တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)

Chapter 96

ဆေးရုံခန်းထဲတွင် ပိုင်ရုန်သည် သူမမျက်နှာသည် ဖျော့တော့ကာ ကျိုးပဲလွယ်နေပုံပေါက်သည်။

သူမသည် မူချန်ကို သူမရိုက်ကွင်းတွင် မတရားသဖြင့်ခံစားခဲ့ရသည်များကို ဖောက်သည်ချတော့သည်။

ဖန်းမိုအာသည် အမည်မသိရည်းစားကိုရိုက်ကွင်းကိုခေါ်လာရုံသာမက တောင့်တင်းပြီး အရပ်ရှည်တဲ့ သက်တော်စောင့်နှစ်ယောက်ပါခေါ်လာခဲ့သေးသည်။

ပိုင်ရုန် " တကယ်ကော့ ညီမက အမဖန်းကို ဂရုစိုက်မိနေသေးတယ်။ ဘာပဲဖြစ်ဖြစ် သူမကအရင်ကညီမကို ကူညီပေးခဲ့တယ်လေ။ အခု သူမဒီလိုဖြစ်လာတော့ ညီမမလွယ်တော့သလိုခံစားရတယ်"

မူချန်ကမျက်မှောင်ကြုတ်လိုက်ကာ "ရုန်လေး မင်းကအရမ်းသဘောကောင်းလွန်းတယ်။ ဒီလိုအချိန်မှာတောင် မင်းကတခြားသူကိုတွေးပေးနေသေးတယ်"

ပိုင်ရုန်ကဖျော့တော့တော့ပြုံးလိုက်ပြီး " အနည်းဆုံးတော့ ကျွန်မတို့အရင်က အလုပ်အတူတူလုပ်ခဲ့တာပဲလေ။ ရိုက်ကူးရေးအဖွဲ့ကလူတွေက မစ္စတာရှီရဲ့ နောက်ခံကို ခန့်မှန်းနေကြတာ။ ဖန်းမိုအာက ဂန်းစတားတစ်ယောက်ကို သူမကိုယ်သူမပုံပေးထားတယ်ဆိုပြီး လူတွေကအံဩနေကြတာ။ သူမအဲ့လိုအမှားမျိုးလုပ်လိုက်တာက သနားစရာပဲ"

မူချန် "အဲ့တာက သူမရဲ့ကိုယ်ပိုင်ရွေးချယ်မှုပဲ" ခေါင်းရမ်းကာပြောလိုက်သည်။

ဗီဒီယိုထဲတွင် မြင်းသည် ထိန်းချုပ်မှုလွတ်သွားကာ သေနတ်သံဖြင့် အသက်မဲ့သွားခဲ့သည်ကိုတော့ ထပ်ပြီး စစ်ဆေးစရာမရှိပေ။

တရုတ်တွင် ၊ နိုင်ငံ့ကာကွယ်ရေးဗျူရို များမှလွဲ၍ အရေးကြီးပုဂ္ဂိုလ်များကိုသာ ကာကွယ်ပေးသောသက်တော်စောင့်များအပြင် သာမန်လူများသည် သေနတ်ကိုင်ဆောင်ခွင့်မရှိပေ။

သိုသော် မစ္စတာရှီသည်တော့ သူနှင့်အတူသေနတ်ကိုင်ဆောင်ထားခဲ့သည်။

မစ္စတာရှီက မြေအောက်လောကမှဖြစ်ပြီး အန္တရာယ်များသည့်သူဖြစ်နိုင်သည်။

သေနတ်ကိုမတွန့်မဆုတ်ပစ်နိုင်ခြင်းသည် ရာထူးကြီးကြီးတစ်ယောက်ဖြစ်နိုင်သည်။