သေချာတာပေါ့ ချက်ခ်ကတော့ နောက်ထပ်တစ်ခွက်နဲ့ဂုဏ်ပြုဖို့ ရည်ရွယ်ချက်မရှိပါဘူး။
Veiled Queen က အရက်သောက်နိုင်စွမ်းနည်းမယ်လို့ မထင်ထားတာကြောင့် သူထပ်တိုက်ဖို့ မလုပ်ရဲတော့ပေ။ ခဏကြာတော့ ချက်ခ်က "နောက်ဆုံးထွက်ရေမွှေးကို သင်္ဘောတင်ထားတာ အခုရောက်လာပြီ။ ငါဖြေရှင်းဖို့သွားရမယ်။ မစ္စVeiled မစ္စတာမူရွဲ့ ကျွန်တော် အရင်သွားလိုက်ပါဦးမယ်"
ချက်ခ်ထွက်သွားတာနဲ့ ဖန်းမိုအာကလည်း ထွက်သွားဖို့ အခွင့်အရေးရှာတော့သည်။
သူမကမူရွဲ့ကို ပြုံးပြရင်းနဲ့ပဲ "မစ္စတာမူ ဒါဆို ကျွန်မ ....."
"မစ္စVeiled က ကျွန်တော်ကို တကယ်ကြီးမုန်းနေတာလား?" မူရွဲ့က သူမကိုအေးစက်စက်ကြည့်ကာ ရုတ်တရက်မေးလိုက်သည်။
ထဖို့ပြင်နေတဲ့ဖန်မိုအာကတော့ အေးခဲသွားသည်။ သူမကအမြန်ပြုံးလိုက်ကာ ပြောလိုက်သည် "ဆာ ရှင်အထင်လွဲနေပါပြီ။ ကျွန်မက သန့်စင်ခန်းသွားချင်ရုံပါ"
တစ်စက္ကန့်အတွင်းပေါ်လာတဲ့အတွေးကတော့ သူမချက်ချင်းထွက်သွားမယ်ဆိုရင် အဆင်မပြေနိုင်တော့ပေ။
ဖန်းမိုအာ မတ်တပ်ရပ်လိုက်ကာ သန့်စင်ခန်းဆီကို ထသွားလိုက်သည်။
သန့်စင်ခန်းထဲတွင် ဖန်းမိုအာ သူမမျက်နှာကို ရေအေးနဲ့ပတ်လိုက်ပြီး အရက်အရှိန်မှ သက်သာအောင်လုပ်နေသည်။
သူမဘာလို့မှန်းမသိပေမဲ့ ဒီနေ့ရဲ့အရက်ကတော့ အရမ်းကိုမူးနေတယ်။
သူမအခန်းထဲကို ပြန်သွားလိုက်သည်။
မူရွဲ့ကတော့ အစားကို ဖြေးဖြေးချင်းစားနေဆဲဖြစ်သည်။
ရှောင်တျန်းကလည်း အဆင့်သင့်ဖြစ်နေတဲ့ အပြုအမူနဲ့ ဘေးတစ်စောင်းထိုင်နေခဲ့သည်။
သူမဖန်းမိုအာကို မြင်တာနဲ့ သူမကအကြည့်ချင်းဖလှယ်တော့သည်။
ဖန်းမိုအာကလည်းအစကတည်းက အကြာကြီးမနေပဲ ခဏသာနေပြီးပြန်ချင်ခဲ့တာဖြစ်သည်။
သို့ပေမဲ့ မူရွဲ့က ရုတ်တရက်မေးလိုက်သည် "မစ္စVeiled ဗိုက်ပြည့်သွားပြီလား?"
YOU ARE READING
တစိတ်လောက် ငါကမှအမျိုးသမီးဇာတ်လိုက်အစစ် (ဘာသာပြန်)
Romanceဖန်းမိုအာသည် သူမဖတ်ထားသောစိတ်ပျက်စရာမှလွဲ၍ ဘာမှမပေးသောဝတ္ထုသို့ ကူးပြောင်းသွားသည်ကို သိလိုက်ရသည်။ ဒါ့အပြင် သူမဟာ စိတ်ဆင်းရဲစရာအဆုံးသတ်ခဲ့ရတဲ့ အမျိုးသမီးဇာတ်ပို့ဖြစ်လာခဲ့ပါတယ်။ အမျိုးသားဇာတ်လိုက်ရဲ့ စိတ်ဝင်စားမှုကိုရရှိရန် သူမ၏ မိသားစု ပိုင်ဆိုင်မှုန...
