တစ်ချိန်တည်းမှာပဲ ဖန်းမိသားစုအိမ်တော်တွင်
ဖန်းဟန်နဲ့ ဖန်းခိုင်တို့ဟာ ဖန်းမိုအာဆုယူနေတဲ့ ဗီဒီယိုကို အတူတူကြည့်နေကြသည်။
သူတို့ဟာ ဖန်းမိုအာဘယ်လောက်တောင်တောက်ပနေတယ်ဆိုတာကို မြင်တော့ သူတို့နှလုံးသားထဲမှာ အရမ်းကိုဂုဏ်ယူနေကြ၏။
"ငါ့အမ မိုအာက အရမ်းလှတာပဲ"
ဖန်းခိုင်ကလည်း ခေါင်းညိတ်လိုက်ကာ "အမက မူချန်နဲ့ လမ်းခွဲပြီးကတည်းက သူမက တခြားတစ်ယောက်လို ပြောင်းလဲသွားသလိုပဲ"
အရင်တုန်းက ဖန်းမိုအာက ခေါင်းမာပြီးတော့ EQလည်း နိမ့်ကျသည်။ သူမက ဒေါသကြီးတဲ့အပြင် လမ်းလျှောက်နေတဲ့ ဆူးတစ်ချောင်းလိုဖြစ်နေသည်။
လက်ရှိဖန်းမိုအာကတော့ ယုံကြည်ချက်အပြည့်ရှိကာ အရင်ကထက် ပိုပြီးကောင်းမွန်စွာ ပြုမူနေထိုင်သည်။ အရင်ကဖန်းမိုအာသာဆိုရင် သူမကဆုပေးပွဲမှာ ပိုင်ရုန်ရဲ့အနိုင်ယူသွားတာကို ခံရပါက ပြဿနာရှာလိမ့်မည်ဖြစ်သည်။ သို့သော် ဒီနေ့ ဖန်းမိုအာက လုံးဝမရှုံးခဲ့ပေ။ အဲ့အစား အနိုင်ရသူဖြစ်လာခဲ့သည်။
ဖန်းဟန်က "ငါတို့ဒီနေ့ ဂုဏ်ပြုပွဲလုပ်ရမယ်"
ဖန်းဟန်က ဖုန်းကို အမြန်ထုတ်ကာ ဖန်းမိုအာကို ခေါ်လိုက်သည်။
ဖန်းမိုအာက ရှီမိုနဲ့ သောက်နေတာဖြစ်သည်။
သူမဖန်းဟန်ဆီကနေ ဖုန်းဝင်လာကာ ဂုဏ်ပြုပွဲလုပ်ပေးချင်တယ်လို့ပြောလေသည်။
သူမက ရှီမိုကိုကြည့်ကာ သူမရှီမိုနဲ့ရှိနေတာလို့ ပြန်ပြောခဲ့သည်။
ဖန်းဟန်က "ဒါဆိုလည်း ခဲအိုကိုပါ လာခဲ့ဖို့ပြောလိုက်လေ"
ဘားတွင်တော့ ဖန်းမိုအာက မျက်မှန်တပ်ပြီး ဦးထုပ်ဆောင်းကာ သူမကိုယ်သူမ သာမန်လူလို ရုပ်ဖျက်လာခဲ့သည်။
သီးသန့်ခန်းထဲတွင် ဖန်းဟန်နဲ့ ဖန်းခိုင်တို့ ရောက်နှင့်နေပြီဖြစ်သည်။
ဖန်းမိုအာက ရှီမိုလက်ကိုတွဲကာ ဝင်လာခဲ့သည်။
တီတိုးပြောနေကြတဲ့ လူနှစ်ယောက်တော့ သူတို့ကို ချက်ချင်းကြည်လိုက်သည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
