင်ပေ?

ပြန်စဉ်းစားကြည့်ရင် မူလကိုယ် သူ့ဆီကအလိမ်ခံလိုက်ရတုန်းကတော့ သူကတစ်ခွန်းမှ မပြောခဲ့ပေ။

မူချန်က သူ့ဖုန်းကို ချကာ အေးစက်စက်ပြောလိုက်သည် "ဖန်းမိုအာ ငါတို့ အနာဂတ်မှာထပ်မတွေ့ကြဖို့ မျှော်လင့်တယ်။ ငါတို့တွေ့ခဲ့ရင်တောင် မမြင်ချင်ယောင်ဆောင်နေတာပေါ့"

သူက မောက်မာစွာပြောလိုက်သည် "ဒါက ဈေးကွက်ပေါက်ဈေးနှစ်ဆပဲ ။ လက်မှတ်ထိုးတော့ "