ရှောင်တျန်းက ရှက်လာပြီး ဖန်းမိုအာကို အမြန်ပြန်ဆွဲလိုက်လေသည်။ "အမ ထားလိုက်ပါတော့ ညီမဘာမှထပ်မပြောတော့ပါဘူး။ ပိုက်ဆံတွေသုံးစရာမလိုပါဘူး"
ဖန်းမိုအာက "နင်ကငါနဲ့ အတူရှိနေတာကြာပြီလေ။ အဲ့တာကတင်ပဲ နင့်ကို တစ်ခုခုဝယ်ပေးသင့်တယ်လေ"
တကယ်လည်း ရှောင်တျန်းက အရမ်းနာခံတတ်သည်။ သူမက ဖန်းမိုအာအတွက် ၂၄ နာရီလုံး အသင့်ရှိနေတတ်သည်။ သူမကအရမ်းဂရုစိုက်တတ်ပြီး ဖန်းမိုအာကို ရေတော် အဆာမခံပေ။
ဖန်းမိုအာလည်း ရှောင်တျန်းအတွက် သေးငယ်တဲ့ ခေါင်းအဆင်တန်ဆာတစ်ခုကို ရွေးလိုက်သည်။
မောလ်ရဲ့ အသံလွှင့်ဌာနကနေ ကြေငြာလာသည် "တစ်နှစ်အရွယ်ကလေးတစ်ယောက် တွန်းလှည့်းထဲကနေ ပျောက်သွားပါတယ်။ ဝင်ပေါက်ထွက်ပေါက်တွေပိတ်လိုက်မှာပါ။ ဈေးဝယ်သူများ ကျေးဇူးပြုပြီးတော့ ရှိနေတဲ့နေရာမှာ နေပေးကြပါ။ ဒုက္ခပေးရအတွက် တောင်းပန်ပါတယ်"
အသံလွှင့်ခြင်းကိုထပ်ခါထပ်ခါကြေငြာလေရာ ဈေးဝယ်များကြားတွင် ကြွက်ကြွက်ဆူသွားသည်။
ကလေးတစ်ယောက်ပျောက်နေပြီး တစ်နှစ်သားသာ ရှိသေးသည်။
ဖန်းမိုအာနဲ့ ရှောင်တျန်းတို့က အချင်းချင်းကြည့်လိုက်ကြသည်။ သူတို့ လက်ဝတ်ရတနာဆိုင်ကို သွားနေရင်းနဲ့ မောလ်ရဲ့ဝင်ပေါက်က တကယ်ကြီး ပိတ်သွားတာကို တွေ့လိုက်ရသည်။
လုံခြုံရေးတွေကလည်း နေရာအနှံ့ရှာနေကြသည်။
"လူကုန်ကူးတဲ့သူများလား?"
"ကလေးကအရမ်းငယ်သေးတယ်။ ပြန်ပေးဆွဲတဲ့သူက အရမ်း ရက်စက်တာပဲ"
"သူတို့ မောလ်ကနေ မထွက်ရသေးဖို့ပဲ မျှော်လင့်တယ်။ ငါတို့ သူ့ကိုရှာရမယ်"
မောလ်ထဲတွင် စောင့်ကြည်ကင်မရာများစွာရှိနေသည်။ ဘယ်သူကများ ကလေးခိုးဖို့ သတ္တိရှိနေတာလဲ?
သိပ်မဝေးတဲ့နေရာတွင် အကြံအိုက်နေတဲ့ အမျိုးသမီးတစ်ယောက်ရှိနေသည်။ ရှာဖွေနေကြတဲ့ လူများစွာလည်းရှိနေသည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
