လမ်းတစ်လျှောက်လုံး ရှီမိုကတော့ သူ့မိသားစုရဲ့ လက်ရှိအခြေအနေကို ရှင်းပြခဲ့သည်။
ထိုမှသာ ရှီမိုရဲ့မိခင် လွန်ခဲ့တဲ့နှစ်များက ဖျားနာ၍ဆုံးသွားခဲ့တာကိုသိခဲ့ရသည်။ နောက်တော့ သူ့အဖေက နောက်အိမ်ထောင်ပြုခဲ့သည်။
ရှီမိုရဲ့ မိထွေးကတော့ အသက်17 ရှိတဲ့ သားတစ်ယောက်ရှိသည်။
တံခါးကနေဝင်လာတော့ ဖန်းမိုအာက ကျော့မော့စွာ ဝတ်စားထားတဲ့ အမျိုးသမီးကို မြင်လိုက်ရသည်။
အမျိုးသမီးကတော့ အနီရောင်ပုဝါနဲ့ သာမန် ဝတ်စုံကိုသာဝတ်ထားသည်။ သူမကတော့ မြင့်မြတ်တဲ့ပုံရိပ်ကို ထိန်းသိမ်းထားသည်။
သူမက ရှီမိုနဲ့ ဖန်းမိုအာကိုမြင်တာနဲ့ အမြန်ထွက်လာကာ မေးတော့သည် "အိုး ဒါက ဘယ်အိမ်ကသမီးလေးလဲ?"
ဖန်းမိုအာကတော့ အဲ့တာက ရှီမိုရဲ့ မိထွေးဆိုတာကို သိလိုက်သည်။
"ကျွန်တော့်အဖေဘယ်မှာလဲ?" ရှီမိုက အေးစက်စက်မေးလိုက်သည်။
ဝူလင်း က နှုတ်ခမ်းကိုဟကာဖြေလိုက်သည် "သူက အပေါ်မှာလေ"
သူမက ဖန်းမိုအာကို ဝေဖန်တဲ့အကြည့်တွေနဲ့ အထက်အောက် စုံချည်ဆန်ချည်ကြည့်နေသည်။ "ကြည့်ရတာ သူမက ချန်မိသားစုရဲ့ သမီးလောက် မကောင်းပါဘူး"
"သူမကောင်းမကောင်းကို ခင်ဗျားက စိုးရိမ်ပေးနေစရာမလိုဘူး" ရှီမိုက အေးစက်စက်ပြောလိုက်သည်။
"မင်းဘာပြောနေတာလဲ? ဘာပဲဖြစ်နေပါစေ ငါကပဲမင်းကိုထိန်းကျောင်းလာတာပါ။ ငါမစိုးရိမ်ရင် ဘယ်သူကစိုးရိမ်ပေးမှာလဲ?" ဝူလင်းက ဒေါသတကြီးပြောတော့သည်။
ရှီမိုကတော့ လျစ်လျူရှုလိုက်ကာ ဖန်းမိုအာကို အပေါ်ထပ်ကိုခေါ်သွားသည်။
ရှီမိုက ဖန်းမိုအာကိုပြောလိုက်သည် "ကိုယ့်ရဲ့ မိထွေးက ကိုယ့်ကို လက်မထပ်နိုင်ဖို့ ကြိုးစားနေးတာလေ။ ကိုယ့်မှာ အမွေခံတစ်ယောက်ရှိလာပြီး ကိုယ့်သားက မိသားစုရဲ့ ပိုင်ဆိုင်မှုတွေကို အကုန်ရသွားမှာကို သူမစိုးရိမ်နေတာ။ "
ဖန်းမိုအာကတော့ လျှာကိုက်လိုက်ကာ ထူးဆန်းနေသည် " ရှင်လက်ထပ်တုန်းက တစ်ယောက်ယောက်ကိုစောင့်နေတာ မထူးဆန်းပါဘူး"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
