ပိုင်ရုန်မပြောနဲ့ တခြားဧည့်သည်တွေတောင်အဆင့်မမှီပေ။
ပိုင်ရုန်ကတော့ နှုတ်ခမ်းတွန့်နေပြီဖြစ်သည်။ သူမရဲ့ခေါင်းပေါ်က ပစ္စည်းလေးကို ထိလိုက်ကာ တုံ့ဆိုင်းစွာပဲ ဘေးကိုဖြည်းဖြည်းချင်း ရွေ့သွားသည်။
ဖန်းမိုအာက ပိုင်ရုန်ရဲ့ဘေးတွင် ထိုင်နေသည်။
သူမကတော့ ပိုင်ရုန်နဲ့ ဟွမ်ရိတို့ကြားမှာ ဆန်းဒဝှစ်လိုဖြစ်နေသည်။
ဟွမ်ရိရဲ့ တုံ့ပြန်မှုကတော့ ပိုင်ရုန်နဲ့ အတူတူပင်ဖြစ်သည်။ သူမက ဖန်းမိုအာနဲ့ ဝေးမျှ ဝေးဝေးတွင် ထိုင်ချင်ပြီး ဖန်းမိုအာနဲ့ ဓာတ်ပုံတစ်ခုထဲတွင် အရိုက်မခံချင်ပေ။
မဟုတ်ရင်သူတို့က နောက်လိုက်တွေနဲ့တူနေလိမ့်မည်။
ဖန်းမိုအာကတော့ တော်တော် အဆင်ပြေနေသည်။ သူမကဒီနေ့ လူတိုင်းကို ကြွေသွားအောင်လုပ်တော့မည်ဖြစ်သည်။
တစ်ချိန်တည်းမှာပဲ
တိုက်ရိုက်ထုတ်လွှင့်မှုတွင် ကင်မရာက ဖန်းမိုအာနောက်ကို လိုက်နေသည်။
ဖန်းမိုအာက မြင့်မြတ်တဲ့ မင်းသမီးတစ်ပါးလိုမျိုးဖြစ်နေပြီး သူမဝတ်စုံက ရှုပ်ထွေးတာကြောင့် သူမထိုင်လိုက်တာတောင်သူမဂါဝန်အနားဟာ ဘေးဖက်ကနှစ်ယောက်ဘက်ကိုကျသွားခဲ့သည်။
မှတ်ချက်တွင် အရူးလိုရယ်နေကြတော့သည်။
"ဟား ဟား ဟား ဖန်းမိုအာက တကယ်ကို အဆင့်မြင့်မြင့်ဝတ်လာရဲတာပဲ"
"တကယ်တော့ လူတိုင်းက အဆင့်မြင့်တဲ့သူတွေပါပဲ ။ ဖန်းမိုအာရဲ့ ဝတ်စုံကတော့ သီးသန့်လုပ်ထားတာပဲပြီးတော့ အဲ့တာက အရမ်းလဲလှတယ်"
"သူမက ပိုင်ရုန်ကိုကန်းသွားအောင်လုပ်နိုင်တာပဲ။ မကောင်းကြောင်းတွေနဲ့ နာမည်ကြီးပြီး ထပ်ဆုံးရောက်နေတာက ဂုဏ်ယူစရာကောင်းလို့လား"
"ပြောမှပဲ ဒီနေ့က ပိုင်ရုန်အတွက် ပျော်စရာကောင်းတဲ့နေ့ပေါ့။ သူမရဲ့ နဂို ကုမ္ပဏီကနေ ထွက်လာပြီးတော့ ကုမ္ပဏီအသေးလေးကနေ ကုမ္ပဏီအကြီးကြီးဆီကို သွားတော့မှာပဲ။ အဲ့တာက နိုင်ငံထဲက ထပ်တန်း ၁၀၀ ထဲက တစ်ခုလို့ကြားထားတယ် ။ ကျွတ် ..ကျွတ်"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
