"အဲ့တာက စာအုပ်ထဲက လူ" ဖန်းမိုအာက မကျေမနပ်နဲ့ ရေရွတ်လိုက်သည်။
ရှီမိုက ဒီအဖြေကိုလဲ မကျေနပ်သေးပေ။
"တကယ့်အပြင်မှာကကော?"
ဖန်းမိုအာကခေါင်းခါလိုက်သည်။ စာအုပ်ထဲက ရှီမိုကလွဲပြီးတော့ သူမလက်တွေ့မှာ ဘယ်သူ့ကိုမှ မချစ်ခဲ့ဖူးပေ။
နောက်ဆုံးတော့ သူမအတည်ဖြေလိုက်သည်"မရှိဘူး"
အဲ့ အဖြေက ရှီမိုရဲ့ အမူအရာကို ပြောင်းလဲသွားစေခဲ့သည်။
သူကအသံတိုးလိုက်ပြီး "မိုအာ မင်းကိုယ့်ကို ချစ်လာအောင် ကိုယ်လုပ်မယ်"
ဘယ်သူ့ကိုမှ မချစ်နေသ၍ သူကသူမနှလုံးသားကို အရယူဖို့ အချိန်ရှိသေးသည်။
သူပြောပြီးတာနဲ့ သူ့ကိုယ်သူ ထိန်းချုပ်မနေတော့ပေ။
ဖန်းမိုအာက လေထဲမှာမြင့်တက်နေပြီး လေထဲကနေပြုတ်ကျသွားသလို တုန်လှုပ်နေတဲ့ နူညံ့တဲ့ပန်းလေးတစ်ပွင့်လို ခံစားလိုက်ရ၏
နောက်တစ်နေ့မှာတော့
ဖန်းမိုအာ နိုးလာတော့ သူမခေါင်းကိုက်နေခဲ့ပြီး သူမခန္ဓာကိုယ်ကလည်း ကိုက်ခဲနေသည်။
သူမခါးတစ်ဝိုက်မှာလည်း လေးလံတဲ့လက်မောင်းတစ်ဖက်က ဖက်ထားသည်။
သူမခေါင်းလှည့်လိုက်တော့ ရှီမိုရဲ့ ငြိမ်သက်စွာအိပ်နေတဲ့ပုံစံကို မြင်လိုက်သည်။
ဖန်းမိုအာက ချက်ချင်းပဲ ဖြစ်ခဲ့တဲ့ကိစ္စတွေကို နားလည်သွားတော့သည်။
သူမ မနေ့ညက ခွက်အနည်းငယ်သောက်ခဲ့တာကို မှတ်မိသည်။ ပြီးတော့ အဲ့နောက်ပိုင်းဖြစ်ပျက်သမျှကတော့ ပျောက်ကွယ်နေသည်။
သူမစိတ်ထဲမှာ သူမနဲ့ရှီမိုတို့ရဲ့ အိပ်ယာပေါ်က ပုံစံဖြင့်သာပြည့်နေသည်။
သူမကို မေးခွန်းတစ်ချို့မေးခဲ့ပုံပေါ်ပေမဲ့ သူကတော့ သူမအဖြေတွေကို စိတ်တိုင်းမကျတာကြောင့်သူမကို ပိုပြီး တွန်းအားပေးကာ အပြစ်ပေးနေခဲ့သည်။
သို့ပေမဲ့ ဖန်းမိုအာက မေးခွန်းတွေကိုတော့ မမှတ်မိတော့ပေ။ သူမက ဝိုးတဝါးမှတ်ဉာဏ်သာရှိနေသည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
