ဖန်းမိုအာတော့ ဧည့်ခန်းထဲကို သွားလိုက်သည်။
ပိုင်ရုန်က ဝင်ပေါက်မှာလက်ပိုက်ပြီး မတ်တပ်ရပ်နေတာကို မြင်လိုက်သည်။ သူမက ထေ့ငေါ့ကာ "နင်ကြည့်တာရပ်လို့ရပြီ။ မစ္စတာရှီခုနက အမူအရာမကောင်းပဲ အပြင်ထွက်သွားတာကို တွေ့လိုက်တယ်။ ငါထင်တာတော့ သူကနင်နဲ့ဒီရှိုးမှာပါချင်တော့မှာ မဟုတ်တော့ဘူး"
ဖန်းမိုအာကတော့ " နင်ထောင့်တစ်ခုခုမှာပုန်းပြီးငိုနေမယ်ထင်နေတာ။ ဘယ်လိုလုပ်ပြီးဒီလောက်မြန်မြန်ကောင်းသွားတာလဲ?"
ပိုင်ရုန်က လှောင်လိုက်ကာ "ဒီအချိန်မှာ ကင်မရာတွေရှိမနေဘူးလေ"
ဖန်းမိုအာက ဝင်ပေါက်ကိုကြည့်လိုက်ရာ တကယ်ကို သူမရှီမိုကို မမြင်လိုက်ပေ။
ရှီမိုက သူမကို ဘာမှမပြောပဲထွက်သွားမယ်လို့ မယုံပေ။ သူမအပြင်ထွက်တော့မဲ့အချိန်တွင် သူမရှေ့မှာလက်ပိုက်ထားတဲ့ ပိုင်ရုန်က အမြင်ကပ်စရာဖြစ်နေသည်။
"ပိုင်ရုန် နင့်ဗီဒီယိုက ငါ့လက်ထဲမှာရှိနေသေးတာကို မမေ့နဲ့။ ရှိုးမှာ ဒီလိုဟန်ဆောင်ပြနေတာက ဘာအတွက်လဲ?"
ပိုင်ရုန်က သူ့ကလေးကို ဖန်းမိုအာအန္တရာယ်ပြပါတယ်လို့ စွပ်စွဲဖို့ တမင်လှဲချတဲ့ဗီဒီယိုက ဖန်းမိုအာဖုန်းထဲတွင် ရှိနေဆဲဖြစ်သည်။
ပိုင်ရုန်ရဲ့ မျက်နှာထားက အေးခဲသွားပြီး "နင်တင်ချင်ရင် အရင်ကတည်းကတင်လိုက်ပြီပေါ့။ အခုထိနင်မလုပ်သေးမှာတော့ နင်မလုပ်ရဲတာပဲမလား?"
ပိုင်ရုန်ပြောပြီးတာနဲ့ ဖန်းမိုအာမျက်မှောင်ကြုတ်နေတာကို တွေ့လိုက်ရသည်။
ဖန်းမိုအာက ဗီဒီယိုကိုရပြီးတာနဲ့ သူမအကျယ်မချဲပါဘူးလို့ မူရွဲ့ကို ကတိပေးခဲ့ရသည်။
ဒါ့ကြောင့်သူမသည်းခံနေရသည်။
တစ်ချိန်တည်းမှာပဲ ရှီမိုက ဖန်းမိုအာကို မြေခွေးလို့ပြောနေကြတဲ့ အင်တာနက်ကသတင်းတွေကိုမြင်လိုက်သည်။
ဖန်းမိုအာက ပိုင်ရုန်ရဲ့ ရည်းစားကို ဖြတ်လုတယ်ဆိုတဲ့အကြောင်းအရာက ရှာဖွေမှုထိပ်ဆုံးရောက်နေသည်။ သက်သေအရင်းအမြစ်ကတော့ တိုက်ရိုက်ထုတ်လွှင့်မှု မှဖြစ်သည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
