Veiled Queen ကပွဲရဲ့ ပထမတန်းမှာတောင် ထိုင်နေခဲ့တယ်လို့ ပြောလာကြသည်။
ပထမတန်းဟာဆိုရင် အရမ်းကို ချမ်းသာတဲ့သူတွေထဲကမှ ထိပ်တန်းတွေသာ ထိုင်ရတဲ့နေရာလို့ သိထားကြသည်။
အဲ့တာက ချမ်းသာမှုထိပ်တန်းဆိုတဲ့ တည်ရှိမှုပဲဖြစ်သည်။
ဒါတွေကပဲ Veiled Queen ရဲ့ ပုံစံအမှန်ကို လုံးဝပဟေဠိဆန်သွားအောင် တွန်းပို့ပေးလိုက်သည်။
ရှန်းယွဲ့က ဖန်းမိုအာကို ခေါ်လိုက်ကာ "သခင်မလေး မင်းဒီနေ့ပွဲကို ကောင်းကောင်းတင်ဆက်ခဲ့လား?"
ဖန်းမိုအာကလည်း ခေါင်းညိတ်လိုက်ကာ "ကောင်းတယ်လို့ ထင်တာပဲ"
မတော်တဆမှုအကြီးကြီးရှိနေခဲ့ပေမဲ့ ကံကောင်းစွာနဲ့ အဆင်ပြေသွားခဲ့သည်။
ရှန်းယွဲ့ကခေါင်းညိတ်လိုက်ကာ "ကောင်းတယ်။ ဟုတ်သားပဲ ဝူရှနဲ ရှန်းရှ စီးရီးတွေရဲ့ လူရွေးပွဲက ပြောင်းသွားပြီးတော့ တတိယအမျိုးသမီးဇာတ်လိုက်နေရာအတွက် ပြောင်းပြီး လူရွေးမှာဆိုတာကို အသိပေးချင်လို့ ။ ဟင်း............... နင်တစ်ယောက်ယောက်ကို အပြစ်လုပ်မိသေးလား? အထက်က ခိုင်းတာလို့ ငါကြားထားတယ်"
ဖန်းမိုအာလည်း အဲ့တာကိုကြားတော့ ပြေစရာစကားတောင်ပျောက်သွားသည်။ သူမအမြန်ပဲ ဝူလင်းကိုတွေးလိုက်မိသည်။
ရှီမိုအပြင် သူမသိတဲ့ အထက်ကသူက ဝူလင်းဖြစ်သည်။
လက်တလော ဝူလင်းက သူမကို ကျေနပ်မှုမရှိပေ။
"ညီမနားလည်ပြီ" ဖန်းမိုအာက ရုတ်တရက် ကူရာမဲ့သွားသလို ခံစားလိုက်ရသည်။ သူမကတော့ ရှီမိုရဲ့ အမေက သူမကိုမကြိုက်ဘူးဆိုတာကိုတော့သူမပြောနိုင်သည်။
ရှန်းယွဲ့ကလည်း ဒီကိစ္စအတွက် ကူရာမဲ့နေသည်။ သူမကလည်း "ဒါပေမဲ့ 'ဆရာတော် ,ကျွန်မနောက်လိုက်ခဲ့ပါ' ဆိုတဲ့ ကားမှာတော့ အမျိုးသမီးဇာတ်လိုက်နေရာက နင့်ဟာဖြစ်နေတုန်းပဲ။ နင်အဲ့ ဇာတ်ကားကို ယူသင့်တယ်"
အထက်ကလူတွေက ဖန်းမိုအာအတွက် ဒီလိုထောက်ပံ့မှုသေးသေးလေးကို တွက်ကပ်နေဖို့ မလိုဘူးလို့ ခံစားနေကြတာဖြစ်မည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
