မှတ်ချက်မှာတော့ အကုန်လုံးက ရူးမတတ်ရယ်နေကြသည်။
"အရမ်းရယ်ရတယ်။ သူကတကယ်ကြီး လှေကိုမြစ်လယ်အထိလှော်သွားပြီး ငါးသွားဖမ်းတာပဲ။ နောက်ဆုံးတော့ ဝေးပြီးရင်းဝေးသွားတာ။ သူကပြန်လာချင်ရင်တောင် ဦးတည်ချက်ကိုလည်း သေချာမထိန်းနိုင်တော့ဘူး။အဲ့အစား ကမ်းစပ်ကနေ ဝေးဝေးကိုရောက်သွားတာပဲ"
တိုက်ရိုက်ထုတ်လွင့်မှုမှာတော့ ကင်မရာတစ်ခုက မူချန်နဲ့ ပိုင်ရုန်တို့ကို ရိုက်ကူးနေသည်။
သူတို့နစ်ယောက်လုံးက အရူးအမူးလှော်နေကြပေမဲ့ သူတို့ဘယ်လောက်ပဲ ကြိုးစားနေပါစေ ဦးတည်ရာကိုတော့ မထိန်းချုပ်နိုင်ပေ။
"ဒါကအရမ်းခက်တာပဲ"
"ကျွန်မတို့ဘာလုပ်ကြမလဲ? ကျွန်မတို့ဒီမှာသေတော့မှာလား?"
"မဟုတ်ပါဘူး ။ ပရိုဂရမ်အသင်းက ကိုယ်တို့ဒီမှာရှိနေတာကိုသိပြီး လာကယ်မှာပါ"
"အဲ့တာရှင့်အမှားပဲ။ မြစ်အလယ်မှာဆိုရင် ငါးအကြီးကြီးဖမ်းရတယ်လို့ပြောတာလေ။ အခုတော့ ငါးတစ်ကောင်တောင်မှ မဖမ်းနိုင်သေးဘူး။ နေလည်းဝင်တော့မယ် " ပိုင်ရုန်ကအရမ်းကဗျက်ကရက်ဖြစ်နေခဲ့သည်။
မူချန်ကလည်း သူ့မျက်နှာမှာ မကျေနပ်တဲ့အမူအရာရှိနေပီး "လှေလှော်တတ်တယ်လို့ ပြောတာက မင်းလေ"
ပိုင်ရုန် "..........."
ဒီတကြိမ်တော့ သူတို့နစ်ယောက်အချင်းများနေတဲ့ ဗီဒီယိုကို တိုက်ရိုက်ထုတ်လွင့်နေတော့သည်။
သူတို့နှစ်ယောက်စလုံး ဖုန်းပါမလာကြပေ။
သူတို့ ပရိုဂရမ်အသင်းကို စတင်ပါဝင်ကတည်းက သူတို့ဖုန်းတွေကို ပရိုဂရမ်အသင်းက သိမ်းထားခဲ့သည်။
အခုတော့ သူတို့က လာရောက်ကယ်ဆယ်မဲ့အချိန်ကိုသာ စောင့်ရန်ရှိတော့သည်။
သိပ်မကြာခင်မှာပဲ သူတို့နဲ့သိပ်မဝေးတဲ့နေရာမှာ မော်တော်ဘုတ်ကို တွေ့လိုက်ရဿည်။
သူတို့နစ်ယောက်လုံး မော်တော်ဘုတ်ကို လက်ဝှေ့ယမ်းပြလိုက်ကာ "ဒီမှာ ငါတို့ဒီမှာ"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
