ဖန်းမိုအာကတော့ မျက်လုံးအပြူးသားနဲ့ "မဖြစ်နိုင်ဘူး။ မဖြစ်နိုင်ဘူး။ မူချန် နင်ရူးသွားပြီပဲ?"
မူချန်ကတော့ ဖန်းမိုအာကဒီကိစ္စကို မပျော်မရွှင်ဖြစ်နေမယ်လို့ မမျှော်လင့်ထားပေ။ ဆန့်ကျင်ဘက်အနေနဲ့ သူလုံးဝမယုံကြည်နိုင်ပေ။
"မိုအာ ကိုယ်အလေးအနက်ပြောနေတာပါ။ ကိုယ်တို့လမ်းခွဲပြီးကတည်းက ကိုယ်မကြာခဏ မင်းအကြောင်းပဲတွေးနေတာပါ..........."
ဖန်းမိုအာက အဲ့စကားကိုကြားပြီးး သူမအန်ချင်လာတော့သည်။ "သူငယ်ချင်းဖြစ်ဖို့မလိုဘူး။ ကျွန်မနဲ့ အာလာပသလာပပြောစရာပဲမလိုဘူး။ ကျွန်မ မကြားချင်ဘူး"
အဲ့နောက်တော့ ဖန်းမိုအာလှည့်ထွက်သွား၏။
ပရိသတ်တွေကမှတ်ချက်ပေးကြတော့သည် "ဒါဆို သူတို့ပြောတဲ့စကားတွေက အဲ့လောက် ရိုးရှင်းတယ်ပေါ့။ ဖန်းမိုအာကတစ်ချိန်လုံးကို ငြင်းနေတာလေ ဟုတ်တယ်မလား?"
"အဲ့ အတင်းပြောတဲ့ အကောင့်တွေက အရမ်းလွန်လွန်းတယ်။ တကယ်တော့ ဒီလိုဒရမ်မာမျိုးနဲ့ ထွက်လာတာပဲ။ အခုလို အမှန်တရားကို ဖော်ထုတ်သွားနိုင်တာ ကောင်းတယ်"
"ဒါဆို မူချန်ကပဲ အတိတ်ကိုပြန်သွားချင်နေတာပေါ့။ ဖန်းမိုအာကတော့ အဲ့အကြောင်းကို မပျော်တဲ့ပုံပဲ။ ဒါဆိုရင် နေ့လည်ခင်းတစ်ခုလုံးပိုင်ရုန်က မနာလိုဖြစ်နေခဲ့တာလေ။ ဖန်းမိုအာကတစ်ချိန်လုံး ဘာမှမသိတဲ့ အပြစ်ကင်းတဲ့သူပေါ့"
"ဘယ်လိုမြေခွေးလဲ။ သူမက ဒီလိုဖြစ်သွားအောင် တကယ်လုပ်တတ်တာပဲ"(ပိုင်ရုန်ကိုပြောတာပါ)
"မူချန်ကပဲတစ်ဖက်သတ်ဖြစ်နေပြီး အတိတ်ကိုပြန်သွားချင်နေတဲ့သူကြီးပေါ့?"
ဟွမ်ရိကတော့ သန့်စင်ခန်းထဲကထွက်လာပြီး သူမမျက်နှာကို မက်စ်ကပ်ထားသည်။ အဲ့အတိုင်းပဲ သူမက ကောလဟာလတွေကိုကြည့်ဖို့ အိပ်ခန်းကိုပြန်ဖို့လုပ်လိုက်တဲ့အချိန်မှာ ပိုင်ရုန်က သူမအဝတ်တွေကိုပိုက်ကာ သန့်စင်ခန်းတံခါးရှေ့မှာ စိတ်ညစ်နေတဲ့မျက်နှာထားနဲ့ မတ်တပ်ရပ်နေသည်။
ဟွမ်ရိက မနေနိုင်မထိုင်နိင် ပြောလိုက်သည် "မစ္စပိုင် အခြေအနေကဒီလိုဆိုမှာတော့ ? ဒီလိုတွေဖြစ်လာမှာတော့ လမ်းခွဲလိုက်တာကောင်းပါတယ်။ အဲ့လိုယောင်္ကျားတစ်ယောက်ကတော့ မရှိတာကပိုကောင်းပါတယ်"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
