ရှန်းယွဲ့ : "ငါ့မှာကိစ္စတစ်ချို့ဖြေရှင်းစရာရှိနေသေးလို့ နင်တို့နဲ့ ပြန်မလိုက်နိုင်သေးဘူး။" သူမသည် ပါးနပ်စွာပင် နှစ်ယောက်သားကိုချန်ခဲ့လိုက်တော့သည်။
ဒီနေ့ရိုက်ကွင်းကအဆင်ပြေပြေပြီးသွားတဲ့ပုံပဲ ရှီမိုသည် ဆိုဖာပေါ်တွင်ထိုင်နေလိုက်သည်။
သို့သော် ဖန်းမိုအာသည်မျက်မှောင်ကြုတ်နေခဲ့သည်။ ဒီနေ့မတော်တဆမှုရှိနေခဲ့သည်။ ရုတ်တရက်ပေါ်လာပြီး သူမရဲ့ပုံစံအမှန်ကိုဖော်ထုတ်ချင်နေတဲ့သူက ဘယ်သူလဲ ?
ထိုသူ၏လေသံအရဆိုရင် ထိုသူသည် တရုတ်နိုင်ငံသားဖြစ်သည်ကို သူမသေချာပြောနိုင်သည်။
သို့ပေမဲ့ သူမမည်သူ့ကိုရန်စခဲ့ဖူးသည်ကိုတော့ အမှန်တကယ်မမှတ်မိပေ။
ဖန်းမိုအာသည် ယနေ့ညနေခင်းပိုင်းတွင် ဖြစ်ပျက်ခဲ့သည်ကို ရှီမိုအားမပြောခင် ခဏမျှတွန့်ဆုတ်နေခဲ့သည်။
သို့ပေမဲ့ တစ်စုံတစ်ယောက်သည်သူမရဲ့ မျက်နှာဖုံးကိုလာဖြုတ်သွားခဲ့သည်ဟာပင် သူမပြောနိုင်ခဲ့သည်။ ထိုသူ သူမကို နံရံတွင်ဖိကပ်ခဲ့သည့်အကြောင်းပို၍ပင် ရှီမိုအားမပြောရဲပေ။
ရှီမိုသည် ထိုအကြောင်းကိုကြားကာ မျက်မှောင်ကြုတ်လိုက်သည်။ "စုံစမ်းခိုင်းဖို့ လူလွှတ်လိုက်မယ်"
ဖန်းမိုအာသည် ခေါင်းညိတ်လိုက်ကာ "ဒီအတိုင်းသိချင်စိတ်များတဲ့သူပဲဖြစ်လောက်ပါတယ်"
ရှီမိုသည်တော့ ထိုသို့မထင်ပေ။ Veiled Queen ၏ပုံစံအမှန်ကို စုံစမ်းနေကြသည့်လူအနည်းငယ်အကြောင်းကို သူပြန်၍စဉ်းစားနေခဲ့သည်။
ယနေ့တွင် ထိုသူသသည် သိချင်စိတ်ပြင်းပြနေသည့်သူ မဖြစ်နိုင်ပေ။
မိနစ်အနည်းငယ်ကြာသည်နှင့် ရှီမိုသည် ဖုန်းခေါ်ဆိုမှုကို ရရှိလိုက်သည်။
"မစ္စတာရှီ၊ အဲ့တုန်းက အခြေခံအချက်အလက်တွေအကုန်အဖျက်ဆီးခံလိုက်ရပါပြီးပါပြီ။ ရှာတွေ့ဖို့ နည်းလမ်းမရှိတော့ပါဘူး"
ရှီမို၏အသံသည် မပြောင်းလဲပဲ "ရပြီ"
ဘယ်သူက Veiled Queen အပေါ်မှာ အဲ့လောက်ကြီး စိတ်ဝင်တစားရှိနေရတာလဲ?
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
