"ကျွန်တော်လုပ်ပေးပါမယ်။သေချာမစီစဉ်ထားမိတာ ကျွန်တော့်အပြစ်ပါ"
ရှီမိုကပြောပြီးတာနဲ့ လှည့်ထွက်သွားသည်။ သူ့လှုပ်ရှားမှုတွေက သိသာနေတာကြောင့် မူချန်ကလည်း အမြန်ပဲ အခန်းထဲက ထွက်သွားရတော့သည်။
မူချန်ကတော့ အခန်းထဲကို ထပ်ဝင်ဖို့အတွက် အကြောင်းပြချက်ရှာမရခဲ့ပေ။
အပြင်ဘက်မှ နေရောင်က အရမ်းကို တောက်ပနေသည်။
တခြားဧည့်သည်တွေကလည်း ရှီမိုလက်ထဲမှ ဖန်းမိုအာရဲ့ ဂွမ်းစောင်ရှိနေပြီး အပြင်ဘက်ကို ထွက်ကာ အခြောက်ခံရန်သွားတာကို မြင်လိုက်ကြရသည်။
ဖန်းမိုအာကတော့ အခန်းတံခါးကိုပိတ်ကာ သူ့နောက်ကို လိုက်သွားလိုက်သည်။
နေရောင်အောက်တွင် ဖန်းမိုအာနဲ့ ရှီမိုတို့က စောင်အစွန်းတစ်ဖက်စီကို ကိုင်ထားပြီး အိပ်ယာခင်းကို ပြင်နေကြသည်။
ပိုင်ရုန်နဲ့ ဟွမ်ရိထွက်လာတဲ့အချိန်မှာတော့ ဒီမြင်ကွင်းကိုမြင်လိုက်ပြီး သူတို့အမူအရာတွေ ပြောင်းသွားကြသည်။
ဟွမ်ရိကအနည်းငယ် မနာလိုဖြစ်သွားခဲ့၏။ ဖန်းမိုအာက အခွင့်ကောင်းကို အရမ်းရှာတတ်တာပဲ။ သူမကဒီအခွင့်အရေးကိုသုံးပြီး မစ္စတာရှီနဲ့ နီးစပ်အောင်လုပ်နိုင်ခဲ့သည်။
အဲ့အချိန်မှာပဲ ပိုင်ရုန်ကတော့ မူချန်ကို စိတ်ပျက်စွာ ကြည့်လိုက်သည်။
သူကဖန်းမိုအာနဲ့ နီးကပ်နေရမှာမဟုတ်ဘူးလား? ဘာလို့ ဖန်းမိုအာနဲ့ ရှီမိုတို့က အတူတူမတ်တပ်ရပ်နေကြတာလဲ?
တိုက်ရိုက်ထုတ်လွှင့်မှု မှာတော့ ပရိသတ်တွေက မှတ်ချက်ပေးနေကြသည်။
"သူတို့နှစ်ယောက်က အရမ်းလိုက်ဖက်တာပဲ"
"ငါ အဲ့တစ်ယောက်ရဲ့ အချက်အလက်တွေလိုချင်တယ်လို့"
"ဒါနဲ့ မူချန်ကဖန်းမိုအာကို အရမ်းတွေ အာရုံစိုက်နေတာကို နင်တို့သတိမထားမိကြဘူး မလား?"
"အဲ့တာအမှန်ပဲ။ မူချန်က မနာလိုဖြစ်နေတာလား?"
အစကတော့ ဖန်းမိုအာက သူ့ကို ပိုင်ရုန်ဆီကနေ ဖြတ်လုတယ်ဆိုပြီးဖြစ်စေချင်နေခဲ့တာ ဖြစ်သည်။ ကြည့်ရှုသူတွေက တခြားတစ်ဖက်ကနေ တွေးလိုက်မယ်လို့ ဘယ်သူကကော ထင်မှာလဲ?
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
