ဝူလင်းကတော့ Veiled Queen ရဲ့လက်ကို တင်းကျပ်စွာကိုင်ထားဆဲဖြစ်ပြီး လုံခြုံရေဂကိုလည်း ရှာနေခဲ့သည်။
အဆောက်အဦးရဲ့ တာဝန်ရှိသူက အမြန်ရောက်လာသည်။
"မင်းတို့တွေ အလုပ်ကိုဘယ်လိုလုပ်နေကြတာလဲ? ဒါက ဟိုတယ်အကြီးကြီးလေ။ ဒါတောင် ဓာတ်လှေကားက ဒီလိုမျိုး မတော်တဆဖြစ်ရသေးတာလား" ဝူလင်းက အဆောက်အဦးထဲကလူတွေကို မေးခွန်းထုတ်တော့သည်။
တစ်ဖက်ကလူများကလည်း ထပ်ခါထပ်ခါ တောင်းပန်ကြသည်။
ဒီနေ့ဒီနေရာမှာ ရှိနေကြတဲ့လူတွေက ထိပ်တန်းပုဂ္ဂိုလ်များဖြစ်ကြသည်။ သူတို့က ဘာမတော်တဆမှုအတွက်မှ ပြန်ပေးဆပ်နိုင်လိမ့်မည်မဟုတ်ပေ။
ကံကောင်းစွာပဲ ဘယ်သူမှ ဒဏ်ရာမရသလို မသေခဲ့ပေ။
ဝူလင်းရဲ့ နှလုံးသားထဲမှာတော့ကြောက်လန့်နေဆဲဖြစ်ပြီး သူမအနာဂတ်မှာ ဓာတ်လှေကားကို စီးရဲတော့မည်မဟုတ်ပေ။
ပထမထပ်ကို ကျသွားကာ ပျက်စီးသွားခဲ့တဲ့ ဓာတ်လှေကားဟာ ပုံစံလုံးဝပျက်စီးသွားပြီဖြစ်သည်။ ဓာတ်လှေကားတံခါးဟာလည်း လွယ်လွယ်နဲ့ ပြန်ဖွင့်ဦးမည်မဟုတ်ပေ။
တခြားဓာတ်လှေကားတွေအတွက်လည်း အတူတူပင်ဖြစ်သ်ည။ တစ်ယောက်ယောက်သာ အထဲမှာရှိနေပါက ရှင်သန်ကျန်ရစ်ရန် ခက်ခဲလှသည်။
ဝူလင်းကတော့ Veiled Queen ကိုကြည့်လိုက်ပြီး သူမရဲ့ ဆက်ဆံပုံက အစောကနဲ့ မတူအောင်ပြောင်းသွားသည်။ သူမက "အခုဖြစ်သွားတဲ့ကိစ္စအတွက် မင်းကို ကျေးဇူးကျွေးတင်သွားပြီ"
Veiled Queen ကို တွေ့ရတော့ ဝူလင်းသည် ဖျော်ဖြေရေးနယ်ပယ်ကလူတွေကို ထပ်ပြီး ဆန့်ကျင်တော့မည်မဟုတ်ပေ။
အဲ့အစား သူမက သူမရဲ့ အသက်ကယ်တဲ့သူကို အရမ်းကို လေးစားချစ်ခင်သွားခဲ့သည်။
ဖန်းမိုအာက ဝူလင်းရဲ့မျက်နှာ ဖြူဖျော့နေသေးတာကို မြင်တာကြောင့်ဝူလင်းကို နားနေခန်းကိုသွားနားရန် ကူညီပေးလိုက်သည်။
"ဖျော်ဖြေရေးနယ်ပယ်က လူတွေက တကိုယ်ကောင်းဆန်ပြီး သူတို့ကိုယ်သူတို့ကိုပဲ ဂရိုစိုက်တတ်တယ်လို့ ထင်နေခဲ့တာ။ မင်းက ငါ့ကို အစောလေးက ကူညီလိမ့်မယ်လို့ မထင်ထားဘူး"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
