အမျိုသားရဲ့ မျက်လုံးတွေက သူ့ရဲ့အလှလေးကို စနောက်နေရင်း ပြုံးနေသည်။
ဖန်းမိုအာကတော့ သူကအခွင့်အရေးရှာပြီး အမြတ်ယူနေတယ်ဆိုတာကို သူမသိသွားတော့သည်။
သူမစကားဆက်ပြောပါက သူလုပ်ချင်တာကို ဆက်လုပ်မည်ဖြစ်သည်။
ဒါ့ကြောင့် သူမကို သူလွတ်ပေးတာနဲ့ သူမနှုတ်ခမ်းကို စိလိုက်ကာ စကားမပြောတော့ပေ။
သူမမျက်လုံးထဲက အလင်းရောင်ကိုတွေ့တာနဲ့ ရှီမိုက ရယ်ကာ သူမကို စနောက်နေတာကို ရပ်လိုက်သည်။
အဲ့လိုနဲ့ပဲ သူမကို သူ့လက်မောင်းထဲမှာ ဖက်ထားပြီး ရုပ်ရှင်ဆက်ကြည့်နေလိုက်သည်။
ပွေ့ဖက်မှုက ပိုင်စိုးပိုင်နင်းသဘောထားအပြည့်ပါနေသည်။
ဖန်းမိုအာရဲ့ သရုပ်ဆောင်မှုက အရမ်းကောင်းနေတယ်လို့ သူပြောနိုင်သည်။
ဖန်းမိုအာက လျန်ချီးရဲ့ ပုံစံမျိုးကို မကြိုက်တာကို သူသာမသိခဲ့ရင် ရှီမိုတကယ့်ကို မနာလိုဖြစ်လိမ့်မည်ဖြစ်သည်။
ရုပ်ရှင်ထဲတွင် ဖန်းမိုအာရဲ့ မျက်လုံးထဲက ချစ်ခြင်းတွေက ရုပ်ရှင်အဆုံးအထိ အမျိုးသမီးတစ်ယောက်ရဲ့ အချစ်ခံစားချက်တွေကို ဖော်ပြနေခဲ့သည်။
"မင်းဘယ်လိုမျိုး ဒီဇာတ်ကောင်ကို ပုံဖော်လိုက်တာလဲ?" ရှီမိုက ရုပ်ရှင်ပြီးသွားတာကို ကြည့်လိုက်ပြီး သိချင်စိတ်နဲ့မေးလိုက်သည်။
ဖန်းမိုအာက ခေါင်းငုံ့လိုက်ကာ "ကျွန်မသရုပ်ဆောင်နေတုန်းက ကျွန်မသာ ရန်သူနဲ့ရိုက်ရတဲ့အခန်းဆိုရင် ကျွန်မအမုန်းဆုံးလူကို မြင်ယောင်လိုက်တယ်။ ကျွန်မ ရိုမန့်တစ်ဆန်တဲ့ အခန်းကိုရိုက်နေရင်တော့ ကျွန်မတကယ်ဘဝမှာ ချစ်တဲ့လူတစ်ယောက်ကို တွေးလိုက်တယ်လေ"
"ဒါဆို မင်းကဘယ်သူ့ကို မြင်ယောင်လိုက်တာလဲ?" သူက သူမလက်ကို ကိုင်ကာ မတ်တပ်ရပ်နေဆဲဖြစ်သည်။
ဖန်းမိုအာက သူ့ကို ရှက်နေတဲ့မျက်နှာလေးနဲ့ကြည့်လိုက်ကာ "ရှင့်ကိုပြောမပြဘူး"
ပြောပြီးတာနဲ့ သူမက အရှေ့ကနေ ခြေလှမ်းကျဲကျဲနဲ့ လှမ်းသွားလိုက်သည်။ ရှီမိုကတော့ သူမနောက်ကနေ အမြန်လိုက်ကာ နူးညံ့စွာ ရယ်လိုက်သည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
