သတင်းထောက်တွေက ဖန်းမိုအာကိုဓာတ်ပုံရိုက်ပြီးတာနဲ့ လျန်ချီးကိုမေးလိုက်သည် "အမျိုးသားဇာတ်လိုက်က အမျိုးသမီးဇာတ်လိုက်အနားကို ကပ်ရပ်ပေးလို့ရမလား?"
လျန်ချီးက ဖန်းမိုအာနားကို ခြေလှမ်းအနည်းငယ်တိုးလာလိုက်သည်။
သူ့အကြည့်တွေက ဖန်းမိုအာအပေါ်ကိုရောက်သွားပြီး "အခုဆိုရင် အင်တာနက်မှာ အမနဲ့ ကျွန်တော့်ကို တွဲပေးနေကြတဲ့ ဖန်တချို့တောင်ရှိနေတယ်။"
ဖန်းမိုအာတော့ ကြောင်သွားသည်။
ဒါပေမဲ့သူမက လျန်ချီးနဲ့ ဓာတ်ပုံရိုက်တာကိုပဲ အာရုံစိုက်ထားဆဲဖြစ်သည်။
သူမဘေးက ပိုင်ရုန်ကတော့ ဘေးထွက်နေရပြီဖြစ်သည်။
ဒီတစ်ခါတော့ သတင်းထောက်တွေက ဖန်းမိုအာနဲ့ လျန်ချီးကိုသာ အလေးထားပြီး မေးခွန်းမေးနေကြသည်။
"မစ္စဖန်း မင်းကချမ်းသာနေပြီးသားပဲ။ ဘာလို့ အနုပညာနယ်ပယ်ထဲကို ဝင်ချင်ခဲ့တာလဲ?"
ဘာပဲဖြစ်ဖြစ် လူတိုင်းဟာ သူမကအမျိုးသမီးဇာတ်လိုက်နေရာအတွက် ဖန်းမိသားစုကလုပ်ပေးခဲ့တာကို သိထားကြပြီးဖြစ်သည်။
ဖန်းမိုအာက ဒီဇာတ်ကောင်နဲ့ တာဝန်ယူဖို့ရာ စိတ်ထဲထားမနေပေ။
ပိုင်ရုန်နှုတ်ခမ်းကတွန့်သွားသည်။ ဘယ်အနုပညာရှင်က ဒီလိုစကားမျိုးကို ပြောရဲပါ့မလဲ? ဒီစကားကတော့ သူတို့ကပိုက်ဆံနဲ့ သူတို့ကိုယ်သူတို့ မြှင့်တင်ပေးနေသလို ဆိုလိုလိုက်တာပဲမလား?
သာမန် နောက်ခံသာရှိတဲ့ ပိုင်ရုန်ကတော့ အရမ်းကို မနာလိုဖြစ်နေသည်။
သတင်းထောက်ကတော့ လျန်ချီးကို မေးလိုက်သည် "ပရိသတ်တွေက မင်းတို့နှစ်ယောက်အတူရိုက်ကူးမဲ့ ရုပ်ရှင်နဲ့ ရသစုံရှိုးအကြောင်းတွေကို အမြင်ကောင်းတွေ ပေးနေကြတယ်။ မင်းတို့နှစ်ယောက်က အနာဂတ်မှာကော အလုပ်အတူတူလက်တွဲလုပ်ဖို့ရှိပါသလား?"
လျန်ချီးကပြုံးကာ ပြောလိုက်သည် "အခွင့်အရေးရှိရင်တော့ သေချာတာပေါ့"
အခုတော့ ကုမ္ပဏီက ဖန်းမိုအာကို ထောက်ပံ့ပေးဖို့ စီစဉ်နေပြီး တီဗွီစီးရီးရဲ့ အမျိုးသမီးဇာတ်လိုက်အဖြစ် ကြိုတင်ရယူထားပြီးဖြစ်သည်။
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
